மார்ச் காலாண்டில் அசத்திய ஆக்ஸிஸ் வங்கி, பஜாஜ் பின்செர்வ்.. முதலீட்டாளர்கள் ஹேப்பி!

கடன் வளர்ச்சி

இதே இதன் கடன் வளர்ச்சியானது 15% அதிகரித்தும், இதே டெபாசிட் விகிதம் 19% அதிகரித்துள்ளது. குறிப்பாக சில்லறை வர்த்தக கடன் 21% அதிகரித்து, கார்ப்பரேட் கடன் விகிதமானது 4% அதிகரித்தும் காணப்படுகின்றது.

இதே புரவிசன் விகிதம் 54.4 சதவீதம் குறைந்து, 987.2 கோடி ரூபாயாக குறைந்துள்ளது.

வாரக்கடன்

நான்காவது காலாண்டில் இதன் கடன் செலவு 0.32 சதவீதமாக உள்ளது. கடந்த ஆண்டினை காட்டிலும் 116 அடிப்படை புள்ளிகள் குறைந்துள்ளது. இதே கடந்த காலாண்டில் 12 அடிப்படை புள்ளிகள் குறைந்துள்ளது. இதே நிகர வட்டி மார்ஜின் விகிதமானது 3.49% ஆக உள்ளது. இந்த காலாண்டில் குறிப்பிட்ட கடன் இழப்பு 602 கோடி ரூபாயாக உள்ளது. இது கடந்த டிசம்பர் காலாண்டில் 790 கோடி ரூபாயாக இருந்தது.

பஜாஜ் பின்செர்வ் லாபம்?

இதேபோல பஜாஜ் பின்செர்வ் நிறுவனத்தின் காலாண்டு முடிவுகள் இன்று வெளியாகியுள்ளது. இது மார்ச் காலாண்டில் அதன் ஒருங்கிணைந்த நிகரலாபம் 37.48 சதவீதம் அதிகரித்து, 1346 கோடி ரூபாயாக அதிகரித்துள்ளது. இது முந்தைய ஆண்டில் 979 கோடி ரூபாயாக இருந்தது.

பஜாஜ் பின்செர்வ் -வருவாய்

பஜாஜ் பின்செர்வின் நிகர வருவாய் விகிதமானது 22.58% அதிகரித்து, 18,862 கோடி ரூபாயாக அதிகரித்துள்ளது. இது முந்தைய ஆண்டில் 15,387 கோடி ரூபாயாக இருந்தது. இதற்கிடையில் இந்த நிறுவனம் டிவிடெண்டாக ஒரு பங்குக்கு 4 ரூபாய் அறிவித்துள்ளது. கடந்த ஆண்டில் இருந்த 48 கோடி ரூபாயில் இருந்து, இன்று 64 கோடி ரூபாயாக அதிகரித்துள்ளது.

இன்றைய பங்கு நிலவரம்?

ஆக்ஸிஸ் வங்கியின் பங்கு விலையானது பி.எஸ்.இ-யில் 1.81% அதிகரித்து, 779.95 ரூபாயாக முடிவடைந்துள்ளது. இதன் 52 வார உச்ச விலை 866.60 ரூபாயாகும். இதே இதன் 52 வார குறைந்தபட்ச விலை 637 ரூபாயாகவும் உள்ளது.

இதே பஜாஜ் பின்செர்வ் பங்கின் விலையானது பி.எஸ்.இ-யில் 1.25% அதிகரித்து, 15,011.85 ரூபாயாக முடிவடைந்துள்ளது. இதன் 52 வார உச்ச விலை 19,325 ரூபாயாகும். இதே இதன் 52 வார குறைந்தபட்ச விலை 10,151.15 ரூபாயாகவும் உள்ளது.