CrickPe-ஐ நிறுத்திய அஷ்னீர் குரோவர்.. ZeroPe உதயமாகிறது.. இனி மருத்துவ கடன் தான் டார்கெட்..!!

மும்பையில், இந்திய ஸ்டார்ட்அப் உலகில் மிகப்பெரும் எதிர்பார்ப்புடன் அறிமுகமான CrickPe, வரி விதிப்புகள், கடுமையான போட்டி, மற்றும் சட்டத்தடைகள் காரணமாக செயல்பாடுகளை நிறுத்தியுள்ளது. Third Unicorn நிறுவனத்தின் முதல் தயாரிப்பாக இருந்த CrickPe-யின் நிறுவனர் அஷ்னீர் குரோவர், இப்போது ZeroPe எனும் புதிய நிதி தொழில்நுட்ப நிறுவனத்தின் மூலம் மருத்துவக் கடன் வழங்கும் துறையில் புதிய முயற்சியை மேற்கொண்டுள்ளார்.

CrickPe, 2023ஆம் ஆண்டில் Third Unicorn நிறுவனத்தின் முதன்மை தயாரிப்பாக அறிமுகமானது. இது Dream11, My11Circle போன்ற முன்னணி கற்பனை கிரிக்கெட் (Fantasy Cricket) தளங்களுக்கு ஒரு போட்டியாக வந்தது. CrickPe-யின் தனிப்பட்ட அம்சம் என்னவென்றால், விளையாட்டு வெற்றிகளில் உண்மையான கிரிக்கெட் வீரர்களுக்கு ஊக்கத்தொகை வழங்கும் வகையில் உருவாக்கப்பட்டது. இது மற்ற கற்பனை விளையாட்டு தளங்களில் இருந்து மாறுபட்ட ஒரு முக்கிய முயற்சியாக கருதப்பட்டது.

அணிகளின் செயல்பாட்டுக்கு அடிப்படையாக, வெற்றிப்பெறும் வீரர்கள் பண ஒதுக்கீடுகளை நேரடியாக பெறும் வகையில் இருந்தது. இந்த புதிய முறைமை பயனர்களை ஈர்க்கும் என்று எதிர்பார்க்கப்பட்டது. ஆனால், இந்த வணிக மாதிரி எதிர்பார்த்த அளவுக்கு பயனாளர்களை ஈர்க்க முடியவில்லை. CrickPe, மிகுந்த எதிர்பார்ப்புகளுடன் தொடங்கப்பட்ட போதிலும், பல்வேறு காரணங்களால் குறுகிய காலத்திலேயே மூடப்பட்டது.

2023 ஜூலை மாதத்தில், இந்திய ஜிஎஸ்டி கவுன்சில் ஆன்லைன் கேமிங் நிறுவனங்கள் 28% வரி செலுத்த வேண்டும் என்று அறிவித்தது. இது CrickPe போன்ற நிறுவனங்களுக்கு மிகப்பெரிய சவாலாக மாறியது. இந்த உயர் வரி வணிகத்தின் லாபத்தைக் குறைத்தது. பயனர்களுக்கு மேலும் சிறந்த சலுகைகள் வழங்குவதற்கான வாய்ப்பு குறைந்தது. புதிய பயனர்களை ஈர்க்கவும், பழைய பயனர்களை தக்கவைக்கவும் சிக்கல்கள் ஏற்பட்டன. CrickPe-யின் முக்கிய தனித்துவமான அம்சமான, விளையாட்டு வீரர்களுக்கு ஊக்கத்தொகை வழங்கும் முறை நடைமுறையில் செயல்படுத்த சிரமமாக இருந்தது. பயனர்கள் அதிகமாக சேர முடியாததால், பண ஓட்டம் (Cash Flow) குறைந்துவிட்டது. விளையாட்டு வீரர்களுக்கு பணம் வழங்கும் முறை, நீண்ட காலத்துக்கு இயங்க முடியாததாக மாறியது.

