டிசம்பரில் வங்கிகளுக்கு இவ்வளவு நாள் விடுமுறையா.. முன்னாடியே பணம் எடுத்து வச்சுக்கங்க..!

வரும் டிசம்பர் மாதத்தில் மொத்தம் 31 நாட்களில், 11 நாட்கள் விடுமுறை நாட்களாக உள்ளது.

இந்த விடுமுறை காலத்தில் வங்கி பரிவர்த்தனைகள் செய்ய முடியாது என்பதால், அதற்கேற்ப மக்கள் செயல்படுவது நல்லது. ஏடிஎம்-களில் பணத் தட்டுப்பாடு ஏற்பட வாய்ப்பிருப்பதால், மக்கள் முன்னெச்சரிக்கையாக இருக்க வேண்டும்.

வங்கிகளுக்கு விடுமுறை என்றாலும், இந்த காலத்தில் தேவை இருக்கும் பட்சத்தில் பண நெருக்கடி ஏற்படலாம். ஆக மக்கள் முன்னதாகவே பணத்தை எடுத்து வைத்துக் கொள்ளலாம்.

வங்கிகளுக்கு பொது விடுமுறை

நாடு முழுவதும் வாரந்தோறும் ஞாயிற்று கிழமையன்று வங்கிகளுக்கு விடுமுறை. இது தவிர இரண்டாவது சனிகிழமை மற்றும் நான்காவது சனிகிழமையன்று விடுமுறை. இது தவிர மற்ற பொது விடுமுறை நாட்களிலும் வங்கிகளுக்கும் விடுமுறை தான். இது தவிர பிராந்திய விடுமுறை தினங்களிலும், அந்தந்த மாநில வங்கிகள் செயல்படாது. ஆக இது மாநிலத்திற்கு மாநிலம் வேறுபடும்.

கிறிஸ்துமஸ் பண்டிகை

வரும் டிசம்பர் மாதத்தில் டிசம்பர் 25ம் தேதி கிறிஸ்துமஸ் பண்டிகை என்பதால் அன்று பொது விடுமுறையாகும். ஆக அன்றும் வங்கிகள் செயல்படாது. குறிப்பாக தமிழகத்தில் 25, 26, 27 என தொடர்ச்சியாக மூன்று நாட்கள் விடுமுறையாகும். ஆக இந்த மூன்று நாட்களில் வாடிக்கையாளர்கள் செய்ய வேண்டிய பரிவர்த்தனையை முன் கூட்டியே செய்து கொள்ளலாம்.

மொத்த விடுமுறைகள்

டிசம்பர் 1 அன்று ஹைதராபாத் மாநகராட்சிக்கான சாதாரண தேர்தல் என்பதால் அங்கு விடுமுறையாக இருக்கும்.
டிசம்பர் 3 அன்று கனகதாச ஜெயந்தி, புனித பிரான்சிஸ் சேவியரின் விருந்து என்பதால் அன்றும் விடுமுறை.
டிசம்பர் 6 ஞாயிற்றுக்கிழமை
டிசம்பர் 12 இரண்டாவது சனிகிழமை
டிசம்பர் 13 ஞாயிற்றுக்கிழமை
டிசம்பர் 20 ஞாயிற்றுக்கிழமை
டிசம்பர் 25 கிறிஸ்துமஸ் பொதுவிடுமுரை
டிசம்பர் 26 நான்காவது சனிகிழமை
டிசம்பர் 27 ஞாயிற்றுக்கிழமை
U Kiang Nangbah: December 30
Year's Eve: December 31

முன்னதாக திட்டமிட்டு செயல்படுங்கள்

இந்த விடுமுறை நாட்களில் அனைத்து வங்கிகளிலும் விடுமுறை என்பதால், ஏடிஎம்களில் பணம் நெருக்கடி ஏற்பட வாய்ப்புள்ளது. ஆக மக்கள் அதற்கேற்றவாறு தங்களை தயார் படுத்திக் கொள்ள வேண்டும், கடைசி நேரத்தில் அவதிப்படுவதை விட இப்போதிலிருந்தே அதற்காக தங்களை தயாராக வைத்துக் கொள்ள வேண்டும். அதே போல
பணம் செலுத்த வேண்டிய இடங்களிலும் விரைவில் முன் கூட்டியே செலுத்தி விடலாம். ஏனெனில் கடைசி நிமிடத்தில் கேஷ் மெஷினில் செலுத்திவிடலாம் என்றும் பலர் நினைப்பர். ஆனால் இவ்விடுமுறை நாட்களில அனைவரும் இம்மெஷினையே நாடுவதால், மெஷின்களில் போடமுடியாமல் போகலாம்.