AI நீங்க நினைக்கிற மாதிரி 'ஈசி' கிடையாது.. ரொம்ப கஷ்டம்.. உண்மையை உடைத்த விப்ரோ COO சஞ்சீவ்..!!

உலகம் முழுவதும் ஏஐ குறித்து பேசிக்கொண்டு இருக்கும் வேளையில், பலரின் தூக்கக்தில் கூட ஏஐ, ஏஐ, ஏஐ என்ற சொற்கள் தான் கேட்கிறது. அந்த அளவுக்கு மக்களும், டெக் ஊழியர்களும் இதில் மூழ்கியுள்ளனர். ஆனால் இந்த ஏஐ சேவையை நிறுவனங்களில் பயன்படுத்துவது என்பது அவ்வளவு எளிதானது இல்லை என கூறுகிறார் விப்ரோவின் தலைமை இயக்க அதிகாரி சஞ்சீவ் ஜெயின்.

பெரிய நிறுவனங்களில் செயற்கை நுண்ணறிவை (AI) பயன்படுத்துவது மிகவும் சிக்கலானது என்று சஞ்சீவ் ஜெயின் தெளிவுபடுத்தியுள்ளார். "ஸ்மார்ட்போனில் ஒரு ஆப் போல இன்ஸ்டால் செய்து போல ஏஐ-ஐ உடனே பயன்படுத்த முடியாது" என்று அவர் கூறினார்.

AI தொழில்நுட்பம் நிறுவனத்தின் உள் அமைப்புகள், டேட்டாபேஸ், பாதுகாப்பு சிஸ்டம் மற்றும் வாடிக்கையாளர்களின் பிளாட்ஃபார்ம்களுடன் இணைக்க வேண்டும். இதற்கு பெரும் உள்கட்டமைப்பு மாற்றங்கள், சோதனைகள், பாதுகாப்பு சரிபார்ப்புகள் மற்றும் ஒருங்கிணைப்பு பணிகள் தேவை. "இது பார்க்கும் போது எளிதாக தோன்றலாம், ஆனால் நிஜத்தில் அதிகப்படியான வேலை" என்று சஞ்சீவ் ஜெயின் வலியுறுத்தினார்.

"ரெஸ்பான்சிபிள் AI" அவசியம்
AI தொழில்நுட்பத்தை நிறுவனங்கள் பயன்படுத்தும் போது, அது நெறிமுறை ரீதியாகவும், பாதுகாப்பாகவும், தவறின்றியும் செயல்பட வேண்டும். இதற்காக "ரெஸ்பான்சிபிள் AI" அடுக்குகளை சேர்க்க வேண்டும். இது AI தொழில்நுட்பம் மட்டும் அல்லாமல், நிறுவனத்தின் உள் செயல்முறைகள் மற்றும் வாடிக்கையாளர் தேவைகளையும் மாற்ற வேண்டியிருக்கும். இதனால் AI உள்கட்டமைப்பை பயன்பாட்டுக்கு கொண்டு வரும் நேரம், செலவு மற்றும் தொழில்நுட்ப வேலைகளை அதிகம் என சஞ்சீவ் ஜெயின் தெரிவித்தார்.

ஐடி நிறுவனங்கள் அழிந்து விடுமா?
சிலர் ஜெனரேட்டிவ் AI கருவிகள் ஐடி சேவை நிறுவனங்களான விப்ரோ, காக்னிசண்ட், இன்போசிஸ் போன்றவற்றின் தேவையை குறைக்கும் என்று வாதிடுகின்றனர். நிறுவனங்கள் தாங்களாகவே சாஃப்ட்வேர் உருவாக்கி நிர்வகிக்கலாம் என்று அவர்கள் நினைக்கின்றனர். ஆனால் சஞ்சீவ் ஜெயின் இதை தவறு என்று கூறுகிறார்.

AI தொழில்நுட்பம் வணிக செயல்முறைகளுடன் இணைப்பது, ஊழியர்களுக்கு பயிற்சி அளிப்பது, சிஸ்டங்களை பராமரிப்பது, தவறுகளை கண்காணிப்பது போன்றவற்றுக்கு நிபுணர்கள் தேவை. எனவே ஐடி நிறுவனங்கள் இன்னும் தொழில்நுட்ப சந்தையில் முக்கிய பங்கு வகிக்கின்றன.