Dream11, My11Circle போன்ற முன்னணி நிறுவனங்கள் ஏற்கனவே அதிகமாக பயனர்களை ஈர்த்துவிட்டன. புதிய ஸ்டார்ட்அப்கள் வளர்வதற்கு மிகப்பெரிய முதலீடு மற்றும் விளம்பரத் திட்டங்கள் தேவைப்பட்டது. CrickPe, குறுகிய காலத்திலேயே பெரிய போட்டிகளை எதிர்கொண்டு நிலைத்திருக்க முடியாத நிலைமை ஏற்பட்டது. இந்தியாவில் ஆன்லைன் கற்பனை விளையாட்டுகள் மற்றும் சூதாட்டம் தொடர்பான சட்டங்கள் தெளிவாக இல்லை. பல மாநிலங்கள், இவை சட்டபூர்வமானவையா? இல்லை சூதாட்டமா? என்ற கேள்விகளை எழுப்பின. பயனர்கள் சிலர், ஆன்லைன் கேமிங் வரி அதிகமாக இருப்பதால், இதில் ஈடுபட தயங்கினர். CrickPe மூடப்பட்ட பிறகு - ZeroPe மூலம் புதிய முயற்சி. CrickPe மூடப்பட்ட பிறகு, அஷ்னீர் குரோவர் தனது கவனத்தை ZeroPe எனும் நிதி தொழில்நுட்ப (Fintech) தொழில்துறைக்கு மாற்றினார். ZeroPe, மருத்துவ செலவுகளுக்காக கடன் வழங்கும் ஒரு நிதி தொழில்நுட்ப (Fintech Loan) தளம் ஆகும்.

இந்தியாவில் மருத்துவ செலவுகள் அதிகரித்து வருகின்றன. நடுத்தர மக்கள், மருத்துவ செலவுகளைச் சமாளிக்க கடன்களைத் தேடுகிறார்கள். பலர் வங்கி கடன்களை எளிதாக பெற முடியாத நிலை உள்ளது. இதனால், ZeroPe, அடிப்படை மருத்துவச் செலவுகளை உடனடியாகக் கையாள உதவும் ஒரு புதிய முயற்சியாக பார்க்கப்படுகிறது. ZeroPe, நிதி தொழில்நுட்பம் மற்றும் AI-யை பயன்படுத்தி, மருத்துவக் கடன்களை வழங்கும் ஒரு தளமாக செயல்பட உள்ளது.

மருத்துவச் செலவுகளுக்கு உடனடி கடன் பெறலாம். குறைந்த வட்டி விகிதத்தில் சிறப்பான நிதி உதவிகள் கிடைக்கலாம். பேப்பர் வேலையில்லாமல் (Paperless) டிஜிட்டல் முறையில் கடன் பெறலாம். ZeroPe, பிரபலமான நிதி சேவை நிறுவனங்களுடன் இணைந்து மருத்துவ கடன் வழங்குவதற்கான திட்டங்களை செயல்படுத்த இருக்கிறது. கடந்த சில ஆண்டுகளில் ஆன்லைன் கேமிங் துறையின் முன்னேற்றமும், சவால்களும். இந்தியாவின் ஆன்லைன் கேமிங் துறை, மிக வேகமாக வளர்ந்தாலும், கடுமையான ஒழுங்குமுறை (Regulations) சவால்களை சந்தித்துள்ளது

28% ஜிஎஸ்டி வரி விதிப்பு, பல ஸ்டார்ட்அப்களுக்கு சவாலாக மாறியது. புதிய நிறுவனங்களுக்கு, இந்த துறையில் நீடிக்க அதிக முதலீடு தேவைப்படுகிறது. சட்ட விதிகள் தெளிவாக இல்லாததால், சில நிறுவனங்கள் வணிகத்திலிருந்து வெளியேறுகின்றன. ZeroPe-யின் வெற்றி, இந்தியாவில் மாற்று நிதி விருப்பங்களை வளர்த்தெடுப்பதில் ஒரு முக்கியமான அடுத்த கட்டமாக இருக்கலாம்..