BSNL ஃபேன்ஸி நம்பர் பெறுவது எப்படி? ரொம்ப சிம்பிள்!

கடந்தாண்டு ஜூலை மாதம் ஜியோ, ஏர்டெல் மற்றும் வோடபோன் ஐடியா போன்ற தனியார் டெலிகாம் நிறுவனங்கள் ரீசார்ஜ் கட்டண உயர்வை அறிவித்தன. இதன் காரணமாக பலரும் எந்தவித ரீசார்ஜ் கட்டண உயர்வையும் அறிவிக்காத BSNL ஆப்பரேட்டருக்கு மாறுபவர்களின் எண்ணிக்கை திடீரென அதிகரிக்கத் தொடங்கியது. அதற்கு ஏற்ப BSNL தங்களுடைய சேவையை அதிகரிக்கும் நோக்கில் செயல்பட்டு வருகிறது. நீங்களும் பிஎஸ்என்எல் ஆப்பரேட்டருக்கு மாற வேண்டும் என்று நினைத்துக் கொண்டிருந்தாலோ அல்லது உங்களுக்கு ஒரு ஃபேன்சி நம்பர்/விஐபி நம்பரை வாங்க விரும்பினாலோ கீழ்காணும் விஷயங்களை பின்பற்றி வாங்கிக் கொள்ளலாம்.

பேன்சி நம்பரை வழங்க BSNL "சூஸ் யுவர் மொபைல் நம்பர்" என்ற சேவையை வழங்கி வருகிறது. இதற்கு முன்னர் பேன்சி நம்பர்களை பெறுவதற்கு சில நிபந்தனைகள் இருந்தது. இப்போது இந்த வசதி அனைவருக்கும் கிடைக்கிறது. பேன்சி நம்பரை ஆன்லைனில் பெறுவதற்கு சில வழிமுறைகளைப் பின்பற்றலாம்.

BSNL ஆப்ரேட்டரிடம் இருந்து பேன்சி நம்பரை பெறுவது எப்படி?:

ஸ்டெப் 1: முதலில் என்ற அதிகாரப்பூர்வ இணையதளத்தை பார்வையிடவும்.

ஸ்டெப் 2: உங்களுடைய பகுதியை தேர்ந்தெடுத்து, சேவையை பெற விரும்பும் இடத்தை குறிப்பிட வேண்டும். அதன் பிறகு அனைத்து எண்களும் இருக்கும் ஒரு அட்டவணை காண்பிக்கப்படும். அதில் ஒன்றை தேர்வு செய்து கொள்ளலாம்.

ஸ்டெப் 3: பேன்சி நம்பரைப் பெற விரும்பினால் இரண்டாவது ஆப்ஷன் ஒன்று காண்பிக்கப்படும். அங்கு ஃபேன்சி நம்பரை தேர்ந்தெடுக்கலாம். நீங்கள் பெற விரும்பும் நம்பரை தேர்ந்தெடுக்க சில பல ஆப்ஷன்கள் காண்பிக்கப்படும். உதாரணமாக தொடர் எண்கள், தொடக்க எண், முடிவு எண் என தேர்ந்தெடுத்துக் கொள்ளலாம். நீங்கள் விரும்பும் நம்பரை தேர்ந்தெடுத்து முன்பதிவு செய்யும் ஆப்ஷனை தேர்ந்தெடுக்க வேண்டும்.

ஸ்டெப் 4: அதன் பிறகு உங்கள் மொபைல் நம்பரை வழங்கி மெசேஜ் மூலம் பின் நம்பரை பெற வேண்டும். பின்னர் வாடிக்கையாளர் சேவை அல்லது கிளையைத் தொடர்பு கொள்ள வேண்டும். இந்த செயல்முறை முடிந்ததும் பேன்சி நம்பருக்கான பணம் செலுத்தி அனைத்து செயல்முறையையும் பூர்த்தி செய்ய வேண்டும்.

பேன்சி நம்பரை பொறுத்தவரையில் ஒரு பயனர் ஒரு நம்பரை மட்டுமே தேர்ந்தெடுக்க முடியும். இரண்டாவதாக நீங்கள் நம்பரை தேர்ந்தெடுக்கும் போதே பணம் செலுத்தியாக வேண்டும். பிஎஸ்என்எல் மட்டுமின்றி வோடபோன் ஐடியா, ஏர்டெல், ஜியோ போன்ற ஆப்பரேட்டர்களும் ஃபேன்ஸி நம்பர்களை வழங்குகின்றனர்.