2000 ரூபாய் நோட்டு திருப்ப பெற இதுதான் காரணமா..? வெளிச்சத்திற்கு வந்த விஷயம்..!

வெள்ளிக்கிழமை RBI வெளியிடப்பட்ட அறிக்கையில் இந்திய ரிசர்வ் வங்கியின் Clean Note Policy படி, புழக்கத்தில் இருந்து 2000 ரூபாய் நோட்டுகளை திரும்பப் பெற முடிவு செய்யப்பட்டுள்ளது. ஆனால் 2000 ரூபாய் நோட்டுகள் தொடர்ந்து செல்லுபடியாகும் என ஆர்பிஐ தெரிவித்துள்ளது.

பணமதிப்பிழப்பு நடவடிக்கையை மிகப்பெரிய திட்டமிடல் உடன் பிரதமர் மோடி அறிவித்த நிலையில், நாட்டின் பணபுழக்கத்தை உறுதி செய்ய கொண்டுவரப்பட்டது தான் 2000 ரூபாய் நோட்டு. இப்படிப்பட்ட 2000 ரூபாய் நோட்டை பொசுக்குன்னு புழக்கத்தில் இருந்து, அறிமுகம் செய்யப்பட்டதில் இருந்து 6 வருடத்தில் புழக்கத்தில் இருந்து நீக்கப்படுவது ஏன்..?

ஆர்பிஐ வெளியிட்ட அறிக்கையில் இந்திய ரிசர்வ் வங்கியின் Clean Note Policy படி, புழக்கத்தில் இருந்து 2000 ரூபாய் நோட்டுகளை திரும்பப் பெறுவதாக அறிவிக்கப்பட்டு உள்ளது. Clean Note Policy என்றால் என்ன..?

இந்திய ரிசர்வ் வங்கி மக்களுக்கு குவாலிட்டியான ரூபாய் நோட்டுகளை பயன்பாட்டுக்கு அளிக்க வேண்டும் என்ற நோக்கத்துடன் உருவாக்கப்பட்ட ஒரு கொள்கை தான் Clean Note Policy, ஆனால் இதை கருப்பு பணத்தை ஒழிக்கவும், அதை மக்களின் பயன்பாட்டில் இருந்தும் குறைக்கவும் கொண்டுவரப்பட்டது தான் இந்த கொள்கை என கூறப்படுகிறது.

இந்தியாவில் 2000 ரூபாய் நோட்டுகளில் கள்ள நோட்டு அதிகமான காரணத்தால் தான் Clean Note Policy அடிப்படையில் 2000 ரூபாய் திருப்ப பெறப்பட்டு உள்ளதாக பிஸ்னஸ்டுடே ஆர்பிஐ அதிகாரிகள் கூறியதாக தெரிவித்துள்ளது.

2000 ரூபாய் நோட்டு அறிமுகம் செய்யும் போது சிப் வைக்கப்பட்டு உள்ளது முதல் உலகின் நவீன பாதுகாப்பு அம்சங்கள் உடன் தயாரிக்கப்பட்டு உள்ளது என்றெல்லாம் கூறப்பட்ட நிலையில் தற்போது Clean Note Policy கீழ் புழக்கத்தில் இருந்து நீக்கப்படுவதாக அறிவிக்கப்பட்டு உள்ளது.

2000 ரூபாய் நோட்டை போல தான் 500 ரூபாய் நோட்டும் தயாரிக்கப்பட்டு உள்ளது, பாதுகாப்பு அம்சங்கள் அனைத்தும் கிட்டத்தட்ட ஒரே மாதிரியாக தான் இருக்கும்.

பிரதமர் மோடி தலைமையிலான அரசு அனைத்து பழைய 500 மற்றும் 1000 ரூபாய் நோட்டுகளை செல்லாது என அறிவித்து பொருளாதாரத்தில் தேவையா நாணயத் புழக்கத்தை உருவாக்க RBI சட்டம், 1934 இன் பிரிவு 24(1) இன் கீழ் நவம்பர் 2016 இல் 2000 ரூபாய் நோட்டு அறிமுகப்படுத்தப்பட்டது.

2000 ரூபாய் நோட்டுகளை அறிமுகப்படுத்தும் நோக்கம் நிறைவேறியது, மற்றும் சந்தையில் போதுமான பிற மதிப்பிலான ரூபாய் நோட்டுகள் புழக்கத்திற்கு வந்துள்ளது. அதனால், 2018-19ல் ₹2000 ரூபாய் நோட்டுகள் அச்சடிப்பது நிறுத்தப்பட்டது.