ஆனந்த் அம்பானி கல்யாணத்திற்கு ஸ்டைலா வந்த ரஜினிகாந்த், AR ரகுமான்.. கலக்கல் வீடியோ..!

இந்தியாவின் முன்னணி தொழிலதிபர் முகேஷ் அம்பானியின் இளைய மகன் ஆனந்த் அம்பானி மற்றும் ராதிகா மெர்ச்சென்ட் ஆகியோரின் திருமண விழா இன்று பிரம்மாண்டமாக நடைபெற்று வரும் வேளையில், அம்பானி குடும்பத்தின் வீடியோ ஓவ்வொன்றாக வெளியாகி வருகிறது.

மும்பையிலுள்ள ஜியோ வோர்ல்டு கன்வென்ஷன் சென்டர் இந்த திருமணம் நடைபெறுகிறது. ரிலையன்ஸ் நிறுவனத்தின் தலைவர் முகேஷ் அம்பானி மற்றும் அவரது மனைவி நீதா அம்பானி ஆகியோர் இந்த நிகழ்ச்சியில் கலந்து கொண்டுள்ளனர்.

உலகம் முழுவதிலும் இருந்து பிரபலங்கள், தொழிலதிபர்கள், அரசியல் தலைவர்கள் என பலரும் இந்த திருமணத்தில் கலந்து கொண்டுள்ளனர். இந்த திருமணம் அம்பானி குடும்பத்தின் வளர்ச்சி மற்றும் செல்வாக்கை உலகிற்கு காட்டும் வகையில் அமைந்துள்ளது.

அடுத்த சிலமணிநேரத்தில் ஆனந்த் அம்பானி மற்றும் ராதிகா மெர்ச்சென்ட் ஆகியோருக்கு திருமணம் நடக்க இருக்கும் வேளையில், ஆனந்த் அம்பானியின் மணகோள உடையில் தந்தை முகேஷ் அம்பானி உடனும், தாய் நீதா அம்பானி உடனும் வந்தார்.

இதை தொடர்ந்து மொத்த குடும்பமும் ஒவ்வொருவரார இணைந்து மொத்த குடும்பமும் இணைந்து புகைப்படக்காரர்களுக்கு போஸ் கொடுத்தனர்.

ரிலையன்ஸ் அறக்கட்டளையின் தலைவர் நீதா அம்பானியின் தாயார் பூர்ணிமா தலால் மற்றும் சகோதரி மம்தா தலால் ஆகியோர் மும்பையில் உள்ள ஜியோ வோர்ல்டு கன்வென்ஷன் சென்டருக்கு ஆனந்த் அம்பானி-ராதிகா மெர்ச்சன்ட் திருமணத்திற்கு கலந்துக்கொள்ள வந்தனர்.

ஆனந்த் அம்பானி மற்றும் ராதிகா மெர்ச்சென்ட் திருமணத்தில் ரஜினிகாந்த் ஸ்டைலாக தனக்கே உரிய பாணியில் வேகமாக நடந்து வந்து சடன் பிரேக் போட்டு தனது குடும்பத்தினர் உடன் போட்டோவுக்கு அழகாக போஸ் கொடுத்தார். ரஜினிகாந்த் உடன் மனைவி லதா ரஜினிகாந்த், மகள் சௌந்தர்யா மற்றும் அவரது கணவன், மகன் உடன் வந்திருந்தனர்.

ஜியோ வேர்ல்ட் கன்வென்ஷன் சென்டரில் நடக்கும் ஆனந்த் அம்பானி-ராதிகா மெர்ச்சன்ட் திருமணத்திற்கு இசையமைப்பாளர் இசை புயல் ஏஆர் ரஹ்மான் அமைதியாக தனது மனைவி உடன் கலந்துக் கொண்டார்.