ரூ.4082 கோடி நிகர லாபத்தை பதிவு செய்த ரிலையன்ஸ் இன்ஃப்ரா.. அனில் அம்பானிக்கு அடுத்த குட் நியூஸ்..!!

அனில் அம்பானியின் ஸ்மால் கேப் வகை பங்கு, ரிலையன்ஸ் இன்ஃப்ராஸ்ட்ரக்சர் லிமிடெட், நடப்பு நிதியாண்டின் செப்டம்பருடன் முடிவடைந்த காலாண்டிற்கான நிதி முடிவுகளை அறிவித்துள்ளது.

செப்டம்பர் 2025 உடன் முடிவடைந்த இரண்டாவது காலாண்டிற்கான நிதி முடிவுகளை ரிலையன்ஸ் இன்ஃப்ராஸ்ட்ரக்சர் அறிவித்துள்ளது. இதன் ஒரு பகுதியாக செப்டம்பர் மாதத்துடன் முடிவடைந்த இரண்டாவது காலாண்டில் நிறுவனத்தின் நிகர லாபம் ரூ. 4082.53 கோடி ஆக பதிவு செய்துள்ளது.

2023-24 நிதியாண்டின் செப்டம்பர் காலாண்டில் நிறுவனம் ரூ. 294.04 கோடி நிகர இழப்பை பதிவு செய்துள்ளது. ஆனால் இப்போது லாபம் கடுமையாக உயர்ந்துள்ளது என்று நிறுவனம் ஒழுங்குமுறை தாக்கல் தெரிவித்துள்ளது.மேலும் செப்டம்பரில் முடிவடைந்த இரண்டாவது காலாண்டில் நிறுவனத்தின் வருமானம் ரூ. 7,345.96 கோடியாக பதிவு செய்யப்பட்டுள்ளது. கடந்த ஆண்டு இதே காலாண்டில் ரூ.7,373.49 கோடியிலிருந்து ரூ.7,345.6 கோடியாக குறைந்துள்ளது. மேலும் நிறுவனத்தின் செலவும் கடந்த ஆண்டு ரூ.7,100.66 கோடியில் இருந்து ரூ.6,450.38 கோடியாக குறைந்துள்ளது.

ரிலையன்ஸ் இன்ஃப்ராஸ்ட்ரக்சர் நிறுவனம் அதன் பங்குதாரர்களுக்கு சிறப்பான லாபத்தை அளித்து வருகிறது. நேற்றைய வர்த்தக அமர்வில் இந்நிறுவனத்தின் பங்கு விலை 3.3 சதவீதம் அதிகரித்து ரூ.258ல் முடிந்தது. பங்கு விலை கடந்த ஒரு வாரத்தில் சுமார் 7 சதவீதமும், கடந்த மாதத்தில் சுமார் 10 சதவீதமும், கடந்த ஆறு மாதங்களில் சுமார் 50 சதவீத லாபமும், கடந்த ஆண்டில் சுமார் 42 சதவீத லாபமும், கடந்த ஐந்து ஆண்டுகளில் 572 சதவீத லாபமும் பதிவு செய்யப்பட்டது. பங்கு விலை 52 வாரங்களில் அதிகபட்சமாக ரூ. 351 ஆகவும், 52 வார குறைந்தபட்ச விலை ரூ. 144.45 ஆகவும் உள்ளது.தற்போது இந்த நிறுவனத்தின் சந்தை மதிப்பு ரூ. 10,210 கோடியாக உள்ளது.

ரிலையன்ஸ் இன்ஃப்ராஸ்ட்ரக்சர் லிமிடெட், மின்சாரம், சாலைகள், மெட்ரோ ரயில் மற்றும் பிற உள்கட்டமைப்புத் துறைகளுக்கான பொறியியல் மற்றும் கட்டுமான (E&C) சேவைகளை வழங்கும் வணிகத்தில் ஈடுபட்டுள்ளது. பாதுகாப்புத் துறை மற்றும் உள்கட்டமைப்புப் பகுதிகளில் அதன் சிறப்பு வணிகம் மூலம் பல திட்டங்களை செயல்படுத்துதல், பராமரித்தல் ஆகியவற்றிலும் ஈடுபட்டுள்ளது. தொழில்துறை ஸ்ட்ரீம் டர்பைன்கள் மற்றும் தொடர்புடைய தயாரிப்புகளை வடிவமைத்து, தயாரித்து மற்றும் சேவை செய்யும் முன்னணி இந்திய நிறுவனமாகும். இந்த நிறுவனம் 1968 ஆம் ஆண்டு தொடங்கப்பட்டது. ஜூன் 2024 நிலவரப்படி, இந்த நிறுவனத்தில் 819 ஊழியர்கள் பணிபுரிகின்றனர். தற்போது, இந்நிறுவனம் நொய்டாவில் இருந்து செயல்படுகிறது.