ஆஹா!. இனி 10 நிமிடங்களில் வீட்டுக்கே வரும் சிம் கார்டு!. பிளிங்கிட் உடன் கூட்டு சேர்ந்த ஏர்டெல்!.

வெறும் 10 நிமிடங்களில் பயனர்களின் வீட்டிற்கே சிம் கார்டு வழங்கும் சேவையை வழங்கும் வகையில், பாரதி ஏர்டெல், விரைவு வர்த்தக தளமான பிளிங்கிட் உடன் கூட்டு சேர்ந்துள்ளது. இந்த சிறப்பு சேவை தற்போது இந்தியாவின் 16 நகரங்களில் கிடைக்கின்றது, விரைவில் மேலும் இடங்களுக்கு விரிவுபடுத்த திட்டமிடப்பட்டுள்ளது. இதன்மூலம், வாடிக்கையாளர்கள், ரூ. 49 என்ற மலிவு கட்டணத்தில் தங்களது சிம் கார்டுகளை வீட்டு வாசலிலேயே பெற்றுகொள்ள முடியும்.

ஆதார் அடிப்படையிலான KYC அங்கீகாரம்: சிம் கார்டு வழங்கப்பட்டவுடன், வாடிக்கையாளர்கள் ஆதார் அடிப்படையிலான KYC அங்கீகாரத்தைப் பயன்படுத்தி அதை எளிதாக செயல்படுத்தலாம். போஸ்ட்பெய்டு மற்றும் ப்ரீபெய்டு திட்டங்கள் இரண்டும் கிடைக்கின்றன, மேலும் வாடிக்கையாளர்கள் தங்கள் எண்களை ஏர்டெல் நெட்வொர்க்கிற்கு மாற்றவும் செய்யலாம். செயல்முறையை எளிமைப்படுத்த, வாடிக்கையாளர்கள் ஆன்லைன் லிங்கை அணுகி செயல்படுத்தல் வீடியோவைப் பார்த்து தடையற்ற செயல்படுத்தல் அனுபவத்தை பெறலாம்.

ஏர்டெல் தேங்க்ஸ் செயலி மூலம் உதவி பெறலாம்: எந்தவொரு உதவிக்கும், ஏர்டெல் வாடிக்கையாளர்கள் Airtel Thanks செயலியின் மூலம் ஹெல்ப் சென்டரைக் அணுகலாம். புதிய வாடிக்கையாளர்களுக்கு உதவி தேவைப்பட்டால் 9810012345 என்ற எண்ணை அழைத்து ஆதரவைப் பெறலாம். சிம் கார்டு வழங்கப்பட்ட பிறகு, தடையற்ற மற்றும் சிரமமற்ற மாற்றத்தை உறுதி செய்ய, வாடிக்கையாளர்கள் 15 நாட்களுக்குள் சிம்மை கட்டாயமாக செயல்படுத்த வேண்டும்.

பாரதி ஏர்டெல் நிறுவனத்தின் Connected Homes தலைமை நிர்வாக அதிகாரி மற்றும் மார்கெட்டிங் இயக்குநராக இருக்கும் சித்தார்த் ஷர்மா கூறியதாவது, Blinkit உடன் ஏற்பட்டுள்ள இந்த கூட்டாண்மையைப் பற்றிய தனது மகிழ்ச்சியை வெளிப்படுத்தியுள்ளார். வாடிக்கையாளர்களின் வாழ்க்கையை எளிமைப்படுத்துவதே ஏர்டெல்லின் முக்கிய நோக்கமாக இருப்பதாக அவர் கூறினார் மற்றும் இந்த சேவையை எதிர்காலத்தில் மேலும் பல நகரங்களுக்கு விரிவுபடுத்தும் திட்டங்களையும் அறிவித்தார்."

