இந்தியாவின் அதிக பெண்கள் பணிபுரியும் நிறுவனங்கள் எது? எத்தனை பேர் பணி புரிந்து வருகின்றனர். அது எந்த துறை சார்ந்த நிறுவனம்? அந்த நிறுவனத்தின் சந்தை மதிப்பு என்ன? என்பதை ஆக்ஸிஸ் வங்கியின் பர்கண்டி பிரைவேட் "பர்கண்டி பிரைவேட் ஹுருன் இந்தியா 500" என்ற பட்டியல் மூலம் வெளியிட்டுள்ளது.
முன்னதாக இந்தியாவில் அதிக ஊழியர்கள் பணியாற்றும் நிறுவனங்களின் பட்டியலில் முதலிடம் பிடித்த டிசிஎஸ் நிறுவனம் தான், அதிகளவில் பெண்களையும் பட்டியலிட்டுள்ளது.
முதலிடத்தில் டிசிஎஸ்
டாப் 10 பட்டியலில் முதலிடம் பிடித்துள்ள டிசிஎஸ் நிறுவனத்தின் மொத்த ஊழியர்களில் , 35% பெண்கள் இடம் பிடித்துள்ளனர். மொத்தம் 2,10,000 பெண்கள் இடம்பெற்றுள்ளனர். இதன் சந்தை மதிப்பு 11,68,390 கோடி ரூபாயாகும்.
இன்ஃபோசிஸ்
டிசிஎஸ் நிறுவனத்தினை தொடர்ந்து இன்ஃபோசிஸ் நிறுவனம் இடம் பெற்றுள்ளது. இந்த நிறுவனத்தில் 40% பெண்கள் இடம்பெற்றிருந்தாலும், எண்ணிக்கையானது மொத்த ஊழியர்களில் 1,24,498 ஊழியர்கள் இடம் பெற்றுள்ளனர். இதன் சந்தை மதிப்பு 6,46,985 கோடி ரூபாயாகும்.
விப்ரோ & ஹெச் சி எல் டெக்
விப்ரோ நிறுவனத்தில் மொத்த ஊழியர்களில் 36% பேர் பெண்கள் ஆவர். எண்ணிக்கையில் 88,946 பேராகும். இதன் சந்தை மதிப்பு 2,12,044 கோடி ரூபாயாகும்.
ஹெச் சி எல் டெக்னாலஜிஸ் நிறுவனத்தில் மொத்த ஊழியர்களில் 28% பேர் பெண்கள் ஆவர். எண்ணிக்கையில் 62,780 பேராகும். இதன் சந்தை மதிப்பு 2,82,533 கோடி ரூபாயாகும்.
ரிலையன்ஸ் இண்டஸ்ட்ரீஸ் & மதர்சன் சுமி சிஸ்டம்ஸ்
ரிலையன்ஸ் இண்டஸ்ட்ரீஸ் நிறுவனத்தில் மொத்த ஊழியர்களில் 18% பேர் பெண்கள் ஆவர். எண்ணிக்கையில் 62,560 பேராகும். இதன் சந்தை மதிப்பு 17,25,058 கோடி ரூபாயாகும்.
மதர்சன் சுமி சிஸ்டம்ஸ் நிறுவனத்தில் மொத்த ஊழியர்களில் 41% பேர் பெண்கள் ஆவர். எண்ணிக்கையில் 52,501 பேராகும். இதன் சந்தை மதிப்பு 29,139 கோடி ரூபாயாகும்.
டெக் மஹிந்திரா & ஐசிஐசிஐ வங்கி
டெக் மஹிந்திராவில் 42,774 பெண்கள் பணியாற்றி வருகின்றனர். இவர்கள் மொத்த ஊழியர்களில் 34% ஆகும். இந்த நிறுவனத்தின் சந்தை மதிப்பு 1,03,486 கோடி ரூபாயாகும்.
ஐசிஐசிஐ வங்கியில் 32,697 பெண்கள் பணியாற்றி வருகின்றனர். இவர்கள் மொத்த ஊழியர்களில் 31% ஆகும். இந்த நிறுவனத்தின் சந்தை மதிப்பு 6,33,171 கோடி ரூபாயாகும்.
ஹெச் டி எஃப் சி வங்கி & பேஜ் இண்டஸ்ட்ரீஸ்
ஹெச் டி எஃப் சி வங்கியில் 22,750 பெண்கள் பணியாற்றி வருகின்றனர். இவர்கள் மொத்த ஊழியர்களில் 16% ஆகும். இந்த நிறுவனத்தின் சந்தை மதிப்பு 8,33,656 கோடி ரூபாயாகும்.
பேஜ் இண்டஸ்ட்ரீஸ் நிறுவனத்தில் 22,631 பெண்கள் பணியாற்றி வருகின்றனர். இவர்கள் மொத்த ஊழியர்களில் 74% ஆகும். இந்த நிறுவனத்தின் சந்தை மதிப்பு 55,511 கோடி ரூபாயாகும்.
பெண்களின் பங்களிப்பு அதிகரிக்கும்
பர்கண்டி பிரைவேட் ஹுருன் இந்தியா 500" என்ற பட்டியலில் உள்ள நிறுவனங்களின் நிர்வாக குழுக்களில் உள்ள பெண்களின் எண்ணிக்கை 16% என தெரிவித்துள்ளது. இந்தியாவின் பொருளாதாரம் வளர்ந்து வரும் ஒரு நாடாக உள்ளது. இது மிகபெரிய அளவில் வளர்ச்சி காணும்போது, பெண்களின் பங்களிப்பும் அதிகரிக்கும் என எதிர்பார்க்கப்படுகிறது.