50,000 டாலரை தாண்டிய பிட்காயின்.. என்ன காரணம் தெரியுமா..?

இந்தியா, அமெரிக்கா, சீனா, ஐரோப்பா உட்பட உலகின் பல முன்னணி நாடுகள் கிரிப்டோகரன்சியின் ஆதிக்கத்தைக் குறைக்கவும், பண இருப்பையும், பணப்புழக்கத்தை எளிதாக அரசு கண்காணிக்கவும், அதேவகையில் பணமில்லா பொருளாதாரத்தை உருவாக்க டிஜிட்டல் கரன்சி திட்டத்தில் பணியாற்றி வருகிறது. இதேவேளையில் கிரிப்டோகரன்சி தவிர்க்க முடியாத முதலீடாகவும், முக்கியப் பணப் பரிமாற்ற கருவியாக மாறி வருகிறது.

இந்தச் சூழ்நிலையில் தான் பிட்காயின் குறித்து முக்கியமான இரு முக்கியத் தகவல் வெளியாகியுள்ளது. இதன் மூலம் பிட்காயின் மதிப்பு பல மாத சரிவை சில நாட்களில் கடந்து 50000 டாலர் அளவீட்டை கடந்து முதலீட்டாளர்களுக்கு இன்ப அதிர்ச்சி கொடுத்துள்ளது.

பிட்காயின் மதிப்பு

இன்றைய வர்த்தகத்தில் பிட்காயின் மதிப்பு 2.35 சதவீதம் அதிகரித்துள்ளது. இதனால் ஒரு பிட்காயின் மதிப்பு 50000 டாலர் என்ற முக்கியமான கட்டத்தை உடைத்து 50,244.91 டாலர் அளவை அடைந்துள்ளது, கடந்த 24 மணிநேரத்தில் மட்டும் பிட்காயின் விலை சுமார் 1,118.70 டாலர் வரையில் உயர்ந்துள்ளது.

பிட்காயின் நிலையற்றதன்மை

மேலும் பிட்காயின் முதலீட்டில் இருக்கும் VOLATILITY அளவு அதாவது நிலையற்ற தன்மை அளவீடு 0.58 புள்ளிகளாக உள்ளது. இது கிட்டதட்ட இந்தியா VIX குறியீடு போன்றது. நடப்பு நிதியாண்டில் மட்டும் பிட்காயின் மதிப்பு சுமார் 72.49 சதவீதம் வரையில் வளர்ச்சி அடைந்துள்ளது குறிப்பிடத்தக்கது.

முக்கியக் கிரிப்டோகரன்சிகள்

பிட்காயினைத் தொடர்ந்து எதிரியம் 3.09 சதவீதம், ரிப்பிள் 0.97 சதவீதம், ADA 10.73 சதவீதம், டோஜ்காயின் 1.52 சதவீதம் வளர்ச்சி அடைந்து முதலீட்டாளர்களுக்குப் பெரும் லாபத்தைக் கொடுத்துள்ளது. இதேவேளையில் அமெரிக்க டாலருக்கு இணையாக வெளியிடப்பட்ட கிரிப்டோகரன்சியான USDT மற்றும் USDC கணிசமான சரிவைச் சந்தித்துள்ளது.

1,00,000 டாலர் கணிப்பு

சில நாட்களுக்கு முன்பு கிரிப்டோகரன்சி சந்தையின் மிக முக்கியமான கிரிப்டோகரன்சியான பிட்காயின் 1,00,000 டாலர் அளவீட்டை அடையும் எனக் கணிப்புகள் வெளியானது. இந்தக் கணிப்பைப் பல கிரிப்டோ சந்தை வல்லுனர்களும், முதலீட்டாளர்களும் வரவேற்றனர்.

ரெசிஸ்டன்ஸ் அளவு

இதனால் 29,000 டாலருக்கு வர்த்தகம் செய்யப்பட்ட பிட்காயின் இன்று 50,000 டாலர் அளவீட்டை தாண்டியுள்ளது. இந்த வளர்ச்சியில் பிட்காயின் தனது ரெசிஸ்டன்ஸ் அளவு 47,000 டாலரில் இருந்து 48,000 டாலராக உயர்ந்துள்ளது. இது முதலீட்டாளர்களுக்குப் பெரும் நம்பிக்கையைக் கொடுத்துள்ளது.

இரு முக்கியக் காரணங்கள்

இவ்விரு காரணங்களால் பிட்காயின் உட்பட அனைத்து முன்னணி நாணயங்களும் சிறப்பான முதலீட்டைப் பெற்று, மாபெரும் வளர்ச்சியைப் பதிவு செய்துள்ளது. ஜூலை 21ஆம் தேதி 29,608 டாலருக்கு வர்த்தகம் செய்யப்பட்ட பிட்காயின் இன்று 50,366.26 டாலர் வரையில் உயர்ந்துள்ளது.

ஏப்ரல் மாத உச்சம்

பிட்காயின் ஏப்ரல் மாதத்தில் 65000 டாலரை தொட்டது, தற்போது ஏற்பட்டுள்ள வளர்ச்சியில் புதிய உச்சத்தையும் அடைய வாய்ப்பு உள்ளது. இதேபோல் கிரிப்டோகரன்சிக்கான எனர்ஜி பிரச்சனை பெரிய அளவில் குறைந்துள்ளது.

2.2 டிரில்லியன் டாலர் சந்தை மதிப்பீடு

இதேபோல் உலகளவில் வர்த்தகம் செய்யப்படும் 9000 டிஜிட்டல் கரன்சிகளின் மதிப்பு கடந்த மாதம் வெறும் 1.2 டிரில்லியன் டாலராக இருந்த நிலையில் தற்போது 2.2 டிரில்லியன் டாலர் சந்தை மதிப்பீட்டைப் பெற்று உள்ளது எனக் காயின்கீகோ தெரிவித்துள்ளது.

சீனா தடை

சீனா அரசின் கிரிப்டோகரன்சி வர்த்தகம், உற்பத்தி, பயன்பாட்டுக்குத் தடை அறிவித்து, பல கிரிப்டோகரன்சி உற்பத்தி தளத்தை மூடிய பின்பு பிட்காயின் மதிப்பில் ஏற்பட்டு உள்ள வளர்ச்சி என்பதால் முதலீட்டாளர்கள் மத்தியில் இதை மிகவும் ஸ்பெஷலாகப் பார்க்கின்றனர்.