இந்த கூட்டாண்மையின் வசதி குறித்து எடுத்துரைத்த பிளிங்கிட் நிறுவனரும் தலைமை நிர்வாக அதிகாரியுமான அல்பிந்தர் திண்ட்சா, "வாடிக்கையாளர்களின் நேரத்தையும் தொந்தரவையும் மிச்சப்படுத்த, நாங்கள் ஏர்டெல் உடன் இணைந்து, சில நகரங்களில் சிம் கார்டுகளை நேரடியாக வாடிக்கையாளர்களுக்கு 10 நிமிடங்களில் வழங்குகிறோம். இந்த திட்டத்தில் Blinkit செயல் என்னவென்றால், விநியோகத்தை கவனிப்பதாகும். அதே நேரத்தில் வாடிக்கையாளர்கள் Self-KYC-ஐ முடிக்கவும், தங்கள் சிம்மை செயல்படுத்தவும், ப்ரீபெய்ட் அல்லது போஸ்ட்பெய்ட் திட்டங்களைத் தேர்வுசெய்யவும் ஏர்டெல் எளிதாக்குகிறது. வாடிக்கையாளர்கள் தங்கள் வசதிக்கேற்ப தங்களது மொபைல் எண்ணை ஏர்டெல் நெட்வொர்க்கில் மாற்றும் விருப்பத்தையும் தேர்ந்தெடுக்கலாம் என்று கூறினார்.

இதன் ஆரம்ப கட்ட சிம் டெலிவரி சேவை டெல்லி, குர்கான், ஃபரிதாபாத், சோனிபட், அகமதாபாத், சூரத், சென்னை, போபால், இந்தூர், பெங்களூரு, மும்பை, புனே, லக்னோ, ஜெய்ப்பூர், கொல்கத்தா மற்றும் ஹைதராபாத் போன்ற பெருநகரங்கள் உட்பட 16 முக்கிய நகரங்களில் கிடைக்கும்.

பார்தி ஏர்டெல்: இந்தியாவை தலைமையிடமாகக் கொண்ட ஏர்டெல், இந்தியா மற்றும் ஆப்பிரிக்கா முழுவதும் 15 நாடுகளில் 550 மில்லியனுக்கும் அதிகமான வாடிக்கையாளர்களைக் கொண்ட ஒரு உலகளாவிய தகவல் தொடர்பு தீர்வுகளை வழங்கும் நிறுவனமாகும். இந்த நிறுவனம் வங்கதேசத்திலும், இலங்கையிலும் அதன் இணை நிறுவனங்களின் மூலம் செயல்பட்டு வருகிறது. இந்த நிறுவனம் உலகளவில் முதல் மூன்று மொபைல் ஆபரேட்டர்களில் ஒன்றாகும், மேலும் அதன் நெட்வொர்க்குகள் இரண்டு பில்லியனுக்கும் அதிகமான மக்களை உள்ளடக்கியுள்ளது.

ஏர்டெல் என்பது இந்தியாவின் மிகப்பெரிய ஒருங்கிணைந்த தகவல் தொடர்பு தீர்வுகள் வழங்குநராகவும் ஆப்பிரிக்காவில் இரண்டாவது பெரிய மொபைல் ஆபரேட்டராகவும் உள்ளது. ஏர்டெல்லின் சில்லறை விற்பனை போர்ட்ஃபோலியோவில் அதிவேக 4G/5G மொபைல் பிராட்பேண்ட், ஏர்டெல் எக்ஸ்ஸ்ட்ரீம் ஃபைபர் ஆகியவை அடங்கும், நேரடி மற்றும் கோரிக்கை அடிப்படையிலான பொழுதுபோக்கு, இசை மற்றும் வீடியோ ஸ்ட்ரீமிங் சேவைகள், டிஜிட்டல் பணம் பரிமாற்றம் மற்றும் நிதி சேவைகளில் 1 Gbps வரை வேகத்தை உறுதியளிக்கிறது.

மேலும், வாடிக்கையாளர்களுக்கு, பாதுகாப்பான இணைப்பு, கிளவுட் மற்றும் டேட்டா சென்டர் சேவைகள், சைபர் பாதுகாப்பு, IoT, விளம்பர தொழில்நுட்பம் மற்றும் கிளவுட் அடிப்படையிலான தொடர்பு உள்ளிட்ட பல்வேறு தீர்வுகளை ஏர்டெல் வழங்குகிறது.