கோவையில் அலுவலகத்தை விரிவாக்கம் செய்த Amazon!. KGISL SEZ வளாகத்தில் கூடுதல் இடம்.!!

முன்னணி மின் வணிக நிறுவனமான அமேசான், இந்தியாவில் ஃபிளிப்கார்டிற்கு அடுத்தபடியாக இரண்டாவது இடத்தில் உள்ளது. ஆன்லைன் வர்த்தகம், க்ளைட் கம்ப்யூட்டிங், ஆன்லைன் விளம்பரம், டிஜிட்டல் ஸ்ட்ரீம்மிங், ஏஐ உள்ளிட்ட பல்வேறு துறைகளில் கால்பதித்து செயல்பட்டு வருகிறது அமேசான் நிறுவனம். இந்த நிறுவனம் அமெரிக்காவை தலைமையிடமாக கொண்டு செயல்பட்டு வருகிறது. இந்த நிறுவனத்தின் கிளைகள் இந்தியா உள்பட பல நாடுகளில் உள்ளது. நம் நாட்டை பொறுத்தவரை தமிழகம் உள்பட பல மாநிலங்களில் இதன் கிளைகள் உள்ளன. சென்னையை பொறுத்தவரை பெருங்குடியில் அமேசான் நிறுவனம் அமைந்துள்ளது.

இந்தநிலையில், கோவையில் அமேசான் நிறுவனம், அதனை விரிவாக்கும் வகையில் பல்வேறு முயற்சிகளை எடுத்து வருகிறது. அதன்படி, தற்போது, அதன் Amazon Development Centre India Pvt Ltd மூலமாக இந்த KGISL SEZ வளாகத்தில் கூடுதல் 57,000 சதுர அடி இடத்தை கையகப்படுத்தியுள்ளது, KGISL SEZ (கேஜிஐஎஸ்எல் சிறப்பு பொருளாதார மண்டலம்) கோயம்புத்தூரில் அமைந்துள்ள ஒரு முக்கிய தகவல் தொழில்நுட்ப (IT) மற்றும் வணிக செயல்பாடுகள் ஆதரவு சேவைகள் (BPO) மையமாகும். இது பல்வேறு மல்டிநேஷனல் நிறுவனங்களுக்கு வசதியான தொழில்நுட்ப சூழலை வழங்குகிறது.

இதுமட்டுமல்லாமல், இங்கு Amazon, Bosch, Cognizant, DELL, Wipro, Tata Consultancy Services (TCS) போன்ற பல முன்னணி நிறுவனங்கள் செயல்பட்டு வருகின்றன. அதன்படி, அமேசானின் இந்த விரிவாக்கம், கோயம்புத்தூரில் தகவல் தொழில்நுட்ப வளர்ச்சிக்கு ஒரு முக்கிய IT & BPO மையமாக மாற்றுவதற்கு வழிவகுக்கும் என்று எதிர்பார்க்கப்படுகிறது. மேலும், அமேசானின் இந்த முதலீடு, உள்ளூர் திறமைகளை மேம்படுத்தி புதிய வேலை வாய்ப்புகளை உருவாக்க கூடும் என்றும் கூறப்படுகிறது.

கோயம்புத்தூர், தரமான தகவல் தொழில்நுட்ப உள்கட்டமைப்பு, திறமையான பணியாளர்கள் மற்றும் வணிகத்துக்கு உகந்த சூழல் ஆகியவற்றால் பல்வேறு உலகளாவிய ஐடி மற்றும் பிபிஓ (BPO) நிறுவனங்களின் கவனத்தை ஈர்த்து வருகிறது. அந்தவகையில், கடந்த 2 வருடங்களாகவே கோவையில் முதலீடுகள் குவிந்து வருகின்றன. அங்கே தொழில் செய்வதற்கு ஏதுவான சூழல் உருவாகிக்கொண்டு இருக்கிறது.

Take a Poll

கடந்த முதலீட்டாளர்கள் மாநாட்டிலும் கூட கோவையில் பல்வேறு முதலீடு திட்டங்கள் அறிவிக்கப்பட்டன. நாட்டிலேயே வேகமாக வளர்ந்து வரும் நகரங்களில் ஒன்றான கோயம்புத்தூரில், தகவல் தொழில்நுட்பம் வாழ்வியல் அறிவியல் விண்வெளி பொறியியல் துறைகளுக்கான ஆராய்ச்சி மற்றும் மேம்பாடு போன்ற உயர் தொழில்நுட்ப அலுவலகங்களுக்கான தேவை அதிகரிக்கிறது.

FAQs

அமேசானின் இந்த புதிய வளர்ச்சியால் கோயம்புத்தூரில் எவ்வளவு வேலைவாய்ப்புகள் உருவாகும்?

அமேசானின் இந்த புதிய வளர்ச்சியால் கோயம்புத்தூரில் உருவாகும் வேலைவாய்ப்புகளின் எண்ணிக்கை குறித்து நிறுவனத்தால் இதுவரை அதிகாரப்பூர்வ அறிவிப்பு வெளியிடப்படவில்லை. எனினும், 2023ஆம் ஆண்டில் அமேசான் இந்தியா பல நகரங்களில், அதில் கோயம்புத்தூரும் அடங்கும், தற்காலிகமாக 20,000 வேலைவாய்ப்புகளை உருவாக்கியது

உள்ளூர் திறமைகளை பயன்படுத்த அமேசான் எந்த வகையான முயற்சிகளை மேற்கொள்ளும்?

அமேசான், கோயம்புத்தூரில் உள்ளூர் திறமைகளை பயன்படுத்தும் நோக்கில் பல்வேறு முயற்சிகளை மேற்கொள்கிறது. KGISL SEZ போன்ற தகவல் தொழில்நுட்ப வளாகங்களில் இயங்குவதன் மூலம், அமேசான் கோயம்புத்தூரில் உள்ள IT மற்றும் மென்பொருள் வளர்ப்பு நிறுவனங்களுடன் இணைந்து செயல்பட வாய்ப்பு பெறுகிறது. இதன் மூலம், உள்ளூர் ஸ்டார்ட்அப்கள், சாப்ட்வேர் டெவலப்பர்கள் மற்றும் தொழில்நுட்ப நிபுணர்கள் அமேசானின் திட்டங்களில் பங்கேற்க முடியும்.

கோயம்புத்தூரில் அமேசானின் நீண்டகால திட்டங்கள் என்ன?

அமேசான், கோயம்புத்தூரை ஒரு முக்கிய தகவல் தொழில்நுட்ப (IT), வணிகச் செயல்பாடுகள் (Business Operations), மற்றும் லாஜிஸ்டிக்ஸ் (Logistics) மையமாக உருவாக்க பல்வேறு நீண்டகால திட்டங்களை திட்டமிடுகிறது.

 

அமேசான் கோயம்புத்தூரில் அதிகமான முதலீடுகளை செய்ய திட்டமிடுகிறதா?

ஆமாம், அமேசான் கோயம்புத்தூரில் அதிக முதலீடுகளை செய்ய திட்டமிட்டிருக்கிறது. அமேசான் தற்போது KGISL SEZ-ல் 57,000 சதுர அடியில் தனது செயல்பாடுகளை விரிவாக்கியுள்ளதுடன், இது தொடக்க கட்டத்தின் ஒரு பகுதி மட்டுமே என்று நிபுணர்கள் கருதுகின்றனர்.