சென்னை ஐடி ஊழியர்களுக்கு வந்த குட் நியூஸ்.. Capgemini சொன்ன அடேங்கப்பா அறிவிப்பு..!!

பிரான்ஸ் நாட்டைச் சேர்ந்த ஐடி சேவைகள் நிறுவனமான Capgemini பாரிஸை தலைமையிடமாகக் கொண்டு இயங்கினாலும் இந்தியாவில் அதிகப்படியான ஊழியர்களைக் கொண்டு உலகளவில் வர்த்தகம் செய்து வருகிறது.

இந்திய ஐடி சேவை நிறுவனங்களுடன் போட்டிப்போட்டு Capgemini தொழில்நுட்ப சேவைகள் மற்றும் டிஜிட்டல் மாற்றம் ஆகிய பிரிவில் அதிகப்படியான வர்த்தகத்தைப் பெற்று வந்தாலும், அதன் பெரும்பாலான வர்த்தக வாடிக்கையாளர்கள் ஐரோப்பிய நாடுகளைச் சேர்ந்தவை.

கேப்ஜெமினி சென்னையில் ஏற்கனவே 2 கேம்பஸ் வைத்திருக்கும் வேளையில் தற்போது இதை விரிவாக்கம் செய்யும் முக்கியமான திட்டத்தில் இறங்கியுள்ளது. இதன் மூலம் சென்னை கேம்ஜெமினி அலுவலகத்தில் கூடுதல் வேலைவாய்ப்பு உருவாக உள்ளது.

சென்னை சிறுசேரி சிப்காட்டில் உள்ள கேப்ஜெமினி வளாகத்தின் விரிவாக்கம் பணிகள் மேற்கொள்ள முடிவு செய்யப்பட்டு உள்ளது. இந்தத் திட்டம் மூலம் சுமார் 10 லட்சம் சதுர அடி அலுவலகம் கட்டுமான பணிகள் நடக்க உள்ளது. இந்த விரிவாக்கம் மூலம் சென்னை சிறுசேரி கேப்ஜெமினி அலுவலகத்தில் சுமார் 5,500 பேருக்கும் அதிகமானோருக்கு வேலைவாய்ப்பு கிடைக்க உள்ளது.

மேலும் இப்புதிய விரிவாக்க பணிகளைக் கேப்ஜெமினி, வாஸ்கான் இன்ஜினியர்ஸ் லிமிடெட் நிறுவனத்திற்கு 416 கோடி ரூபாய்க்கு, 30 மாதங்களில் முடிக்க ஒப்பந்தம் செய்யப்பட்டு உள்ளது.

2023 ஆம் ஆண்டின் முதல் 9 மாதத்தில் மட்டும் சென்னையிலஸ் சுமார் 6.5 மில்லியன் சதுரடி பரப்பளவிலான அலுவலக இடம் குத்தகைக்கு எடுக்கப்பட்டது. இது 2022 மொத்த அளவை காட்டிலும் அதிகம். நாட்டின் மொத்த ஆபீஸ் ரியல் எஸ்டேட் துறை தேவையில் சென்னை மட்டுமே 15 சதவீதம் தீர்த்துள்ளது.

ஒட்டுமொத்த இந்திய ஆபீஸ் ரியல் எஸ்டேட் துறையில் சென்னை தான் டாப்பாக உள்ளது. இதில் முக்கியமான விஷயம் என்னவென்றால் வட இந்தியாவில் கொண்டாப்படும் மும்பை, டெல்லி என்சிஆர் பகுதிகளையும், தென்னிந்தியாவில் சென்னை, ஹைதராபாத் நகரங்களையும் ஓடவிட்டுச் சென்னை முதல் இடத்தைப் பெற்றுள்ளது.