மதுரை ஐடி ஊழியர்களுக்கு குட் நியூஸ்.. பெங்களூர் நிறுவனத்தின் முக்கிய அப்டேட்..!!

தமிழ்நாட்டில் மினி பெங்களூராக மாறி வரும் கோயம்புத்துர்-க்கு போட்டியாக மதுரை நகரிலும் அடுத்தடுத்து பல ஐடி நிறுவனங்கள் வர துவங்கியுள்ளது. இதன் வாயிலாக பல டெக் பார்க்குகள் கட்டுப்படுவதோடு, மதுரையில் பல இடத்தில் உள்கட்டமைப்பு மேம்பாட்டுப் பணிகள் தீவிரமாக நடந்து வருகிறது.

பெங்களூரை தலைமையிடமாகக் கொண்டு உலகம் முழுவதும் வர்த்தகம் செய்யும் ஐடி சேவை நிறுவனமான Happiest Minds நிறுவனம், பிற ஐடி நிறுவனங்களைப் போலவே 2ஆம் மற்றும் 3ஆம் தர நகரங்களில் தனது அலுவலகத்தை விரிவாக்கம் செய்து வருகிறது.

இதன் ஒரு பகுதியாக ஏற்கனவே மதுரையில் இருக்கும் Happiest Minds அலுவலகத்தை விரிவாக்கம் செய்து கூடுதலாக ஐடி ஊழியர்களை பணியில் சேர்க்கத் திட்டமிடப்பட்டு உள்ளது.

Happiest Minds நிறுவனம் மதுரையில் தயா சைபர் பார்க்-ல் புதிய டெவலப்மென்ட் சென்டரை திறந்திந்துள்ளது, மதுரையில் முக்கியமான டெக் பார்க் ஆக கருதப்படுவதில் இதுவும் ஓன்று. Happiest Minds தமிழ்நாட்டு டெக் ஊழியர்களை அதிகம் நம்பியுள்ளது, அதன் பெங்களூர் அலுவலகத்தில் இருக்கும் தமிழ்நாட்டு டெக் வல்லுனர்களின் எண்ணிக்கையைப் பார்த்தாலே தெரியும்.

இப்படியிருக்கையில் மதுரையில் புதிதாக துவங்கப்பட்ட டெவலப்மென்ட் சென்டரில் புதிதாக 250 பேரை பணியில் அமர்த்த திட்டமிட்டு உள்ளது. ஏற்கனவே 550 ஊழியர்களைக் கொண்டு மதுரை Happiest Minds அலுவலகம் இயங்கி வரும் வேளையில் தற்போது எண்ணிக்கை 800 ஆக உயர உள்ளது.

மதுரையில் தொடர்ந்து ஐடி நிறுவனங்களும், ஐடி ஊழியர்களும் அதிகரித்து வரும் வேளையில் கூடுதலாக ஐடி பார்க், மால், ஆபீஸ் ஸ்பேஸ், கமர்சியல் இடங்களின் தேவை அதிகரித்துள்ளது. கோயம்புத்தூர் தடாலடி வளர்ச்சிக்கு மதுரை பக்கபலமாக இருக்கும்.

கோயம்புத்தூரில் அலுவலகம் அமைக்க வரும் ஐடி மற்றும் டெக் நிறுவனங்கள் அனைத்திற்கும் மதுரை 2வது சாய்ஸ் ஆக மாறி வருகிறது.