Australia: 'அவர்' வரல.. உடனே QUAD மீட்டிங் ரத்து செய்த ஆஸ்திரேலிய பிரதமர்..!

அமெரிக்க அரசின் கடன் உச்சவரம்பு குறித்த பேச்சுவார்த்தைகள் அமெரிக்காவில் தீவிரமாக நடந்து வரும் காரணமாக ஆஸ்திரேலிய பயணத்தை அமெரிக்க அதிபர் ஜோ பைடன் ஒத்திவைத்து உள்ளார்.

இதனால் அடுத்த வாரம் ஆஸ்திரேலியாவின் முக்கிய வர்த்தக நகரமான சிட்னி-யில் நடக்க திட்டமிட்டு இருந்த குவாட் உச்சிமாநாடு நடைபெறாது என்று ஆஸ்திரேலிய பிரதமர் அந்தோனி அல்பானீஸ் புதன்கிழமை தெரிவித்தார்.

ஜோ பைடன் 2024 ஆம் ஆண்டு தேர்தல் எதிர்கொள்ள இருக்கும் வேளையிலும், மீண்டும் அதிபர் தேர்தலில் போட்டிப்போட தயாராகியிருக்கும் வேளையிலும் ரெசிஷன், நிதி பற்றாக்குறை, வங்கி திவால் ஆகிய பிரச்சனைகளை விஸ்வரூபம் எடுத்துள்ளது. இதை சரி செய்வது தான் முதலும் முக்கியமான பணியாக ஜோ பைடன் மற்றும் அவரது நிர்வாக குழு இலக்காக கொண்டு உள்ளது.

இந்த நிலையில் தான் சிட்னி-யில் நடக்க திட்டமிட்டு இருந்த குவாட் உச்சிமாநாட்டிற்கு வர முடியாது என தெரிவித்தது மட்டும் அல்லாமல் ஜோ பைடன் ஆசிய பயணத்தின் இரண்டாவது கட்டத்தை மொத்தமாக ரத்து செய்துள்ளதாகவும் தகவல் வெளியாகியுள்ளது. 2வது கட்ட ஆசிய பணத்தில் ஜோ பைடன் பப்புவா நியூ கினியா செல்ல கூட திட்டமிட்டு இருந்தது குறிப்பிடத்தக்கது.

இந்த நிலையில் ஆஸ்திரேலியா, அமெரிக்கா, இந்தியா மற்றும் ஜப்பான் தலைவர்கள் இந்த வார இறுதியில் ஜப்பான் நாட்டில் நடக்க இருக்கும் G7 மாநாட்டில் சந்திப்போம் என்று ஆஸ்திரேலிய பிரதமர் அந்தோனி அல்பானீஸ் புதன்கிழமை தெரிவித்தார்.

Quad கூட்டமைப்பில் ஆஸ்திரேலியா, அமெரிக்கா, இந்தியா மற்றும் ஜப்பான் உள்ளது. ஜப்பானில் நடக்கும் G7 கூட்டமைப்பில் பிரான்ஸ், அமெரிக்கா, பிரிட்டன், ஜெர்மனி, ஜப்பான், இத்தாலி, கனடா ஆகியவை நாடுகள் மட்டுமே உள்ளது, இதில் இந்தியா, ஆஸ்திரேலியா இல்லை.

இதேவேளையில் இந்திய பிரதமர் நரேந்திர மோடியுடன் சிட்னியில் இரு நாடுகள் மத்தியிலான இருதரப்புத் திட்டம் அடுத்த வாரம் தொடரும் என்று அல்பானீஸ் உறுதி அளித்தார்.

குவாட் என்பது ஒரு திறந்த இந்தோ-பசிபிக் பகுதியை ஊக்குவிக்கும் ஒரு முறைசாரா குழு. இந்தோ-பசிபிக் பகுதியில் சீனாவின் வளர்ச்சி ஆதிக்கத்தை குறைக்க குவாட் கூட்டமைப்பு உருவாக்கப்பட்டதாக சீனா தரப்பு நம்புகிறது.

பிரிட்டன், கனடா, பிரான்ஸ், ஜெர்மனி, இத்தாலி, ஜப்பான் மற்றும் அமெரிக்கா ஆகிய ஏழு பணக்கார நாடுகளின் G7 குழுவில் இந்தியாவும் ஆஸ்திரேலியாவும் இல்லை, ஆனால் QUAD கூட்டமைப்பில் இருக்கும் ஜப்பான், அமெரிக்கா இந்த உச்சிமாநாட்டில் கலந்து கொள்ள அழைக்கப்பட்டுள்ளன.

இதனால் ஜப்பானில் நடக்கும் G7 கூட்டத்திற்கு பின்பு QUAD நாடுகளில் கூட்டம் நடக்கும், அல்லது சிறிய அளவிலான ஒரு நாள் அல்லது சில மணிநேர மட்டும் முக்கிய விஷயங்களை விவாதிக்கும் கூட்டமாக அமைய அதிக வாய்ப்பு உள்ளது.