சென்னை-யில் தத்தளிக்கும் ஐடி ஊழியர்கள்.. Work From Home கூடக் கஷ்டம்..!!

சென்னை மழையின் ருத்ர தாண்டவம் பலரின் வாழ்க்கையைப் புரட்டிப்போட்டு உள்ளது, முதல் 2 நாள் உணவு மற்றும் அடிப்படைத் தேவைகளை எப்படியோ போராடி சமாளித்துக்கொண்டாலும் இன்று மாலையில் உணவுக்காக மக்கள் போராடி வருகின்றனர். மக்களுக்கு உதவ உணவு கொண்டு வரும் அனைத்து வாகனங்கள் முன்பும் மக்கள் கூட்டம் அலைமோதுகின்றனர்.

பெரும்பாலான இடத்தில் செல்போன் டவர் வேலை செய்யவில்லை, ஏடிஎம் இயந்திரம் மழைநீரால் பழுதானது இதனால் மக்கள் கையில் போதுமான பணம் புழக்கம் இல்லை. இதனால் மக்கள் உணவளிக்க வரும் வாகனங்கள், உதவிக்கு வருபவர்களைச் சூழ்ந்துகொள்ளும் நிலை உள்ளது.

சென்னை பொருளாதாரத்தின் இரண்டு முக்கியமான ஆதாரம் உற்பத்தித் துறை, ஐடி துறை. அம்பத்தூர், பாடி முதல் பல தொழிற்துறை பகுதிகளில் மழை வெள்ளம் இடுப்பளவுக்கு மேல் இருக்கும் காரணத்தால் பல லட்சம் மதிப்பிலான இயந்திரங்கள் பாழாகியுள்ளது. இதன் மூலம் டிவிஎஸ் முதல் MSME நிறுவனங்கள் வரையில் கடுமையாகப் பாதிக்கப்பட்டு உள்ளது.

At last they made us beggars and snatchers. Sad that people are suffering this much. This is from Sowcarpet. Chennai. pic.twitter.com/rQleHEpp4r

— Hariharan Gajendran (@hariharannaidu) December 6, 2023

இதேவேளையில் சென்னையில் இருக்கும் பெரும்பாலான ஐடி பார்க் தண்ணீரில் மூழ்கியுள்ளது. குறிப்பாக ஏரிக்கு அருகில் இருக்கும் டெக் பார்க் அதிகளவில் பாதிக்கப்பட்டு உள்ளது, 2015 ஆம் ஆண்டை போல் ஐடி நிறுவனங்கள் பாதிக்கப்படவில்லை என்றாலும் ஐடி சேவை துறை அதிகளவில் பாதிக்கப்பட்டு உள்ளது.

sholinganallur elcot back gate 🚶 pic.twitter.com/ZvNaf9EJ6b

— Sk (@skclusive) December 6, 2023

இந்த நிலையில் சென்னையின் மிக முக்கியமான ஐடி பார்க் ஆகக் கருதப்படும் சோழிங்கநல்லூர் எல்காட் ஐடி பார்க் மழை வெள்ளத்தில் மிதக்கும் காட்சிகள் அனைவரையும் பயமுறுத்துகிறது. மேலும் ஐடி நிர்வாகங்கள் இந்தப் பிரச்சனையில் இருந்து மீண்ட வர அதிகப்படியான செலவுகள் செய்ய வேண்டிய நிலை உள்ளது.

This was the situation in shollinganallur in the morning. I was residing in elcot Avenue , kumaran nagar. Thank God I moved away 😔 pic.twitter.com/dsu4ns0fHw

— Santhosh _18_ (@Santhos60218632) December 5, 2023

இதோடு டெலிகாம் சேவைகள் சரியாக இல்லாத காரணத்தால் ஊழியர்கள் வீட்டில் இருந்தும் பணியாற்ற முடியாமல் மாட்டிக்கொண்டு உள்ளனர். இதனால் சென்னை நகரின் உற்பத்தி மற்றும் ஐடி சேவை துறை இயல்பு நிலைக்குத் திரும்பக் குறைந்தது 2 வாரமாவது ஆகும் எனத் தெரிகிறது.