பட்ஜெட் 2023-க்கு பின் எது காஸ்ட்லி..? எது சீப்..?

சிகரெட் - விலை உயர்வு

சிகரெட் மீதான வரி 16 சதவீதம் உயர்வு

வெளிநாடுகளில் இருந்து இறக்குமதி செய்யப்படும் சிகரெட்டுகள் மீதான இறக்குமதி வரி 16% உயர்கிறது..

ரப்பர், சிம்னி - விலை உயர்வு

ரப்பர் மீதான அடிப்படை இறக்குமதி வரி 10 சதவீதத்தில் இருந்து 25 சதவீதமாக உயர்த்தப்பட்டுள்ளது.

சமையலறையில் பயன்படுத்தப்படும் சிம்னி மீதான சுங்க வரி 7.5% இல் இருந்து 15% ஆக அதிகரித்துள்ளது.

தங்கம், தங்க நகை - - விலை உயர்வு

தங்கத்தால் செய்யப்பட்ட பொருட்களுக்கு அடிப்படை சுங்க வரி உயர்த்தப்பட்டுள்ளது

தங்கம், வைர நகைகள் மீதான சுங்க வரி அதிகரிப்புச் செய்யப்படுகிறது.

கார் - விலை உயர்வு

முழுமையாகத் தயாரிக்கப்பட்டு இந்தியாவுக்குள் இறக்குமதி செய்யப்படும் சொகுசு கார்கள் மற்றும் எலக்ட்ரிக் வாகனங்களுக்கு இந்தப் பட்ஜெட்டில் சுங்க வரி 60 சதவீதத்தில் இருந்து 70 சதவீதமாக உயர்த்தப்பட்டு உள்ளது.

சைக்கிள், பொம்மை - விலை உயர்வு

வெளிநாட்டில் இருந்து முழுவதுமாகத் தயாரிக்கப்பட்டு இந்தியாவுக்கு இறக்குமதி செய்யப்படும் சைக்கிள், பொம்மைகள் மீதான இறக்குமதி வரி அதிகரிக்கப்படுகிறது

மொபைல், டிவி - விலை குறைவு

மொபைல் போன்களைத் தயாரிக்கும் சில முக்கிய உதிரிபாகங்கள் அல்லது இன்புட் ப்ராடெக்ட் -ன் இறக்குமதி மீதான சுங்க வரி குறைக்கப்படுகிறது.
இதேபோல் டிவி பேனல்களின் ஓப்பன் செல் உதிரிபாகங்கள் மீதான சுங்க வரி 2.5% ஆக குறைக்கப்பட்டுள்ளது

வைரம், இறால் - விலை குறைவு

ஆய்வகத்தில் உருவாக்கப்படும் வைரங்கள் தயாரிக்கப் பயன்படும் விதைகள் மீதான அடிப்படை சுங்க வரி குறைக்கப்படும்

ஏற்றுமதியை ஊக்குவிக்க இறால் தீவனத்தின் மீதான சுங்க வரி குறைக்கப்படும்

லித்தியம் பேட்டரி - விலை குறைவு

லித்தியம் பேட்டரி இறக்குமதி வரி குறைக்கப்படுகிறது.

இந்தியாவுக்குள் இறக்குமதி செய்யப்படும் எலக்ட்ரிக் வாகனங்களுக்கான சுங்க வரி 60 சதவீதத்தில் இருந்து 70 சதவீதமாக உயர்த்தப்பட்ட நிலையில் லித்தியம் பேட்டரி மீதான வரி குறைக்கப்பட்டு உள்ளது.

ஏழு முன்னுரிமைகள்

இந்த மத்திய பட்ஜெட் 2023-ன் ஏழு முன்னுரிமைகள் கொண்டு மொத்த அறிக்கை உருவாக்கப்பட்டு உள்ளது.

1. அனைவரையும் உள்ளடக்கிய வளர்ச்சி
2. கடைசி மைல் வரை அடையும் சேவை
3. உள்கட்டமைப்பு மற்றும் முதலீடு
4. திறனை வெளிக்கொணரும் முயற்சி
5. பசுமை வளர்ச்சி
6. இளைஞர் சக்தி
7. நிதித்துறை