Budget 2021.. இனி இந்த பொருட்கள் எல்லாம் விலை குறையும்.. மக்களுக்கு நல்ல அறிவிப்பு தான்..!

இவையெல்லாம் விலை குறையலாம்

• குறிப்பாக இரும்பு, தகரம், நைலாண் துணிகள், காப்பர் பொருட்கள் மின்சாரம், இரும்பு பொருட்கள், தங்கம், வெள்ளி, இன்சூரன்ஸ் உள்ளிட்டவை விலை குறைய வாய்ப்புகள் அதிகம்.
• குறிப்பாக காப்பர் பொருட்களுக்கு வரி விகிதம் 5 சதவீதத்தில் இருந்து 2.5 சதவீதமாக குறைக்கப்பட்டுள்ளது.
• ஸ்டீலுக்கு சுங்க வரி விகிதம் 7.5% ஆக குறையும்.
• இதே Naptha-வுக்கு 2.5% ஆக சுங்க வரி குறைக்கப்பட்டுள்ளது.
• இதே சுரங்க இயந்திரம் (tunnel boring machine)க்கு சுங்க வரி 7.5% ஆக குறைக்கப்பட்டுள்ளது.
• நைலான் துணிகளுக்கு 5% ஆக குறைக்கப்பட்டுள்ளது.

இவையெல்லாம் விலை அதிகரிக்கலாம்

இதே எலக்ட்ரானிக்ஸ், பொருட்கள், மொபைல், சார்ஜர்கள், இறக்குமதி செய்யப்படும் துணிகள், இறக்குமதி செய்யப்படும் எண்ணெய்கள், குறிப்பாக crude palm oil, சோயாபீன் (crude soyabean) மற்றும் சன்பிளவர் ஆயில், ஆப்பிள், நிலக்கரி, லிக்னைட், கரிகள், யூரியா போன்ற குறிப்பிட்ட உரங்கள்,பட்டாணி, வெள்ளை கொண்டக்கடலை, இது தவிர சில பருப்பு வகைகள், லெதர் ஷீ, பெட்ரோல், டீசல், மதுபானங்கள், இறக்குமதி செய்யப்படும் ஆட்டோமொபைல் உதிரிபொருட்கள் உள்ளிட்டவை விலை அதிகரிக்க வாய்ப்புகள் அதிகம்.

எவ்வளவு அதிகரிப்பு?

• பெட்ரோலுக்கு AIDC வரியாக லிட்டருக்கு 2.5 ரூபாய் விதிக்கப்படும்
• இதுவே டீசலுக்கு லிட்டருக்கு AIDC வரியாக 4 ரூபாய் விதிக்கப்படும்.
• சில மொபைல் உதிரி பாகங்களுக்கு வரி விகிதம் இல்லாமல் இருந்த நிலையில், இனி 2.5% விதிகப்படும் என அறிவிக்கப்பட்டுள்ளது.
• சோலார் இன்வெர்ட்டர்களுக்கு 5%ல் இருந்து 20% ஆக உயர்த்தப்பட்டுள்ளது.
• சோலார் லைட்டுகளுக்கு 5%ல் இருந்து 15% ஆக உயர்த்தப்பட்டுள்ளது.
• வாகன உதிரி பாகங்கள் மீதான சுங்க வரி 15% ஆக அதிகரிக்கப்பட்டுள்ளது.
• இரும்பு திருகுகள் (steel screws) - 10%ல் இருந்து 15% ஆக அதிகரிக்கப்பட்டுள்ளது.
• பிளாஸ்டிக் பில்டர் பொருட்கள் 10%ல் இருந்து 15% ஆக அதிகரிக்கப்பட்டுள்ளது.
• பருத்திக்கு சுங்க வரியாக எதுவும் இல்லாமல் இருந்த நிலையில், இனி 10% வரை உயர்த்தப்படலாம் என்றும் எதிர்பார்ப்படுகிறது.
• பட்டு(raw silk) மற்றும் நூல் பட்டுகளுக்கு (yarn silk) சுங்க வரியாக 10 - 15% வரை அதிகரிக்கலாம்.

தங்கம் மற்றும் வெள்ளி விலை குறையும்

குறிப்பாக தங்கம் மற்றும் வெள்ளி மீதான சுங்க வரி 12.5%ல் இருந்து 7.5% ஆக குறைக்கப்பட்டுள்ளது. இது தங்கம் மற்றும் வெள்ளி விலைக்கு ஆதரவாக அமையும் என்றும் எதிர்பார்க்கப்படுகிறது. இது கடந்த ஆண்டில் தங்கத்தின் தேவையானது குறைந்துள்ளதையடுத்து, இந்த சலுகையானது வந்துள்ளது. இது தங்கம் மற்றும் வெள்ளி விலை குறைய வழிவகுக்கும்.