அதானி குழுமம்: விக்கிபீடியா பக்கத்தில் நடுநிலையற்ற தகவல் பதிவேற்றம்.. புதிய குற்றச்சாட்டு..!

நியூயார்க் ஹிண்டன்பர்க் ரிசர்ச் நிறுவனம் கௌதம் அதானிக்கு எதிராகக் கடுமையான குற்றச்சாட்டுகளை அடுக்கி அறிக்கை வெளியிட்ட ஒரு மாதத்திற்குப் பின்...

விக்கிபீடியா ஆசிரியர்கள் இப்போது அதானி குழுமத்தின் ஊழியர்கள் நடுநிலையற்ற PR தகவல்களை விக்கிப்பீடியா பக்கத்தில் "கிட்டத்தட்ட நிச்சயமாக" பொய்யான தகவல்களை உள்ளீடு செய்துள்ளனர் எனக் கூறப்படுகிறது.

40 க்கும் மேற்பட்டோர் தடை செய்யப்பட்ட அல்லது தடைசெய்யப்பட்ட சாக் பொம்மைகள் அல்லது அறிவிக்கப்படாத கட்டண ஆசிரியர்கள் அதானி குடும்பம் மற்றும் குடும்ப வணிகங்களில் ஒன்பது தொடர்புடைய கட்டுரைகளை உருவாக்கியுள்ளனர் அல்லது திருத்தியுள்ளனர்.

40 ஆசிரியர்கள்

இந்த 40 ஆசிரியர்களில் பலர் அதானி குழுமம் தொடர்புடைய பல கட்டுரைகளைத் திருத்தியுள்ளனர் மற்றும் நடுநிலை அல்லாத தகவல்களைச் சேர்த்துள்ளனர்.

அதிலும் முக்கியமாக ஒரு paid editor அதானி குழும நிறுவனத்தின் ஐபி முகவரியில் இருந்து அதானி குழுமத்தின் கட்டுரையை முழுவதுமாக மாற்றி எழுதியுள்ளார் என்று விக்கிபீடியாவால் நடத்தப்படும் தி சைன்போஸ்ட் செய்தியை வெளியிட்டு உள்ளது.

 

10 வருடங்கள்

கடந்த 10 வருடங்களாக sockpuppets என அழைக்கப்படும் பொய்யான தகவல்களைப் பரப்பும் நபர்களைத் தனது நிறுவனத்திலேயே நியமித்துக் கௌதம் அதானி, அவருடைய குடும்பம், நிறுவனங்கள் குறித்து விக்கிபீடியா பக்கங்களில் நடுநிலை அல்லாத தகவல்களைச் சேர்ந்தும், எச்சரிக்கை அளிக்கும் பதிவுகளை மாற்றியும் வருவதாகக் குற்றம்சாட்டப்பட்டு உள்ளது.

விக்கிபீடியா குற்றச்சாட்டு

விக்கிபீடியா குற்றச்சாட்டு குறித்து எவ்விதமான விளக்கமும் வெளியிடாதப்பட்ட நிலையில், இந்தச் செய்து சமுகவலைத்தளத்தில் பெரும் தாக்கத்தை ஏற்படுத்தியுள்ளது. விக்கிபீடியா சமூக மக்களால் எழுதப்பட்ட கட்டுரையில், விக்கிப்பீடியாவின் தரக்கட்டுப்பாட்டு அமைப்புகளைத் தவிர்க்கும் அசாதாரண முறைகள் மூலம் எடிட்டிங் பற்றிய எச்சரிக்கைகள் அகற்றப்பட்டுக் கட்டுரைகள் உருவாக்கப்பட்டன.

கௌதம் அதானி - வினோத் அதானி

கௌதம் அதானியின் சகோதரரான வினோத் அதானி நீண்டகாலமாக என்ஆர்ஐ ஆக இருக்கிறார், இவரின் தலைமையில் இயங்கும் வெளிநாட்டு நிறுவனங்கள் வாயிலாக அதானி குழுமத்திற்குள் அதிகப்படியான நிதி உட்செலுத்தப்பட்டு உள்ளது என ஹிண்டன்பர்க் தனது அறிக்கையில் தெரிவித்திருந்தது.

போர்ப்ஸ்

இதைத் தொடர்ந்து போர்ப்ஸ் வெளியிட்ட அறிக்கையில் இதற்கு முன்பு வெளியிடப்படாத அறிவிக்கப்படாத பரிமாற்றங்களில் வினோத் அதானிக்கு தொடர்புடைய ஆப்ஷோர் கணக்குகள் அதானி குழுமத்திற்குப் பலன் அளிக்கும் வகையில் உருவாக்கப்பட்டு உள்ளதை போர்ப்ஸ் கண்டுப்பிடித்துள்ளதாகவும் அறிவித்துள்ளது.