சந்திரயான் 3-ல் பணியாற்றிய கோயம்புத்தூர் நிறுவனம்.. வாவ்..!

இஸ்ரோவின் சந்திரயான்-3 விண்கலம் ஜூலை 14 ஆம் தேதி மதியம் 2.35 மணிக்கு ஏவ முடிவு செய்யப்பட்டு உள்ளது. இதற்காக ஆந்திரா-வின் ஸ்ரீஹரிகோட்டாவில் உள்ள சதீஷ் தவான் விண்வெளி மையத்திற்கு சந்திரயான்-3 விண்கலம் தயாராக உள்ளது.

மத்திய அரசின் கட்டுப்பாடில் இயக்கும் ISRO சந்திரயான்-2 திட்டத்தை சுமார் 960 கோடி ரூபாய் முதலீட்டில் செய்து முடித்த நிலையில், தற்போது சந்திரயான் 3 திட்டத்தை வெறும் 600 கோடி ரூபாய்க்கு கட்டமைத்துள்ளது. இந்த திட்டத்தில் இஸ்ரோ மட்டும் அல்லாமல் வெளியில் இருந்து பல நிறுவனங்கள் உதவியுள்ளது. இதில் முக்கியமாக கோயம்புத்தூர் நிறுவனம் பணியாற்றியுள்ளது.

இந்தியாவின் முன்னணி EPC திட்டங்கள், உயர் தொழில்நுட்ப உற்பத்தி மற்றும் சேவைகளில் ஈடுபட்டுள்ள லார்சன் அண்ட் டூப்ரோ (எல் அண்ட் டி) நிறுவனம் வியாழக்கிழமை, ISRO சந்திரயான்-3 திட்டத்திற்கு இந்நிறுவனம் பல்வேறு விஷயங்களை வழங்கியுள்ளதாக தெரிவித்துள்ளது.

லார்சன் & டூப்ரோ (L&T) கிட்டத்தட்ட 50 ஆண்டுக்களுக்கும் மேலாக இஸ்ரோ உடன் பணியாற்றி வருகிறது. LVM3 M4 சந்திரயான் மிஷன்-ஐ லான்ச் செய்வதில் L&T முக்கியப் பங்கு வகிக்கிறது எனவும், விண்கலத்தின் சப்சிஸ்டம் தயாரிப்பதில் இருந்து மிஷன் டிராக்கிங் செய்வது வரையில் லார்சன் & டூப்ரோ பணியாற்றியுள்ளது என்பது சாதனையாக கருதுகிறது L&T நிறுவனம்.

L&T நிறுவனம் 3.2 மீட்டர் விட்டம் கொண்ட ஹெட் எண்ட் செக்மென்ட், மிடில் செக்மென்ட் மற்றும் நோசில் பக்கெட் ஃபிளேன்ஜ் ஆகிய முக்கியமான பூஸ்டர் பிரிவுகள் தயாரிக்கப்பட்டு, போவாயில் உள்ள எல்&டி தொழிற்சாலையில் ப்ரூஃப் பிரஷர் டெஸ்ட் செய்யப்பட்டு உள்ளது என தெரிவித்துள்ளது.

இதேபோல் கோயம்புத்தூரில் உள்ள எல்&டி-யின் ஹைடெக் ஏரோஸ்பேஸ் உற்பத்தி நிலையத்திலிருந்து தயாரிக்கப்பட்ட தரை மற்றும் விமானத் umbilical plates-ஐ சப்ளை செய்துள்ளது. மேலும் இஸ்ரோ-வின் லான்ச் வெஹிக்கல்-ன் சிஸ்டம் ஒருங்கிணைப்பில் L&T முக்கிய பங்கு வகிப்பதாக தெரிவித்துள்ளது.