பெங்களூரு-னா சும்மாவா?. இந்தியாவிலேயே அதிக மதிப்புமிக்க நிறுவனங்களை கொண்ட 2-வது நகரம் இதுதான்.!!

நமது அண்டை மாநிலமான கர்நாடக தலைநகர் பெங்களூரின் டிராபிக் எந்தளவுக்கு மோசமாக இருக்கும் என்பது அனைவருக்கும் தெரியும். வீக் எண்ட் நேரம் வெளியே சென்றால் திரும்பவே பல மணி நேரம் ஆகும். அந்தளவுக்கு டிராபிக் உச்சத்தில் இருக்கும். ஏனென்றால் அதிவேகமாக நகரமயமாக்கலானதே இதற்கு காரணமாக உள்ளது.

அதன்படி, இந்தியாவின் தொழில்நுட்ப தலைநகராகவும் பெங்களூரு விளங்கி வருகிறது. இங்கு ஏராளமான ஐடி நிறுவனங்கள் அமைந்துள்ளன. அந்தவகையில், மும்பைக்கு அடுத்தப்படியாக இந்தியாவின் 2வது அதிக மதிப்புமிக்க நிறுவனங்களை கொண்ட நகரம் என்ற பெருமையை பெங்களூரு நகரம் பெற்றுள்ளது. மும்பைக்கு அடுத்தப்படியாக இந்தியாவின் இரண்டாவது அதிக மதிப்புமிக்க நிறுவனங்களைக் கொண்ட நகரம் என்ற பெருமையை பெங்களூரு பெற்றுள்ளது.

Fortune 500 நிறுவனங்களில் 400 நிறுவனங்களுடன், பெங்களூரு நகரம் அதிக எண்ணிக்கையில் உள்ளது. மேலும், உலகளாவிய திறனாய்வு மையங்கள்" (Global Capability Centers) இந்தியாவின் பெங்களூருவில்தான் அதிக எண்ணிக்கையில் உள்ளன. "பெங்களூரு இந்தியாவின் மொத்த தகவல் தொழில்நுட்ப ஏற்றுமதியில் அதிகமான பங்களிப்பை வழங்குகிறது, இது சுமார் 42% ஆகும்." பெங்களூருவில் புதுமைகளை ஊக்குவிக்கும் தொழில்முனைவோர் அதிக எண்ணிக்கையில் உள்ளனர். அதன்படி, சிறந்த ஸ்டார்ட் அப் நகரமாக பெங்களூரு திகழ்கிறது. பெங்களூருவில் AI கண்டுபிடிப்புகள் அதிக அளவில் உள்ளன, அதனால், நாட்டின் முன்னணி AI மையமாக பெங்களூரு உள்ளது.

ஹுருன் இந்தியா அறிக்கையின்படி, பெங்களூருவில் மொத்தம் 45 நிறுவனங்கள் உள்ளன, அவற்றில் 21 (ஸ்டார்ட்அப்) நிறுவனங்கள் புதிதாக தொடங்கப்பட்டவையாகும். இந்த பட்டியலில் ஐடி சேவை வழங்குநரான இன்ஃபோசிஸ் நிறுவனம், நகரத்தின் மிகவும் மதிப்புமிக்க நிறுவனமாக குறிப்பிடப்பட்டுள்ளது.

அதைத் தொடர்ந்து விப்ரோ மற்றும் டைட்டன் நிறுவனங்கள் உள்ளன. "இதன் மூலம், பட்டியலில் உள்ள மிகவும் மதிப்புமிகு தொடக்க நிறுவனமாக பெங்களூருவை சேர்ந்த Zepto நிறுவனம் உள்ளது, இது ஆண்டு தோறும் ( Year-on-Year) 269% வளர்ச்சி அடைந்து வருவதாக அறிக்கை கூறுகிறது.

இதேபோல், பட்டியலில் உள்ள மற்ற நகரத்தை தளமாகக் கொண்டு பெங்களூரில் இயங்கிவரும் சில ஸ்டார்ட்-அப் நிறுவனங்களில் Zerodha, Razorpay மற்றும் Dailyhunt ஆகியவை உள்ளன. 2021 ஆம் ஆண்டு பட்டியலின் தொடக்கத்திலிருந்து, கர்நாடக நிறுவனங்களின் மொத்த மதிப்பீடு ரூ. 25.9 லட்சம் கோடியாகவும், 13% உயர்வு கண்டுள்ளது என்றும் அறிக்கை கூறுகிறது.

கர்நாடக மாநிலத்தில் ஏழு நிறுவனங்களுடன் ஒப்பிடுகையில், மென்பொருள் மற்றும் சேவைகள் முன்னணி துறையாக உருவெடுத்தன. அதன்பின் சுகாதாரம் மற்றும் நிதி சேவைகள் மற்றும் ரியல் எஸ்டேட் துறைகள் முறையே ஆறு மற்றும் ஐந்து நிறுவனங்களுடன் பட்டியலில் உள்ளன. பட்டியலின்படி, கர்நாடகாவைச் சேர்ந்த நிறுவனங்கள் மொத்தம் 1.3 மில்லியன் மக்களைப் பணியமர்த்தியுள்ளன. இது 2021-இல் இருந்து 29% உயர்வாகும்.

