வாகனங்களுக்கு பாரத் சீரிஸ் நம்பர் பிளேட்டினால் கிடைக்கும் பலன்கள்

மூன்று வருடங்களுக்கு முன்பெல்லாம் நீங்கள் இந்தியாவில் வேறொரு மாநிலத்தில் குடிபெயர வேண்டியிருந்தால் உங்களது வாகனத்தை அங்கு மீண்டும் பதிவு செய்ய வேண்டும். மோட்டார் வாகனச் சட்டப்படி எந்தவொரு பயணிகள் வாகனமும் 12 மாதங்களுக்கு மேலாக பதிவு செய்யப்படாத மாநிலங்களில் இயங்க முடியாது.

முறையாக அங்கு வாகனங்களை மீண்டும் பதிவு செய்யவேண்டும். அப்படி செய்யத் தவறிவிட்டால் கடும் அபராதங்கள் விதிக்கப்படும். இந்த நடைமுறை வாகன உரிமையாளர்களுக்கு பெரும் தலைவலியைத் தந்தது.

இதனால் சாலை, போக்குவரத்து மற்றும் நெடுஞ்சாலைத் துறை அமைச்சகம் இந்த நடைமுறையை மாற்றுவதற்கு முடிவு செய்தது. இதன்படி, 2021 ஆம் ஆண்டில் இந்தியா முழுவதும் பாரத் சீரிஸ் நம்பர் பிளேட்களை அறிமுகப்படுத்தியது.

பாரத் சீரிஸ் நம்பர் பிளேட்கள் வாயிலாக வாகன உரிமையாளர்கள் புதிய மாநிலம் அல்லது யூனியன் பிரதேசங்களில் குடியேறினால் அங்கு வாகனங்களை மீண்டும் பதிவு செய்யத் தேவையில்லை.

நீங்கள் ஒரு புதிய மாநிலத்துக்கு அடிக்கடி செல்ல வேண்டிய வேலை இருந்தால், நீங்கள் பாரத் சீரிஸ் நம்பர் பிளேட்டை எடுக்க வேண்டும். இது உங்கள் வரிகளைச் சேமிப்பதற்காக மட்டுமல்ல, சாலை விதிகளைப் பின்பற்றாததற்காக உங்கள் காப்பீட்டுக் கோரிக்கை நிராகரிக்கப்பட்டாலும் கூட.

ஒவ்வொரு முறையும் நீங்கள் பிஎச் தொடர் வாகனத்துடன் புதிய மாநிலத்துத்குச் செல்லும்போது உங்கள் கார் இன்சூரன்ஸ் பாலிசியைப் புதுப்பிப்பதும் கட்டாயமில்லை. நீங்கள் புதிய மாநிலத்துக்கு இடம் பெயர்ந்தாலும் உங்கள் தற்போதைய காப்பீட்டுக் கொள்கை செல்லுபடியாகும்.

BH தொடர் வாகனத்தை வைத்திருப்பது, மாநிலங்கள் அல்லது யூனியன் பிரதேசங்களுக்கு இடையில் இடம்பெயரும்போது மறுபதிவு நடைமுறையிலிருந்து உரிமையாளருக்கு விலக்கு அளிக்கிறது, இதனால் பாலிசி புதுப்பிப்புகளின் அவசியத்தைக் குறைக்கிறது.

நீங்கள் மத்திய அல்லது மாநில அரசு, வங்கிகள், பாதுகாப்பு, நிர்வாக சேவைகள் போன்றவற்றில் பணிபுரியும் இந்திய குடிமகனாக இருந்தால், பிஎச் தொடர் உரிமத் தகட்டைப் பெற நீங்கள் தகுதி பெறலாம்.

நான்கு அல்லது அதற்கு மேற்பட்ட மாநிலங்கள்/யூனியன் பிரதேசங்களில் அலுவலகங்களைக் கொண்ட தனியார் நிறுவனங்களில் பணிபுரியும் பணியாளர்களும் பிஎச் தொடர் எண் தகடுகளுக்கு விண்ணப்பிக்கவும். பிஎச் சீரிஸ் அரசாங்கத்தால் அறிமுகப்படுத்தப்பட்டபோது, அது புதிய கார் உரிமையாளர்களுக்கு மட்டுமே வரையறுக்கப்பட்டது, ஆனால் ஒரு வருடம் கழித்து, பழைய கார் உரிமையாளர்களும் தங்கள் வாகனங்களை பிஎச் சீரிஸின் கீழ் பதிவு செய்யலாம் என்று அரசு அறிவித்தது.

கார் உரிமையாளர்கள் பிஎச் தொடர் உரிமம் பெற்ற தகடுகளை வாங்கும் போது மாநிலத்துக்குள் வரியைச் சேமிக்கலாம். ஏனென்றால், புதிய கார் வாங்கி பதிவு செய்யும் போது, 15 ஆண்டுகளுக்கான சாலை வரியை ஒருமுறை செலுத்த வேண்டும்.

