4,152 பேரை கோடீஸ்வரனாகிய அமேசான்.. இது ரொம்ப நல்ல விஷயம் தான்..!

4,152 கோடீஸ்வர விற்பனையாளர்கள்

அமேசான்.காம் வெளியிட்டுள்ள 2020 Small and Medium Business (SMB) Impact அறிக்கையில் இந்தியாவில் கொரோனா பாதிப்பு நிறைந்த காலத்திலும் தனது தளத்தில் வர்த்தகம் தொடர்ந்து சிறப்பான அளவை அடைந்து வந்த நிலையில், தனது தளத்தில் இருக்கும் சிறு மற்றும் குறு விற்பனையாளர்கள் பிரிவில் சுமார் 4,152 பேர் அல்லது நிறுவனங்கள் சுமார் 1 கோடி ரூபாய்க்கும் அதிகமான வர்த்தகத்தைப் பெற்றுள்ளதாக அறிவித்துள்ளது.

அமேசான் இந்தியா 'crorepati' sellers

1 கோடி ரூபாய்க்கும் அதிகமாக வர்த்தகத்தை விற்பனையாளர்களை - அமேசான் இந்தியா 'crorepati' sellers என அழைக்கிறது. ஒவ்வொரு வருடமும் 'crorepati' sellers பிரிவு வர்த்தகர்கள் அதிகரித்து வரும் நிலையில் இந்த வருடம் சுமார் 29 சதவீதம் அதிகரித்துள்ளது.

அமேசான் லாஞ்ச்பேட்

இதேபோல் புதிதாகப் பொருட்கள் அறிமுகம் செய்யும் நிறுவனங்கள் அமேசான் லாஞ்ச்பேட் வாயிலாகப் பட்டியலிடப்பட்டு வாடிக்கையாளர்களிடம் கொண்டு சேர்க்கிறது அமேசான். இந்த அமேசான் லாஞ்ச்பேட் தளத்தில் பட்டியிலிடுவோரின் வர்த்தகம் கடந்த வருடத்தை விடவும் 135 சதவீதம் அதிகரித்துள்ளது என அமேசான் தெரிவித்துள்ளது.

பெண் விற்பனையாளர்கள்

மேலும் அமேசான் தளத்தில் பெண் விற்பனையாளர் எண்ணிக்கை எப்போதும் இல்லாத அளவில் அதிகரித்துள்ளதாகவும், Saheli திட்டத்தின் கீழ் அமேசான் தளத்திற்கு வருவோரின் வர்த்தகம் சுமார் 15 மடங்கு அதிகரித்துள்ளது என அமேசான் தெரிவித்துள்ளது.

நெசவாளர்கள் மற்றும் கலைஞர்கள்

இதேபோல் நெசவாளர்கள் மற்றும் கலைஞர்கள் ஈர்க்கும் திட்டமான Karigar திட்டத்தில் இணையும் விற்பனையாளர்கள் 2.8 மடங்கு அதிக வர்த்தகத்தைப் பெறுகிறார்கள் என்று அமேசான் தெரிவித்துள்ளது.

10 லட்சம் விற்பனையாளர்கள்

அமேசான் தளத்தில் குறு மற்றும் சிறு வர்த்தகர்கள் பரிவில் சுமார் 10 லட்சம் விற்பனையாளர்கள் இந்தியா முழுக்க வர்த்தகம் செய்கிறார்கள் என அமேசான் இந்தியாவின் தலைவர் அமித் அகர்வால் தெரிவித்துள்ளார்.

2025 இலக்கு

2025ஆம் ஆண்டுக்குள்ள 1 கோடி குறு மற்றும் சிறு வர்த்தகர்களின் வர்த்தகத்தை டிஜிட்டல்மயமாக்க சுமார் 1 பில்லியன் டாலர் முதலீடு செய்து சுமார் 10 பில்லியன் டாலர் அளவிலான வர்த்தகம், 10 லட்சம் வேலைவாய்ப்புகளை உருவாக்க இலக்கு நிர்ணயம் செய்துள்ளது.