சொன்னா நம்ப மாட்டீங்க.. பெங்களூரில் ஒரே நாளில் வீடு கிடைத்தது.. இண்டர்நெட்-ஐ தெறிக்க விட்ட இளைஞன்..!

இந்தியாவின் டெக் நகரமான பெங்களூரில் வாடகை வீடு என்பது கடந்த சில மாதங்களாக ஹாட் டாப்பிக் ஆகவே உள்ளது. வாடகை வீட்டுக்கான டிமாண்டில் துவங்கி அதிகப்படியான வாடகை, குடியிருக்க வருபவர்களிடம் இண்டர்வியூவ், இணையத்தில் வாடகை வீடு பதிவிட்ட உடன் டிமாண்ட் காரணமாக விலை உயர்ந்தது என பல விஷயங்கள் டிரெண்டானது.

இது அனைத்தையும் தாண்டி பெங்களூரில் வருடத்தின் 365 நாட்களும் இருக்கும் முக்கிய பிரச்சனை வாடகை வீடு தேடுவது. பெங்களூரில் வாடகை வீடு தேடும் ஓவ்வொருவரிடம் ஓராயிரம் கதைகள் இருக்கும், ஒவ்வொன்றும் சாமானிய மக்களுக்கு அதிர்ச்சி அளிக்கும் வகையில் இருக்கும் என்றால் மிகையில்லை.

ஆனால் இதை அனைத்தையும் தவுடுபொடியாக்கும் வகையில் பெங்களூரில் ஒரு சம்பவம் நடந்துள்ளது, இதை இணையவாசிகள் anti-peak Bengaluru moment என்ற அங்கிகாரத்தை கொடுத்துள்ளனர். Grapevine என்ற சமுக வலைத்தளத்தில் ஒருவர் செய்த பதிவு தான் தற்போது பெங்களூர் இளைஞர்கள் குறிப்பாக வீடு தேடும் இளைஞர்கள் மத்தியில் முக்கிய பேச்சாக உள்ளது.

Grapevine நிறுவனத்தின் நிறுவனரான சவுமில் திரிபாதி டிவிட்டரில் ஒரு ஸ்கிரீன் ஷாட் பதிவிட்டு உள்ளார். இந்த பதிவில் ஒருவர் ஓரே நாளில் பெங்களூரில் வாடகை வீடு தேடி கண்டுப்பிடித்துள்ளேன் என மீடியம்மசாலா என்ற பெயர் கொண்டவர் Grapevine தளத்தில் பதிவிட்டு உள்ளார்.

வியாழக்கிழமை பெங்களூர்-க்கு வந்தேன், வெள்ளிக்கிழமை கோரமங்களாவில் வீட்டு ப்ரோக்கர் உடன் சுற்றினேன். சனிக்கிழமை வீட்டை தேர்வு செய்தேன். ஞாயிற்றுகிழமை புதிய வீட்டுக்கு குடியேறினேன் என தெரிவித்துள்ளார். இந்த பதிவை தான் சவுமில் திரிபாதி டிவிட்டரில் பதிவிட்டு anti peak Bengaluru moment என பதிவிட்டு உள்ளார்.

சவுமில் திரிபாதி-யின் 37000 பேர் பாத்துள்ளனர். இதை கலாய்க்கும் விதமாக POTATOMATO என்ற பெயரில் ஒருவர் வெள்ளிக்கிழமை கோரமங்களாவில் ஒரு ஸ்டார்ட்அப் ஃபவுண்டர் உடன் சுற்றினேன், சனிக்கிழமை புதிய வேலையை பெற்றேன், ஞாயிற்றுக்கிழமை புதிய வேலையில் சேர்ந்தேன் என பதிவிட்டு உள்ளார். இது உண்மையாக கூட இருக்க வாய்ப்புகள் உள்ளது.