பிஎச் தொடர் உரிமத் தகடுகளைக் கொண்ட தனியார் வாகனங்கள் இரண்டு ஆண்டுகள் அல்லது நான்கு, ஆறு மற்றும் எட்டு ஆண்டுகள் உட்பட அதன் மடங்குகளுக்கு சாலை வரி விதிக்கப்படும். சாலை வரியை 14 ஆண்டுகளுக்கு ஆன்லைனில் செலுத்தலாம். 14 ஆண்டுகளுக்குப் பிறகு, ஆண்டு சாலை வரி செலுத்துவது கட்டாயமாகும்.

பிஎச் தொடர் நம்பர் பிளேட்டின் விலை வாகனத்தின் விலையைப் பொறுத்து மூன்று விலை அடுக்குகளைக் கொண்டுள்ளது. 10 லட்சத்துக்கும் குறைவான விலையுள்ள வாகனங்களுக்கு, விண்ணப்பதாரர் இன்வாய்ஸ் விலையில் 8% செலுத்த வேண்டும். ரூ.10-20 லட்சங்களுக்கு இடையே விலையுள்ள வாகனங்களுக்கு, விலைப்பட்டியல் விலையில் 10% மற்றும் ரூ.20 லட்சத்துக்கும் அதிகமான விலையுள்ள வாகனங்களுக்கான விலைப்பட்டியல் விலையில் 12% ஆகும்.

கார் உரிமையாளர்கள் தங்கள் பிஎச் தொடர் உரிமம் பெற்ற தகடு வாகனங்களுக்கான காப்பீட்டை பல இன்சூரன்ஸ் அக்ரிகேட்டர் இணையதளங்கள் மூலம் எளிதாக வாங்கலாம். உங்கள் கார் பிஎச் தொடரின் கீழ் பதிவு செய்யப்பட்டால், அது காப்பீட்டுக் கொள்கையில் அங்கீகரிக்கப்படும். பல காப்பீட்டாளர்கள் பிஎச் சீரிஸ் வாகனங்களுக்கு மோட்டார் இன்சூரன்ஸ் கவர்களை வழங்குகின்றனர். மேலும், பிஎச் தொடர் எண் தகடு காப்பீட்டு பிரீமியத்தை பாதிக்காது. ஆன்லைனில் பல்வேறு இன்சூரன்ஸ் பாலிசிகளை ஒப்பிட்டு உங்கள் தேவைக்கேற்ப மிகவும் பொருத்தமான ஒன்றைத் தேர்ந்தெடுக்க உங்களுக்கு விருப்பம் உள்ளது.

வழக்கமான வாகனங்களுக்கு மாறாக பிஎச் தொடர் வாகனங்களுக்கான காப்பீட்டு தயாரிப்பு சலுகைகளில் எந்த வித்தியாசமும் இல்லை. பிஎச் தொடர் கார்களுக்கான காப்பீடு, ஜீரோ தேய்மானம், என்ஜின் ப்ரொடெக்டர், நுகர்பொருட்கள் கவர், சாலையோர உதவி, கீ & லாக் கவர் போன்ற வழக்கமான கார்களுக்கான காப்பீட்டின் அதே அம்சங்களை வழங்குகிறது.

உரிமைகோரல் செயல்முறையை பாதிக்காது. பிஎச் தொடர் வாகனங்களை உள்ளடக்கிய காப்பீட்டு பாலிசியை நீங்கள் வைத்திருக்கும் வரை, விபத்து எங்கு நடந்தாலும் க்ளைமைக்கு நீங்கள் தாக்கல் செய்யலாம்.

உங்கள் காரின் பதிவு எண்ணை பிஎச் தொடர் எண்ணாக மாற்றினால், நோ க்ளைம் போனஸ் இழக்கப்படாது. ஏற்கனவே உள்ள பாலிசியில் உள்ள பதிவு எண்ணில் மாற்றத்திற்கு விண்ணப்பித்தாலே போதும், புதிய பிஎச் எண் ஏற்கனவே உள்ள பாலிசியில் அங்கீகரிக்கப்படும்.

கார் உரிமையாளர்கள் மூன்று வருட மூன்றாம் தரப்பு மற்றும் ஒரு வருட தனியான சொந்த சேத மோட்டார் காப்பீட்டு பாலிசியை வைத்திருக்க வேண்டும் என்று சட்டம் கட்டளையிடுகிறது. எனவே, நீங்கள் 2021 ஆம் ஆண்டில் ஒரு காரை வாங்கியிருந்தால், விபத்துக்களால் ஏற்படும் மூன்றாம் தரப்பு இழப்புகளுக்கு, சொந்த சேத மோட்டார் இன்சூரன்ஸுடன் சேர்த்து, மூன்றாம் தரப்பு மோட்டார் காப்பீட்டைப் புதுப்பிக்க வேண்டிய நேரம் இது.

புதுப்பித்தலின் போது, உங்கள் பிஎச் சீரிஸ் காருக்கான மோட்டார் காப்பீட்டை ஆன்லைனில் எளிதாகத் தேடலாம். செயல்முறையை முடிக்க நீங்கள் செய்ய வேண்டியது எல்லாம், தயாரிப்பு, மாடல், மாறுபாடு மற்றும் பதிவு ஆண்டு ஆகியவற்றைத் தேர்ந்தெடுக்கவும். எனவே, இன்ஷூரன்ஸ் பாலிசிகளை ஆன்லைனில் புதுப்பிப்பது நேரத்தையும் உழைப்பையும் குறைக்கும்.

Story Written by: I.Jayachandran