ஊழியருக்கு ஆப்பிள் நிறுவனத்தின் மீதான தீராக் காதல்.. 14 வயதிலிருந்து பணிபுரிகிறாராம்! யார் இவர்?

ஒரு நிறுவனத்தில் பல வருடங்கள் இருந்து வேலை பார்ப்பது சற்று சிக்கலான விஷயம்தான். அங்குள்ள வேலை நமக்கு பிடிக்க வேண்டும், நிறுவனத்தில் வேலை பார்க்கும் பிற நபர்கள் உங்களுடன் நட்புடன் பழக வேண்டும். இதுபோன்ற விஷயங்கள் நல்லதாக அமைந்தால் மட்டுமே, ஒரு நிறுவனத்தில் தொடர்ந்து பணியாற்ற முடியும். அதையும் மீறி சிலர் பல வருடங்கள் தொடர்ந்து ஒரே நிறுவனத்தில் பணியாற்றிய கதைகளும் உண்டு. அதற்கு சான்றாய் கிறிஸ் எஸ்பினோசா என்ற நபர் ஆப்பிள் நிறுவனத்தில் 14 வயதிலிருந்து பணியாற்றி நீண்ட காலமாக நிறுவனத்தில் வேலை பார்த்த சாதனையை படைத்துள்ளார்.

கிறிஸ் எஸ்பினோசா என்ற நபர் 1977-ஆம் ஆண்டு ஆப்பிள் நிறுவனத்தில் சேர்ந்தார். அப்போது அவர் உயர்நிலைப் பள்ளியில் படித்து கொண்டிருந்த 14 வயது மாணவர். அவர் ஆப்பிள் நிறுவனத்தில் பணியாற்றிய மிக நீண்டகால பணியாளர் என்ற பெயரைப் பெற்றுள்ளார்.

1976-ஆம் ஆண்டு ஏப்ரல் மாதம், முட்டாள்கள் தினத்தன்று ஆப்பிள் நிறுவனம் ஒரு குடோனில் நிறுவப்பட்டபோது எஸ்பினோசா ஆப்பிள் நிறுவனத்தில் பகுதிநேர வேலைக்காக சேர்ந்துள்ளார். 1977-ஆம் ஆண்டில் ஸ்டீவ் ஜாப்ஸ் மற்றும் ஸ்டீவ் வோஸ்னியாக் ஆகியோரின் கூட்டணிக்கு பின்பு முழுநேர ஊழியரானார் கிறிஸ் எஸ்பினோசா. கிறிஸ்துமஸ் சமயத்தில் Apple II BASIC செயல்பாட்டைச் சோதிப்பதுதான் எஸ்பினோசாவின் வேலையாகும்.

1985-ஆம் ஆண்டில் ஸ்டீவ் ஜாப்ஸ் ஆப்பிள் நிறுவனத்தை விட்டு வெளியேறி, கல்வி நிறுவனமான NeXT-ஐ தொடங்கியபோது, ஆப்பிள் நிறுவனத்தின் மூத்த பணியாளராக எஸ்பினோசா இருந்தார். 1997-ஆம் ஆண்டில் ஆப்பிள் நிறுவனம் NeXT-ஐ வாங்கிய பிறகு, ஜாப்ஸ் மீண்டும் ஆப்பிள் நிறுவனத்திற்கு திரும்பிய பின்னரும் கூட அவர் அந்த பதவியையே வகித்தார்.

எஸ்பினோசா 1978-இல் ஒரு நேர்காணலில் 3 முக்கிய வார்த்தைகளைக் கூறினார். அவை "பச்சாதாபம் - உங்கள் வாடிக்கையாளரை அறிந்து கொள்ளுங்கள், அவர்கள் என்ன விரும்புகிறார்கள் என்பதை அறிந்து கொள்ளுங்கள். கவனம் செலுத்துங்கள் - வேலையை சிறப்பாகச் செய்யுங்கள். கணக்கிடுங்கள் - நீங்கள் செய்யும் அனைத்து காரியங்களையும் மதிப்பீடு செய்யுங்கள் என்று கூறினார்.

ஆப்பிள் நிறுவனத்தின் வரலாற்றோடு பின்னிப் பிணைந்த கிறிஸ் எஸ்பினோசாவின் கதை, ஒரு நிறுவனத்தின் நீண்ட பயணத்தில் ஒரு தனிநபரின் பங்கு எவ்வளவு முக்கியமானது என்பதற்கு சான்று. எதிர்காலத்தில், ஆப்பிள் நிறுவனத்தின் வரலாற்றை ஆராயும் ஆர்வலர்களுக்கு எஸ்பினோசாவின் அனுபவங்கள் நிச்சயம் மதிப்புமிக்க ஆதாரமாக இருக்கும்.