மகளுக்கு ரூ.50 கோடி வீட்டை கிஃப்ட் ஆகக் கொடுத்த அமிதாப் பச்சன்..!!

பாலிவுட்டின் சூப்பர்ஸ்டாரான அமிதாப் பச்சன் மற்றும் அவரது மனைவி ஜெயா பச்சன் மும்பையின் மிகவும் பிரபலமான ஜூஹு பகுதியில் பிரதிக்ஷா என்ற பெயரில் உள்ள தங்களின் ஆடம்பர பங்களாவை மகள் ஸ்வேதா நந்தாவுக்குப் பரிசளித்துள்ளனர்.

அமிதாப் பச்சன் தான் ஒட்டுமொத்த பாலிவுட்-க்கும் சினிமா-வை தாண்டி எப்படியெல்லாம் சம்பாதிக்க முடியும் என ரூட் போட்டுக் கற்றுக்கொடுத்தார். பிராண்ட் அம்பாசிட்டர், பிராண்ட் என்டோர்ஸ்மென்ட் ஆகியவற்றின் வாயிலாக இந்திய ஸ்டார்ட்அப் நிறுவனங்களில் எப்படி முதலீடு செய்து அதிகப் பணத்தைச் சம்பாதிக்க முடியும் என்பதைக் காட்டினார். இவரது முக்கியமான முதலீடுகளுக்கு உதாரணம் ஜஸ்ட் டயல்.

இதன் மூலம் அமிதாப் பச்சன் சினிமாவில் நடிக்காத காலத்திலும் அதிகப்படியாகச் சம்பாதித்தார். இவரின் சொத்து மதிப்பில் பெரும் பகுதி ரியல் எஸ்டேட் ஆக இருந்தாலும் ஸ்டார்ட்அப் முதலீடுகள் முக்கியப் பங்கு வகிக்கிறது. இதேபோல் இந்திய செலிப்ரிட்டி உலகில் முதல் முறையாக NFT-யில் முதலீடு செய்தது அமிதாப் பச்சன் தான்.

இப்படிச் சினிமா-விலும் முதலீட்டு உலகிலும் ரவுண்டு கட்டி அடிக்கும் அமிதாப் பச்சன், அவரது மனைவி ஜெயா பச்சன் உடன் சேர்ந்து மகள் ஸ்வேதா நந்தாவுக்கு ஜூஹு வீட்டின் உரிமையை மாற்றும் இரண்டு தான பத்திரங்களைப் பதிவு செய்துள்ளனர். பெற்றோர் பிள்ளைகளுக்கு அளிக்கும் சொத்துக்களைத் தான பத்திரம் மூலம் அளிக்கும் போது அதற்கு வரிச் சலுகை கிடைக்கும்.

இந்த 2 பரிமாற்ற பத்திரங்களில் இருக்கும் நிலத்தில் தான் அமிதாப் பச்சனின் பிரதிக்ஷா வீடு உள்ளது. இந்த வீடு மொத்தம் 16,840 சதுர அடி பரப்பளவில் உள்ளது, நிலம் மற்றும் பங்களாவுக்கான பத்திரங்கள் நவம்பர் 8ஆம் தேதி எழுதப்பட்டு மறுநாள் பதிவு செய்யப்பட்டன. இந்த வீட்டின் மதிப்பு 50.63 கோடி ரூபாய் எனப் பத்திரத்தில் தெரிவிக்கப்பட்டு உள்ளது.

தற்போதைய விதிமுறைகளின்படி, மும்பையில் மகள் அல்லது மகனுக்குத் தந்தை வழங்கும் வீட்டு வசதி சொத்துக்கு, வீட்டின் மதிப்பில் 1 சதவீத தொகையை மெட்ரோ வரியாகச் செலுத்த வேண்டும். இதோடு 200 ரூபாய் முத்திரைத்தாள் வரி விதிக்கப்படும். இதன் படி அமிதாப் பச்சன் இரு பத்திரங்களுக்கு அமிதாப் பச்சன் குடும்பத்தினர் ரூ.50.65 லட்சம் மதிப்பிலான முத்திரைத் தொகையைச் செலுத்தியுள்ளனர் என Zapkey தளத்தின் தரவுகள் கூறுகிறது.

அமிதாப் பச்சன் ஜூஹு பகுதியில் மட்டுமே ஜல்சா, பிரதிக்ஷா, ஜானக் என 3 ஆடம்பர வீடுகளை வைத்துள்ளார். சமீபத்தில் அமிதாப் மும்பை அந்தேரி பகுதியில் சுமார் 8400 சதுரடி கொண்ட வர்த்தக வளாகம் கட்டுவதற்காக இடத்தை 29 கோடி ரூபாய்க்கு வாங்கினார்.