தங்கம் மற்றும் வெள்ளி இறக்குமதி வரி குறைப்பு.. சாமானியர்களுக்கு ஜாக்பாட்..!!

சென்னை: இந்திய மக்களின் முக்கிய சேமிப்பு தளமாக இருக்கும் தங்கம் மற்றும் வெள்ளி-க்கு உள்நாட்டு மதிப்பு கூட்டுதலை மேம்படுத்தும் நோக்கில், மத்திய நிதியமைச்சகம் இந்த பட்ஜெட்டில் தங்கம் மற்றும் வெள்ளி இறக்குமதி வரி 6 சதவீதமாகவும், பிளாட்டினம் இறக்குமதி வரி 6.4 சதவீதமாகவும் குறைக்கப்படும் என்று அறிவித்தார். இது இந்திய மக்களுக்கு எவ்வாறு பயனளிக்கும் என்பதைப் பார்ப்போம்.

குறைந்த விலை தங்கம்: தற்போது தங்கம் மீதான இறக்குமதி வரி 15 சதவீதமாக உள்ளது. இதைக் குறைப்பதன் மூலம் தங்கத்தின் ரீடைல் விலை குறையும். இதனால் நகை வாங்க தற்போதை விடவும் குறைவான தொகையை செலுத்தினாலே போதுமானது. திருமணம் போன்ற விசேஷங்களுக்கு தங்கம் வாங்க வேண்டியிருக்கும் மக்களுக்கு இது நிச்சயமாக ஒரு மகிழ்ச்சியான செய்தி.

கள்ளச்சந்தை ஒழிப்பு: அதிகப்படியான இறக்குமதி வரி காரணமாக, இந்தியாவுக்கு கடத்தல் மூலம் நாட்டிற்குள் தங்கம் நுழைகிறது. வரி குறைப்பு நடவடிக்கையால், கடத்தலின் மூலம் கிடைக்கும் லாபம் குறைந்து, கள்ளச்சந்தை வர்த்தகம் கட்டுப்படுத்தப்படும். இதன் மூலம் அரசுக்கு வருமானம் அதிகரிக்கும்.

நகைக்கடைத் தொழிலின் வளர்ச்சி: தங்கத்தின் மீதான வரி குறைப்பு நகைக்கடைத் தொழிலுக்கு நேரடிப் பலன்களைத் தரும். விலை குறைவதால், நகை விற்பனை அதிகரிக்கும். இதன் காரணமாக, நகைக்கடைத் தொழிலில் வேலைவாய்ப்புகள் உருவாகும். அதே நேரத்தில், வரி குறைப்பு காரணமாக ஏற்றுமதியை ஊக்குவிப்பதற்கான நடவடிக்கைகளை அரசு எடுத்தால், இந்திய நகைகள் உலக சந்தையில் முக்கிய இடத்தை பிடிக்கும்.

முதலீட்டாளர்களுக்கு ஊக்கம்: தங்கம் நீண்ட கால முதலீட்டுக்கு ஏற்ற கருவியாக இருக்கும் காரணத்தால் வரி குறைப்பு நடவடிக்கை, தங்கத்தில் முதலீடு செய்வதை ஊக்குவிக்கும். இதன் மூலம், மக்கள் தங்கத்தை சேமிப்பது அதிகரிக்கும்.

பிரச்சனைகள்: வரி குறைப்பினால் தங்கத்தின் விலை குறைந்து, இறக்குமதி அதிகரிக்கக்கூடும். இதனால், நடப்பு கணக்கு பற்றாக்குறை (Current Account Deficit) அதிகரிக்கும் அபாயம் உள்ளது. எனவே, இதை சமன் செய்ய அரசு கூடுதல் நடவடிக்கைகளை எடுக்க வேண்டி இருக்கும்.

மொத்தத்தில், தங்கம் மற்றும் வெள்ளி இறக்குமதி வரி குறைப்பு நடவடிக்கை நுகர்வோர், நகைக்கடைத் தொழில், முதலீட்டாளர்கள் என பல தரப்பினருக்கும் பயனளிக்கும் என்று எதிர்பார்க்கப்படுகிறது.