அம்பானி குடும்பத்துடன் திருமண பந்தம் வைத்துள்ள பணக்கார தொழிலதிபர் குடும்பங்களின் லிஸ்ட்..!

இந்தியாவின் டாப் பணக்கார குடும்பமான அம்பானிகள் இப்போது மிகவும் குஷியில் உள்ளனர். ஆம் அவர்களது குடும்ப உறவுக்கு மற்றுமொரு புதிய வரவு ஆனந்த் அம்பானி, ராதிகா மெர்ச்சன்ட் திருமணத்தின் மூலம் வரவிருக்கிறது.

இந்த ஆண்டு ஜூலை மாதத்தில் நடைபெற இருக்கும் இந்தத் திருமணத்தின் மூலம் அம்பானி குடும்பமும், மெர்ச்சன்ட் குடும்பமும் இணைகிறது என்பது எல்லாருக்கும் தெரிந்த விஷயம் தான்.

இருப்பினும் அம்பானி குடும்பத்துடன் உறவு வைக்கப்போகும் புதிய பரம்பரை காரணமாக ஏற்கெனவே உறவு வைத்துள்ள பிரபல தொழில்குடும்பங்கள் பற்றிய பேச்சு நிச்சயமாக இருக்கத்தானே செய்யும்.

மிட்டல்கள்: முகேஷ் அம்பானியின் மருமகள் இஷேதா சல்கோகர் நெக்ஸு மொபிலிட்டியின் நிறுவனரான அதுல்யா மிட்டலை மணந்தார். அதுல்யா மிட்டல் ஸ்டீல் தொழிலதிபர் லட்சுமி மிட்டலின் மருமகனும் ஆவார். இது மிட்டல்களையும் அம்பானிகளையும் ஒருவரையொருவர் தொடர்புபடுத்துகிறது.

மேதாக்கள்: முகேஷ் மற்றும் நீதாவின் மகன் ஆகாஷ் அம்பானி, ரோஸி புளூ இந்தியாவின் நிர்வாக இயக்குனரான இந்திய தொழிலதிபர் ரசல் மேத்தாவின் மகள் ஷ்லோகா மேத்தாவை மணந்தார். ரசல் மேத்தா குடும்பம் வைர வியாபாரத்தில் கொடிக்கட்டி பறக்கிறது.

மெர்ச்சன்ட்கள்: முகேஷ் மற்றும் நிதாவின் இளைய மகனான ஆனந்த் அம்பானி, என்கோர் ஹெல்த்கேர் நிறுவனத்தின் தலைமை நிர்வாக அதிகாரியான வீரேன் மெர்ச்சன்ட்டின் மகள் ராதிகா மெர்ச்சண்டை மணக்க உள்ளார். மெர்ச்சன்ட் குடும்பம் ஹெல்த்கேர் வர்த்தகத்தில் சிறந்து விளங்குகிறது.

பிரமால்கள்: 2018 ஆம் ஆண்டில், இஷா அம்பானி ஆனந்த் பிரமாலை மணந்தார், அவரது பெற்றோர், அஜய் மற்றும் ஸ்வாதி பிரமால், பல்வேறு குழுமமான பிரமால் குழுவைச் சேர்ந்தவர்கள்.

கோத்தாரிகள்: முகேஷ் அம்பானியின் சகோதரியான நீனா கோத்தாரி, தொழிலதிபர் பத்ராஷ்யம் கோத்தாரியை திருமணம் செய்து கொண்டார். அவர்களுக்கு அர்ஜுன் மற்றும் நயன்தாரா என இரண்டு பிள்ளைகள் உள்ளனர்.

மாரிவாலாக்கள்: நீனா கோத்தாரியின் மகனும், முகேஷ் அம்பானியின் மருமகனுமான அர்ஜுன் கோத்தாரி, மரிகோ இண்டஸ்ட்ரீஸ் உரிமையாளர்களான ராஜேந்திரன் மற்றும் அஞ்சலி மரிவாலா ஆகியோரின் மகள் ஆனந்திதா மரிவாலாவை திருமணம் செய்து கொண்டார்.

சல்கோகர்கள்: முகேஷ் மற்றும் அனில் அம்பானியின் சகோதரி, தீப்தி சல்கோககர், வி.எம். சல்கோகர்ஸ் நிறுவனத்தின் நிர்வாக இயக்குனரான தத்தராஜ் சல்கோகரை மணந்தார்.

ஷாக்கள்: முகேஷ் அம்பானியின் இளைய சகோதரர் அனில் மற்றும் டினா அம்பானிக்கு ஜெய் அன்மோல், ஜெய் அன்ஷுல் அம்பானி ஆகிய இரண்டு மகன்கள் உள்ளனர். இதில் ஜெய் அன்மோல், கிரிஷா ஷாவை மணந்தார்.இப்படித்தான் அவர்கள் ஷாக்களுடன் இணைக்கப்பட்டுள்ளனர்.

பாரதியாக்கள்: முகேஷ் அம்பானியின் மருமகளும் நீனா கோத்தாரியின் மகளுமான நயன்தாரா கோத்தாரி, அம்பானிகளையும் பார்தியாக்களையும் இணைக்கும் விதமாக கேகே பிர்லாவின் பேரன் ஷமித் பார்தியாவை மணந்தார்.

Story Written by: I.Jayachandran