ஜூன் 25 – 30க்குள் 4 நாட்கள் வங்கி விடுமுறை.. தமிழகத்தில் என்ன நிலவரம்..!

ஜூன் மாதம் முடிய இன்றோடு இன்னும் ஆறு நாட்களே உள்ள நிலையில், 6 நாட்களில் 4 நாட்கள் வங்கி விடுமுறையாகும்.

அதெல்லாம் சரி தமிழகத்தில் இந்த நாட்கள் விடுமுறை உண்டா வாருங்கள் பார்க்கலாம்.

ஏற்கனவே நாட்டில் கொரோனாவின் இரண்டாம் அலைக்கு மத்தியில் வங்கியின் வேலை நேரமும் குறைக்கப்பட்டுள்ளது. இந்த நிலையில் வங்கி விடுமுறை நாட்களும் அதிகமாக உள்ளன. ஆக இதற்கு தகுந்தாற்போல தங்களது பரிவர்த்தனைகளை திட்டமிட்டு செயல்படுத்தலாம்.

ஜூன் 25 இன்று குரு ஹர்கோபிந்த் ஜி-யின் பிறந்த நாள் (ஜம்மு & ஸ்ரீ நகரில் விடுமுறையாகும்)
ஜூன் 26 நான்காவது சனிக்கிழமையாகும்.
ஜூன் 27 ஞாயிற்று கிழமை
ஜூன் 30 புதன் கிழமை - ரெம்னா நி (இஸ்வாலில் மட்டும் வங்கிகள் மூடப்படும்)

ரிசர்வ் வங்கியின் வழிகாட்டுதலில், நாடு முழுவதும் உள்ள பொதுத்துறை மற்றும் தனியார் துறை, வெளி நாட்டு வங்கிகள், கூட்டுறவு வங்கிகள், பிராந்திய வங்கிகள் குறிப்பிட்ட தேதிகளில் மூடப்படும்.

எப்படியிருப்பினும் இந்த வங்கி விடுமுறை நாட்கள் மா நிலத்திற்கு மாநிலம் வேறுபடுகின்றது. எப்படி இருப்பினும் நான்காவது சனிக்கிழமை மற்றும் ஞாயிற்றுகிழமையன்று அனைத்து வங்கிகளும் மூடப்படும்.

மேற்கண்ட இந்த நான்கு நாட்களில் தமிழகத்தில் இரண்டு நாட்கள் மட்டுமே விடுமுறை. அதுவும் 4வது சனிக்கிழமை மற்றும் ஞாயிற்றுகிழமையாகும்.

ஆக இதன் பாதிப்பு என்பது தமிழகத்தில் பெரியளவில் இருக்காது. புதன்கிழமையன்று வழக்கம்போல வங்கிகள் தமிழகத்தில் செயல்படும்.