தீவிரவாத அமைப்புகளுக்கு நிதி பரிமாற்றம்.. Binance சிஇஓ ஜாவோ பதவி விலகல்.. பெரும் அபராதம்..!!

உலகின் மிகப்பெரிய கிரிப்டோகரன்சி எக்ஸ்சேஞ்ச் தளமான பைனன்ஸ் நிறுவனம் மொத்தமாக 4.3 பில்லியன் டாலர் அளவிலான அபராதம் செலுத்தும் என எதிர்பார்க்கப்படுகிறது. இது மட்டும் அல்லாமல் Binance நிறுவனத்தின் தலைவர் தனது பதவியில் இருந்து விலகியுள்ளார்.

Binance தலைமை நிர்வாகி Changpeng Zhao அமெரிக்க பணமோசடி தடுப்பு விதிகளை மீறியனார் என குற்றம்சாட்டப்பட்ட நிலையில் இது நிரூபிக்கப்பட்ட நிலையில் குற்றத்தை ஒப்புக்கொண்டு தனது பதவியை விட்டு விலகியுள்ளார். மேலும் நிறுவனத்தை தொடர்ந்து இயங்க அனுமதிக்கும் அமெரிக்க அதிகாரிகளுடனான ஒப்பந்தத்திலும் Changpeng Zhao கையெழுத்திட்டு உள்ளார்.

ஹமாஸ், அல் கொய்தா மற்றும் ஈராக் மற்றும் சிரியாவின் இஸ்லாமிய அரசு உட்பட, அமெரிக்காவால் பயங்கரவாத குழுக்களாக அறிவிக்கப்பட்ட அமைப்புகளுடன் 100,000 க்கும் மேற்பட்ட சந்தேகத்திற்கிடமான பரிவர்த்தனைகள் குறித்து Binance அமெரிக்க அரசிடம் தெரிவிக்காமல் மறைத்துள்ளார். இது அமெரிக்க பணமோசடி எதிர்ப்பு மற்றும் பொருளாதாரத் தடைச் சட்டங்கள் கீழ் பெரும் குற்றமாக அறிவிக்கப்பட்டு உள்ளது.

FTX நிறுவனத்தை உருவாக்கிய சாம் பேங்க்மேன் ஃப்ரைட் வீழ்ச்சியை தொடர்ந்து Binance தலைமை நிர்வாகி Changpeng Zhao பெரிய வீழ்ச்சியாக பார்க்கப்படுகிறது. அமெரிக்க நீதிமன்றம் விதித்துள்ள தீர்ப்பின் படி Changpeng Zhao 50 மில்லியன் டாலர் தொகையை சொந்த பணத்தில் இருந்து அபராதமாக செலுத்த உள்ளார்.

பைனன்ஸ் சிஇஓ Changpeng Zhao, டிவிட்டரில் இன்று நான் சிஇஓ பதவியில் இருந்து விலகுகிறேன், நான் தவறு செய்துள்ளேன், அதை ஏற்றக்கொண்டு சரியான விஷயத்தை செய்ய வேண்டும். சிஇஓ பதவியை விட்டு விலகுவது சாதாரண விஷயமில்லை, ஆனால் இது தான் பைனன்ஸ், முதலீட்டாளர், கிரிப்டோகரன்சி எக்ஸ்சேஞ்ச் சமுகத்திற்கும் சரியானதாக இருக்கும் என தெரிவித்தார்.

கிரிப்டோகரன்சி எக்ஸ்சேஞ்ச் தளமான பைனன்ஸ் நிறுவனத்தின் புதிய சிஇஓஜ-வாக பிராந்திய சந்தை வர்த்தக பிரிவின் தலைவரான ரிச்சர்ட் டெக் நியமிக்கப்ட்டு உள்ளார். ரிச்சர்ட் டெக் பைனன்ஸ் நிறுவனத்தில் சேர்வதற்கு முன்பு அபுதாபி குளோபல் மார்கெட் அமைப்பின் சிஇஓ ஆகவும், சிங்கப்பூர் எக்ஸ்சேஞ்ச் அமைப்பின் தலைமை ஒழுங்குமுறை அதிகாரியாக இருந்தார்.