ஒரு நாளைக்கு 2 ஜிபி டேட்டா: ஜியோ - ஏர்டெல் - வோடபோன் எது பெஸ்ட்..?!

தற்போது ஒரு குடும்பத்தின் மாத பட்ஜெட்டில் ரீசார்ஜ் செய்வதற்காக கணிசமான தொகையை ஒதுக்க வேண்டியுள்ளது. பெரும்பாலானவர்கள் ஸ்மார்ட் ஃபோன்களை பயன்படுத்துவதால் டேட்டா பேக்குகள் போட வேண்டிய சூழல் உண்டாகிறது.

சந்தையில் தற்போது இருக்கக்கூடிய ஒரு நாளைக்கு 2 ஜிபி டேட்டா வழங்கக்கூடிய சிறந்த பிளான்கள் குறித்து இந்த கட்டுரையின் விரிவாக பார்க்கலாம்.

ஜியோ: ரிலையன்ஸ் ஜியோ நிறுவனத்தின் ஓராண்டுக்கான ப்ரீபெய்ட் ரீசார்ஜ் திட்டத்தில் 4,498 ரூபாய் செலுத்த வேண்டும். இதன் மூலம் 365 நாட்களுக்கு ஒரு நாளைக்கு 2 ஜிபி டேட்டாவை நாம் பயன்படுத்த முடியும். மொத்தமாக ஓராண்டுக்கு 730 ஜிபி டேட்டா கிடைக்கிறது.

அதேபோல அன்லிமிடெட் வாய்ஸ் காலிங் மற்றும் ஒரு நாளைக்கு 100 எஸ்எம்எஸ் அனுப்பலாம்.இந்த 4,498 ரூபாய் திட்டத்தில் வாடிக்கையாளர்கள் இலவசமாக அமேசான் பிரைம் வீடியோ, டிஸ்னி +ஹாட்ஸ்டார், சோனி எல்ஐவி, ஸீ5, டிஸ்கவரி ப்ளஸ் மற்றும் ஜியோ சினிமா பிரிமியம் ஆகிய தளங்களின் சந்தாவையும் இலவசமாக பெற முடியும்.

ஏர்டெல்: இந்நிறுவனம் வழங்க கூடிய ஓராண்டு திட்டம் இது. 365 நாட்களுக்கு ஒரு நாளைக்கு 2 ஜிபி டேட்டா வீதம் நாம் பயன்படுத்திக் கொள்ளலாம். இதற்காக நாம் 2,999 ரூபாய்க்கு ரீசார்ஜ் செய்ய வேண்டும்.

அன்லிமிடெட் வாய்ஸ் கால் வசதி மற்றும் 5ஜி நெட்வொர்க் சேவைகள் இதன் மூலம் கிடைக்கும். டிஸ்னி + ஹாட்ஸ்டார் சந்தாவை இந்த ஓராண்டு காலத்திற்கும் நாம் இலவசமாக பயன்படுத்திக் கொள்ளலாம்.

வோடபோன்: வோடபோன் ஐடியா வழங்கக்கூடிய ஆண்டு திட்டம். அதாவது 3,199 ரூபாய்க்கு வோடபோன் வழங்கக்கூடிய இந்த ப்ரிபெய்டு திட்டத்தின் மூலம் 365 நாட்களுக்கும் ஒரு நாளைக்கு 2 ஜிபி டேட்டாவை நாம் இலவசமாக பயன்படுத்திக் கொள்ள முடியும்.

இது மட்டும் நள்ளிரவு முதல் காலை 6 மணி வரை இலவசமாக நாம் இன்டர்நெட்டை பயன்படுத்திக் கொள்ளலாம். இந்த திட்டத்தில் ரீசார்ஜ் செய்பவர்கள் 365 நாட்களுக்கும் இலவசமாக அமேசான் பிரைம் வீடியோ சந்தாவை பெற முடியும். ஆனால் இது செல்போனில் மட்டுமே பயன்படுத்தக் கூடியது.

ஜியோ : ஜியோ வழங்கக்கூடிய மூன்று மாத திட்டம் இது. 1,198 ரூபாய்க்கு ஜியோ வழங்கக்கூடிய இந்தத் திட்டத்தின் வேலிடிட்டி காலம் என்பது 84 நாட்கள் .1,198 ரூபாய்க்கு ரீசார்ஜ் செய்து 84 நாட்களுக்கு ஒரு நாளைக்கு 2 ஜிபி டேட்டா என்ற வீதத்தில் நாம் பயன்படுத்திக் கொள்ளலாம்.

இது மட்டும் இன்றி 5ஜி இன்டர்நெட் சேவை கிடைக்கும். அதேபோல அமேசான் பிரைம் வீடியோ, டிஸ்னி + ஹாட்ஸ்டார், ஜியோ சினிமா பிரீமியம் போன்ற சேவைகளையும் நாம் இலவசமாக பயன்படுத்திக் கொள்ளலாம்.

ஏர்டெல்: ஏர்டெல் நிறுவனம் வழங்கக்கூடிய மூன்று மாத திட்டம் இது. 869 ரூபாய்க்கு நாம் ரீசார்ஜ் செய்து கொண்டால் 84 நாட்களுக்கு ஒரு நாளைக்கு 2 ஜிபி டேட்டா வீதம் நாம் பயன்படுத்திக் கொள்ள முடியும்.இந்த திட்டத்தின் ஒரு பகுதியாக நாம் மூன்று மாதங்களுக்கு டிஸ்னி + ஹாட்ஸ்டார் சந்தாவை இலவசமாக பயன்படுத்திக் கொள்ளலாம்.

வோடபோன்: இந்நிறுவனம் வழங்கக்கூடிய மூன்று மாத காலத்திட்டம் இது. 839 ரூபாய்க்கு ப்ரீபெய்டு பிளானில் ரீசார்ஜ் செய்து கொண்டால் நாம் மூன்று மாத காலத்திற்கு அன்லிமிடெட் வாய்ஸ் கால் பெற்றுக்கொள்ளலாம். இரவு நேரங்களில் இன்டர்நெட் பயன்படுத்துவது இலவசம் இத்துடன் டிஸ்னி+ ஹாட் ஸ்டார் சந்தாவை நாம் இலவசமாக பயன்படுத்தலாம்.

Story written by: Devika