3 வருடத்தில் இல்லாதளவு உச்சம் தொட்ட கச்சா எண்ணெய் விலை..!

கச்சா எண்ணெய் தேவையானது தொடர்ந்து அதிகரிக்க தொடங்கியுள்ள நிலையில், விலையும் மீண்டும் உச்சம் தொட ஆரம்பித்துள்ளது.

இது கொரோனா காலத்தில் விதிக்கப்பட்ட கடும் கட்டுபாடுகளினால், கச்சா எண்ணெய் தேவையானது மோசமாக பாதிக்கப்பட்டிருந்தது. ஆனால் தற்போது தளர்வுகள் அளிக்கப்பட்டுள்ள நிலையில் மீண்டும் தேவையானது அதிகரிக்க தொடங்கியுள்ளது.

இதற்கிடையில் விலையினை கட்டுக்குள் வைக்க கொரோனா காலத்தில் உற்பத்தியினை குறைத்து, சப்ளையையும் குறைத்திருந்தனர்.

பிரெண்ட் கச்சா எண்ணெய் விலை

ஆனால் தற்போது தேவை அதிகரிக்க தொடங்கியுள்ள நிலையில், மீண்டும் உற்பத்தி விகிதமானது அதிகரிக்கப்படவில்லை. இதனால் விலையானது மீண்டும் உச்சம் பெறத் தொடங்கியுள்ளது. இதற்கிடையில் கடந்த 2018-க்கு பிறகு தற்போது மீண்டும் பழைய உச்சத்தினை எட்டியுள்ளது. இதற்கிடையில் தற்போது கிட்டதட்ட 1% அதிகரித்து, 79.43 டாலர்களாக அதிகரித்து காணப்படுகின்றது.

WTI கச்சா எண்ணெய் விலை

WTI கச்சா எண்ணெய் விலையானது தற்போது கிட்டதட்ட 1% அதிகரித்து, 76.20 டாலராக வர்த்தகமாகி வருகின்றது. இது இன்று 76.67 டாலர்கள் வரையில் சென்றுள்ளது. இது அனைத்து முக்கிய சப்போர்ட் லெவல்களையும் உடைத்துள்ள நிலையில், இது இன்னும் அதிகரிக்கலாம் என நிபுணர்கள் கருதுகின்றனர்.

தேவை அதிகரிக்கலாம்

தற்போது பொருளாதாரம் இயல்பு நிலைக்கு திரும்பி வந்து கொண்டுள்ள நிலையில், தேவையானது மீண்டு வந்து கொண்டுள்ளது. இந்த சமயத்தில் உற்பத்தி அதிகரித்தால் மட்டுமே விலை அதிகரிக்கும். இதற்கிடையில் தான் கடந்த ஆண்டு கச்சா எண்ணெய் விலையானது பேரலுக்கு 10 டாலர்களுக்கும் மேலாக அதிகரித்துள்ளது.

சப்ளை அதிகரிக்க வேண்டும்

தற்போது ஆயில் தேவையானது 0.5 மில்லியன் பேரல்கள் கூடுதலாக அதிகரித்துள்ளதாகவும், இதனால் சர்வதேச அளவில் எண்ணெய் சப்ளையை அதிகரிக்கவும் ஆராய்ச்சியாளர்கள் கூறி வருகின்றனர். இதற்கிடையில் சீனாவில் நிலவி வரும் பவர் சப்ளை பிரச்சனைக்கு மத்தியில், கோல் விலையானது வரலாறு காணாத அளவு உச்சத்தினை எட்டியுள்ளது. இதற்கிடையில் குளிர்காலத்தில் கச்சா எண்ணெய் விலைகள் இன்னும் அதிகரிக்கலாம் என எதிர்பார்க்கப்படுகிறது.

இந்திய நிலவரம்

எண்ணெய் சப்ளையானது இனி அதிகரிக்குமா என்ற கேள்வி எழுந்துள்ள நிலையில், மறுபுறம் இந்தியாவில் பெட்ரோல், டீசல் விலையானது மீண்டும் உச்சம் தொட ஆரம்பித்துள்ளது. இது மேற்கொண்டு விலையை ஊக்குவிக்கலாம் என எதிர்பார்க்கப்படுகிறது.