இந்தியா அளவில், ரிலையன்ஸ் நான்காவது ஆண்டாக தொடர்ந்து முதலிடத்தை பிடித்தது, அதன் பின்பு TCS மற்றும் HDFC வங்கி உள்ளன." மேலும் Motilal Oswal Financial Services, 297% வருடாந்திர வளர்ச்சி மதிப்புடன் மிக வேகமாக வளர்ந்த நிறுவனமாக முன்னிலையைக் கண்டது. இதனை தொடர்ந்து Inox Wind and Zepto ஆகியவை பட்டியலில் இடம்பிடித்தன.இவை இரண்டும் ஆண்டு முழுவதும் தங்கள் மதிப்பீட்டை கிட்டத்தட்ட மூன்று மடங்காக அதிகரித்தன. இந்த பட்டியலில் உள்ள நிறுவனங்கள் 8.4 மில்லியன் நபர்களை வேலைக்கு எடுத்து வைத்துள்ளன மற்றும் ரூ. 2.2 லட்சம் கோடி வரிப்பணம் செலுத்துகின்றன.

பட்டியலில் உள்ள தொடக்க நிறுவனங்கள் (ஸ்டார்ட் அப்) மொத்தமாக ரூ. 1.09 லட்சம் கோடி மதிப்பீட்டின் நிகர உயர்வை பதிவு செய்துள்ளன. இதில் Zepto, OYO,மற்றும் Zerodha ஆகியவை முன்னிலை வகிக்கின்றன. அதேவேளையில், பாரதி ஏர்டெல் ரூ. 9.74 லட்சம் கோடி மதிப்பீடுடன் 75% அதிகரித்து 2 இடங்கள் முன்னேறி டாப் 5-ல் முதன்முறையாக நுழைந்தது.

ஹுருன் இந்தியா 500 பட்டியலில் சேரவேண்டும் என்றால், நிறுவனங்கள், 13 டிசம்பர் 2024 நிலவரப்படி குறைந்தபட்சம் ரூ. 9,580 கோடி, அதாவது $1.1 பில்லியன் மதிப்பை கொண்டிருக்க வேண்டும். பட்டியலிடப்படாத நிறுவனங்களைப் பொறுத்தவரை, ஹுருன் ரிசர்சின் மதிப்பீடு அவற்றின் பட்டியலிடப்பட்ட நிறுவனங்களுடன் ஒப்பிடப்படும்.

அதாவது, ஒரு நிறுவனத்தின் விலை முதல் வருமானம் வரை, நிறுவனத்தின் மதிப்பு enterprise value (EV) முதல் விற்பனை வரை, நிறுவனத்தின் மதிப்பு மற்றும் வருமானத்திற்கு முந்தய வட்டி, வரி, தேய்மானம் ஆகிய நிதி தகவல்களை தற்போதைய ஆண்டின் நிதி அறிக்கைகளிலிருந்து பெறப்பட்டது என்று தெரிவிக்கப்பட்டுள்ளது.

இதேபோல், "நிதி சேவைகள் மற்றும் சுகாதார துறைகள் பட்டியலில் முன்னணியில் உள்ளது, இந்த துறைகளில் 63 மற்றும் 59 நிறுவனங்கள் உள்ளன. அதன்பின், தொழில்துறை தயாரிப்பு துறை, 52 நிறுவனங்களுடன் 2வது இடத்தில் உள்ளது. இந்தப் பட்டியலில் 43 நகரங்களைச் சேர்ந்த நிறுவனங்கள் இடம்பெற்றுள்ளன, அதில் மும்பை (154), பெங்களூரு மற்றும் நியூ டெல்லி (37) முன்னிலையில் உள்ளன, மொத்தம் 235 நிறுவனங்கள் இதில் சேர்க்கப்பட்டுள்ளன.

இதில், பெரிய மாற்றாக ஹரியானா கடந்த ஆண்டுடன் ஒப்பிடுகையில் இரண்டு இடங்கள் உயர்ந்து, டெல்லியை முந்தி இந்தப் பட்டியலில் முதல் முறையாக முதல் 3 மாநிலங்களுக்குள் நுழைந்தது. "பட்டியலில் புதிதாக சேர்க்கப்பட்ட் 82 நிறுவனங்களில், கடந்த ஆண்டு பங்குச் சந்தைகளில் சிறப்பான பட்டியலைப் பெற்ற Waaree Energies, அதைத் தொடர்ந்து SRF மற்றும் பிரீமியர் எனர்ஜிஸ் ஆகியவை இடம்பெற்றுள்ளன.

இதற்கிடையில், பட்டியலிடப்படாத புதிய நிறுவனங்களில் அதானி ரியாலிட்டி, அபர்ணா கன்ஸ்ட்ரக்ஷன்ஸ் மற்றும் ஷாஹி எக்ஸ்போர்ட்ஸ் ஆகியவை இடம்பெற்றுள்ளன. இந்தப் புதிய நிறுவனங்களின் மொத்த மதிப்பு ரூ.18.8 லட்சம் கோடி ஆகும், இது கடந்த ஆண்டின் மொத்த மதிப்பை விட இரண்டு மடங்கு அதிகம் என்றும் குறிப்பிடப்பட்டுள்ளது.