ஸ்விக்கியில் உணவு ஆர்டர் செய்வதற்கு பதிலாக ஸ்விக்கி பங்குகளை ஆர்டர் செய்த அமிதாப் பச்சன் குடும்பம்!

சென்னை: இந்தியாவின் ஸ்டார்ட்அப் நிறுவனங்கள் பெரிய அளவில் வளர்ச்சி அடைந்தது மூலம் இனியும் ப்ரைவேட் ஈக்விட்டி நிறுவனங்களை நம்பியிருக்கக் கூடாது என்பதற்காக பொது சந்தை நோக்கிய பிரபல ஸ்டார்ட்அப் நிறுவனங்கள் படையெடுத்து வருகிறது. குறிப்பாக இந்திய மக்களுக்கு தற்போது ஆபத்பாந்தவனாக இருக்கும் குவிக்-காமர்ஸ் நிறுவனங்கள் ஐபிஓ வெளியிடும் வேளையில் நாட்டின் பெரும் பணக்காரர்களின் கண் இவர்கள் கண் முன் நிற்கிறது.

பாலிவுட் சூப்பர்ஸ்டார் அமிதாப் பச்சனின் குடும்ப அலுவலகம், ஸ்விக்கி நிறுவனத்தில் ஒரு சிறிய பங்கை வாங்கியுள்ளது தற்போது ஒட்டுமொத்த ஸ்டார்ட்அப் சந்தையை உலுக்கியுள்ளது. இது உணவு விநியோகம் மற்றும் குவிக்-காமர்ஸ் நிறுவனமான ஸ்விக்கியின் ஊழியர்கள் மற்றும் ஆரம்பக் கட்ட முதலீட்டாளர்கள் வைத்திருக்கும் பங்குகளை அமிதாப் பச்சனின் குடும்ப அலுவலகம் வாங்கியுள்ளது.

அமிதாப் பச்சன் நீண்ட காலமாக இந்திய ஸ்டார்ட்அப் நிறுவனங்களில் முதலீடு செய்து வருகிறார், அதிலும் குறிப்பாக டிஜிட்டல் டெக் மற்றும் தொழில்நுட்பம் சார்ந்த பல துறை நிறுவனங்களில் முதலீடு செய்வது அதிகம். அமிதாப் பச்சன் பாலிவுட் சூப்பர்ஸ்டாராக இருந்தாலும் சினிமா-வை காட்டிலும் ரியல் எஸ்டேட் மற்றும் பங்கு முதலீட்டு வாயிலாகவே அதிகளவில் சம்பாதிக்கிறார்.

அமிதாப் பச்சன் போலவே மோதிலால் ஒஸ்வால் நிதி சேவைகள் நிறுவனத்தின் தலைவரான ராம்தேவ் அகர்வால் ஸ்விக்கி நிறுவனத்தில் சமீபத்தில் பங்கு வாங்கியுள்ளார். இந்தியாவில் குவிக் காம்ர்ஸ் துறை மீதான முதலீடுகள் உச்சக்கட்டத்தை எட்டிய நேரத்தில் இந்த முதலீடுகள் நடந்துள்ளது.

ராம்தேவ் அகர்வால் ஒரு மாதத்திற்கு முன்பு Zepto-வின் சுமார் 665 மில்லியன் டாலர் முதலீட்டு சுற்றில் பங்குகழை வாங்கியுள்ளார். இதன் மூலம் மோதிலால் ஒஸ்வால் நிதி சேவைகள் நிறுவனத்தின் தலைவரான ராம்தேவ் அகர்வால் குவிக் காமர்ஸ் துறையின் மீதான அதீத நம்பிக்கையின் காரணமாக ஸ்விக்கி, செப்டோ என இரு நிறுவனத்திலும் முதலீடு செய்துள்ளது.

ராம்தேவ் அகர்வால், அமிதாப் பச்சன் ஆகியோர் ஸ்விக்கி நிறுவனத்தில் எவ்வளவு முதலீடு செய்துள்ளார்கள் என்பது தெரியவில்லை. ஸ்விக்கியின் இரண்டாம் நிலை பங்கு விற்பனை, இந்த நிறுவனத்திற்கு சுமார் $10-11 பில்லியன் மதிப்பீடு வழங்கப்பட்டதாக நம்பப்படுகிறது. மறுமுனையில் ஸ்விக்கி 1.25 பில்லியன் டாலர் IPO க்கு தயாராகியுள்ளது.

மும்பையை தளமாகக் கொண்ட Zepto, 5 பில்லியன் டாலர் மதிப்பீட்டில் சமீபத்திய முதலீட்டு சுற்றில் 300-350 மில்லியன் டாலர் முதலீட்டை திரட்டும் பணியில் உள்ளது.