விப்ரோ AI தொழில்நுட்பம் எப்படி பயன்படுத்துகிறது?
விப்ரோ தன்னை வெறும் ஐடி சேவை நிறுவனமாக மட்டும் இல்லாமல் "இன்டலிஜென்ஸ் கம்பெனி"யாக மாற்றி வருகிறது. தற்போது மூன்று முக்கிய பகுதிகளில் AI தொழில்நுட்பம் பயன்படுத்துகிறது: வாடிக்கையாளர்களுக்கு சிறந்த சேவை அளிப்பது, நிறுவனத்திற்குல் செயல்திறனை மேம்படுத்துவது, புதிய AI அடிப்படையிலான தீர்வுகளை உருவாக்குவது.

உதாரணமாக, HR, நிதி, சட்ட துறைகளில் AI மூலம் வழக்கமான கேள்விகளுக்கு தானியங்கி பதில்கள் அளிக்கப்படுகின்றன. இது வேலைகளை குறைக்கிறது.

AI உற்பத்தித்திறனை எப்படி மேம்படுத்துகிறது?
AI ஊழியர்கள் மற்றும் நிறுவனத்தின் உற்பத்தித்திறனை பெரிதும் மேம்படுத்துகிறது என்று ஜெயின் உறுதியாகக் கூறுகிறார். சாஃப்ட்வேர் டெவலப்மெண்ட்டில் கோடிங் வேகமாகிறது, டெஸ்டிங் விரைவாகிறது, ஹெல்ப் டெஸ்க் மற்றும் எளிய BPO வேலைகள் கிட்டத்தட்ட தானியங்கியாகின்றன.

இதன் மூலம் கீழ் நிலை அதாவது L1 நிலை வேலைகளை AI-க்கு விட்டு, மனிதர்கள் சிக்கலான மற்றும் முக்கியமான வேலைகளில் கவனம் செலுத்த உதவுகிறது.

AI மனிதர்களை முழுமையாக மாற்றுமா?
இல்லை. ஜெயின் தெளிவாகக் கூறுகிறார், AI 100% துல்லியமானது அல்ல. வாடிக்கையாளர் தேவைகளை புரிந்துகொள்வது, AI முடிவுகளை சரிபார்ப்பது, இறுதி முடிவெடுப்பது ஆகியவற்றுக்கு மனித நிபுணர்கள் இன்னும் தேவை. துறை அறிவு (domain knowledge) மிக முக்கியமானது.

பிற ஐடி தலைவர்கள் என்ன கூறுகின்றனர்?
காக்னிசண்ட் மற்றும் இன்போசிஸ் தலைவர்களும் இதே கருத்தை தெரிவித்துள்ளனர். AI தொழில்நுட்பம் "ப்ளக் அண்ட் ப்ளே" அப்கிரேடு என்று நினைப்பது தவறு என்று அவர்கள் கூறுகின்றனர். நிறுவனத்தில் AI பயன்பாட்டுக்கு கொண்டு வருவது என்பது "ஓபன் ஹார்ட் சர்ஜரி" போல ஒப்பிட்டார். அதாவது, நிறுவனத்தின் உள் சிஸ்டம், டேட்டா, செயல்முறைகளில் ஆழமான மாற்றங்கள் தேவை.

மொத்தத்தில், பெரிய நிறுவனங்களில் AI பயன்படுத்துவது சக்தி வாய்ந்தது, ஆனால் எளிதானது அல்ல. பெரிய அளவிலான சிஸ்டம் மாற்றங்கள், நிபுணர் கண்காணிப்பு மற்றும் கவனமான பராமரிப்பு தேவை. AI உற்பத்தித்திறனை மேம்படுத்தி எளிய வேலைகளை தானியங்கியாக்கினாலும், மனிதர்கள் இன்னும் மிக முக்கியமானவர்களாகவே உள்ளனர். ஐடி நிறுவனங்கள் பொருத்தமற்றவை ஆகிவிடவில்லை - அவை AI தொழில்நுட்பம் சரியாக ஒருங்கிணைத்து நிர்வகிக்க உதவும் புதிய பாத்திரத்துக்கு மாறி வருகின்றன.