செல்லத்தை கொண்டு வாங்கடா.. பட்டனை தட்டினால் பணம் கொட்டும்.. முதலீட்டு-க்கு AI சேவை..!

செயற்கை நுண்ணறிவு சேவைகள் நாளுக்கு நாள் அதிகரித்து வரும் வேளையில் முதலீட்டு சந்தைக்கு என தனியாக இதுவரையில் எவ்விதமான முதலீட்டு ஆலோசனை வழங்கும் ஏஜ சேவை வரவில்லை. இந்த நிலையில், முன்னணி முதலீட்டு ஆலோசனை நிறுவனமாக ஜேபி மோர்கன் புதிதாக ஒரு சேவையை அறிமுகம் செய்ய திட்டமிட்டு உள்ளது.

சமீபத்தில் பெங்களூர்-ஐ தலைமையிடமாக கொண்டு இயங்கி வரும் Dukaan நிறுவனம் தனது வாடிக்கையாளர் சேவை பிரிவில் இருக்கும் ஊழியர்களின் பணியை ஒரு செயற்கை நுண்ணறிவு தொழில்நுட்பத்தால் இயங்கும் AI Chatbot-ஐ கொண்டு இயக்க முடிவு செய்தது. இந்த AI Chatbot சிறப்பாகவும், வேகமாகவும் இயங்கிய காரணத்தால் வாடிக்கையாளர் சேவை பிரிவில் இருந்து 90% ஊழியர்கள் பணிநீக்கம் செய்யப்பட்டு உள்ளனர்.

இது ஆரம்பக்கட்டம், மறுமுனையில் கூகுள் தற்போது AI துறையில் போட்டியை விரிவுபடுத்த மருத்துவத் துறையில் AI பயன்பாட்டைக் கொண்டு வர முடிவு செய்துள்ளது. இதற்காக மெடிக்கல் ஏஐ சேட்பாட் ஆன Med-PaLM 2 என்ற தொழில்நுட்பத்தை மருத்துவமனையில் ஆய்வு செய்யத் துவங்கியுள்ளது கூகுள், இந்த சோதனை வெற்றி அடையும் நிலையில் மருத்துவ துறையில் பெரும் மாற்றம் உருவாகும்.

இந்த நிலையில் உலகளவிலான வர்த்தக சந்தையை இயக்கும் முதலீட்டு சந்தையை இயக்க ஒரு AI சேவையை உருவாக்க முடியாதா என்ன..? இதை தான் தற்போது JP MORGAN செய்து வருகிறது, IndexGPT என்ற AI சேவை பத்திர முதலீடுகள், நிதி முதலீடுகள், நிதியியல் விவகாரங்கள் பிரிவில் பல்வேறு தரவுகளை ஆய்வு செய்து அதன் மூலம் முதலீட்டுக்கான தீர்வு காணும் சேவையை IndexGPT வாயிலாக பெற திட்டமிட்டு உள்ளது.

ஜேபி மோர்கன் உருவாக்கி வரும் இந்த IndexGPT சாமானிய மக்களின் பயன்பாட்டுக்கு வருமா என்பது தெரியவில்லை. ஆனால் முதலீட்டு சந்தையில் AI சேவை அதுவும் கடந்த கால டேட்டா, ரியல் டைம் டேட்டா வைத்து எதிர்கால வர்த்தக சூழ்நிலையை மையமாக வைத்து முதலீட்டு ஆலோசனை வழங்கும் ஒரு AI சேவையை உருவாக்கினால் லாபத்தை அள்ள முடியும்.

இது எளிதாக இருந்தாலும், இதன் நம்பகத்தன்மை குறித்து கட்டாயம் பல கேள்விகள் இருக்கும். மேலும் ஆய்வுக்காக AI பயன்படுத்தும் தரவுகள் எது..? யார் கொடுத்தது என்பது போன்ற பல காரணிகள் முக்கியமானதாக இருக்கும். இதை கடந்து சரியான ஆலோசனையை AI வழங்கும் போது கட்டாயம் அது இலவசமாக இருக்க வாய்ப்பு இல்லை..

எலான் மஸ்க், சுந்தர் பிச்சை, OpenAI சாம் ஆல்ட்மேன் போன்ற முக்கியமானோர் ஏதாவது புரட்சி செய்தால் உண்டு. பொருத்திருந்து பார்ப்போம்.