டாக்டராவே மாறிடும் போலயே.. சாட்ஜிடிபி என்னென்ன வேலை எல்லாம் செய்யுது பார்த்தீங்களா?

செயற்கை நுண்ணறிவு தொழில்நுட்பங்கள் நம்முடைய அன்றாட வாழ்க்கையில் தாக்கத்தை ஏற்படுத்த தொடங்கிவிட்டன. இந்த நிலையில் பெங்களூருவை சேர்ந்த ஒரு நிறுவன உரிமையாளர் சாட்ஜிபிடியின் செயற்கை நுண்ணறிவு தொழில்நுட்பத்தின் சிறப்பு குறித்த ஒரு பதிவினை வெளியிட்டு இருக்கிறார்.

குறிப்பாக சுகாதாரத் துறையில் செயற்கை நுண்ணறிவு தொழில்நுட்பங்கள் எவ்வளவு சிறப்பாக செயல்பட முடியும் என்பது குறித்த விவாதத்தை இவருடைய பதிவு எழுப்பியுள்ளது. கேபிடல் மைண்ட் என்ற நிறுவனத்தின் உரிமையாளர் தான் தீபக் செனாய் இவர் சாட்ஜிபிடி இடம் எம்ஆர்ஐ ஸ்கேன் ரிப்போர்ட்டை வழங்கி அது தொடர்பான பார்வையை பெற்றிருக்கிறார்.

தன்னுடைய எக்ஸ் பக்கத்தில் பதிவு செய்துள்ள தீபக் செனாய் என்னுடைய எம் ஆர் ஐ ரிப்போர்ட்டை நான் சாட் ஜிபிடி இடம் கொடுத்து அதை அனலைஸ் செய்து அதன் பார்வையை கொடுக்கச் சொன்னேன்.

நீங்கள் மிக தீவிரமாக ஸ்குவாட் செய்வதை நிறுத்திக் கொள்ளுங்கள் என அறிவுறுத்தியுள்ளது .நானே தற்போது அதைத்தான் செய்து வருகிறேன் .அதற்கேற்ற வகையில் பொருத்தமான பதிலை சாட் ஜிபிடி வழங்கி இருக்கிறது என கூறியுள்ளார். அதற்கு ஒரு பயனர் சாட்ஜிபிடி ஏன் இவ்வாறு கூறியது என உங்களுக்கு தெரியுமா என்ற கேள்வி எழுப்பியதற்கு என்னுடைய கால் முட்டியில் சிறிய பிரச்சினை உள்ளது கூடிய விரைவில் நான் இது தொடர்பாக மருத்துவரை பார்க்கப் போகிறேன் என தெரிவித்துள்ளார்.

அவருடைய இந்த பதிவு சாட்ஜிபிடி போன்ற செயற்கை நுண்ணறிவு கருவிகளை நாம் அன்றாட வாழ்க்கையிலும் நம்முடைய உடல் ஆரோக்கியத்தையும் மருத்துவ ரீதியிலான பார்வைகளையும் பெறுவதற்கு எவ்வாறு பயன்படுத்திக் கொள்ளலாம் என்பதற்கு ஒரு முன் உதாரணமாக அமைந்துள்ளது. செயற்கை நுண்ணறிவு தொழில்நுட்பத்தின் மருத்துவ ரீதியிலான திறன் இப்போது மட்டுமல்ல இதற்கு முன்பு ஒரு முறையும் வெளிவந்திருக்கிறது.

அமெரிக்காவை சேர்ந்த ஒரு பெண்மணி எலான் மாஸ்க் நிறுவனத்திற்கு சொந்தமான கிராக் என்ற சாட் பாட் மருத்துவர்கள் கண்டறிய தவறிய ஒரு எலும்பு முறிவை கிராக் செயலி சரியாக கண்டறிந்து கூறியது என தெரிவித்திருந்தார். என்னுடைய மகள் அண்மையில் ஒரு தீவிரமான கார் விபத்தில் சிக்கிக்கொண்டார்.

விபத்தில் இருந்து மீண்டு வந்த அவர் படிப்படியாக நடக்க தொடங்கிவிட்டார். ஆனால் அவருக்கு திடீரென கைகளில் கடுமையான வலி ஏற்பட்டது. நாங்கள் மருத்துவரிடம் சென்றோம் மருத்துவர்கள் சோதனை செய்து பார்த்தனர் ஆனால் அதில் எந்த ஒரு எலும்பு முறிவும் ஏற்படவில்லை எனக் கூறினர் .

இருந்தாலும் என் மகளுக்கு தீவிரமான அறிகுறிகள் தென்பட்டன, அவருடைய கை நாளுக்கு நாள் மோசம் அடைந்து வந்தது. சில நாட்களில் அவரால் அவருடைய கைவிரல்களை அசைக்கக்கூட முடியவில்லை. இதனை அடுத்து நான் கிராக் என்ற ஏஐ செயலியிடம் என் மகளின் நிலைமையை விவரித்து அவருக்கு எடுத்த எக்ஸ் ரேவை பதிவு செய்ததேன். அது என்னுடைய மகளுக்கு எலும்பு முறிவு இருப்பதை காட்டியிருந்தது என கூறினார்.

Story written by: Devika