விப்ரோ அசிம் பிரேம்ஜி செய்த புதிய முதலீடு 'தன்லா'..!

விப்ரோ நிறுவனத்தின் முன்னாள் தலைவரும் நிறுவனருமான அசிம் பிரேம்ஜி, தற்போது விப்ரோ நிர்வாகத்தைத் தனது மகன் ரிஷாத் பிரேம்ஜி-யிடம் ஒப்படைத்து விட்டுத் தற்போது நிர்வாகக் குழுவின் உறுப்பினராக மட்டும் உள்ளார். அசிம் பிரேம்ஜி விப்ரோ நிறுவனத்தை விட்டு வெளியேறிய நாள் முதல் அதிகப்படியான நன்கொடை பணிகளில் ஈடுபட்டு வருகிறது.

குறிப்பாகக் கொரோனா காலகட்டத்தில் இந்தியாவில் அதிகம் நன்கொடை கொடுத்த தனிநபரில் அசிம் பிரேம்ஜி முன்னோடியாகத் திகழ்ந்தார். இந்நிலையில் அசிம் பிரேம்ஜி நிறுவனத்தின் சொந்த முதலீட்டு நிறுவனமான பிரேம்ஜி இன்வெஸ்ட் நிறுவனத்தின் மூலம் புதிதாக ஒரு நிறுவனத்தில் முதலீடு செய்யப்பட்டு உள்ளது.

ஓரே நாளில் 7 பில்லியன் டாலர் சொத்து.. அசத்தும் ஃபால்குனி நாயர்..! #Nykaa ஓரே நாளில் 7 பில்லியன் டாலர் சொத்து.. அசத்தும் ஃபால்குனி நாயர்..! #Nykaa

தன்லா பிளாட்பார்ம்

கிளவுட் கம்யூனிகேஷன்ஸ் சேவை பிரிவில் இயங்கி வரும் தன்லா பிளாட்பார்ம் நிறுவனத்தில் பிரேம்ஜி இன்வெஸ்ட் நிறுவனம் முதலீடு செய்துள்ளதாகத் தன்லா நிறுவனத்தின் சிஇஓ உதய் ரெட்டி தெரிவித்துள்ளார்.

பிரேம்ஜி இன்வெஸ்ட்

தன்லா பிளாட்பார்ம் நிறுவனத்தில் பிரேம்ஜி இன்வெஸ்ட் மற்றும் பைனியர் இன்வெஸ்ட்மென்ட் பண்ட் இணைந்து 13.50 லட்சம் பங்குகளையும், பிராசிம் டிரேடிங் இன்வெஸ்ட்மென்ட் நிறுவனம் 6.52 லட்சம் பங்குகளை ப்ரீமியம் விலையான 1200 ரூபாய்க்கு கைப்பற்றியுள்ளது.

உதய் ரெட்டி

இதன் மூலம் உதய் ரெட்டி தலைமையிலான தன்லா பிளாட்பார்ம் நிறுவனம் சுமார் 250 கோடி ரூபாய் அளவிலான முதலீட்டைப் பெற்றுள்ளது. இந்த 3 நிறுவனங்கள் வாங்கிய பங்குகள் பேனியன் இன்வெஸ்ட்மென்ட்ஸ் நிறுவனம் விற்பனை செய்த பங்குகளாகும்.

அசிம் பிரேம்ஜி

இந்நிலையில் தன்லா நிறுவனத்தின் சிஇஓ உதய் ரெட்டி தனது டிவிட்டரில் எங்களுடைய மார்க்கியூ இன்வெஸ்டர்ஸ் பிரிவில் அசிம் பிரேம்ஜி-ஐ வரவேற்கிறோம். விரைவில் இணைந்து பணியாற்றுவோம் என நம்புகிறோம் எனத் தெரிவித்துள்ளார்.

பிரேம்ஜி இன்வெஸ்ட் முதலீடுகள்

அசிம் பிரேம்ஜி தலைமையிலான பிரேம்ஜி இன்வெஸ்ட் நிறுவனம் பல துறை நிறுவனத்தில் ஆரம்பக்கட்டத்திலும், வளர்ச்சிக்கான முதலீட்டையும் செய்துள்ளது. மேலும் இந்நிறுவனம் நுகர்வோர், நிதியியல், டெக்னாலஜி, உற்பத்தி நிறுவனங்களில் முதலீடு செய்துள்ளது.

எஸ்பிஐ லைப் இன்சூரன்ஸ்

இதேபோல் தன்லா பிளாட்பார்ம் பல முன்னணி உள்நாட்டு மற்றும் வெளிநாட்டு முதலீட்டாளர்களிடம் இருந்து முதலீட்டை திரட்டியுள்ளது. சமீபத்தில் ஜூன் 2021ல் எஸ்பிஐ லைப் இன்சூரன்ஸ் மற்றும் ஸ்மால்கேப் வோர்ல்டு பண்ட் இன்க் நிறுவனங்கள் தன்லா நிறுவனத்தில் முதலீடு செய்துள்ளது குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க