ஒசூர் வரும் பிரம்மாண்டம்.. விரைவில் மின்சார 3-சக்கர சரக்கு வாகனப் பிரிவில் நுழையும் TVS மோட்டர்..!!

டிவிஎஸ் என்ற பெயரை கேட்டாலே நமக்கு அதிகம் ஞாபகம் வருவது அதன் அதிக மைலேஜ் தரும் இருசக்கர வாகனங்கள் தான். தமிழ்நாட்டில் பெரும்பாலான மக்கள் டிவிஎஸ் நிறுவனத்தின் இருசக்கர வாகனங்களை தான் அதிகம் விரும்புகின்றனர். ஏற்கனவே இருசக்கர மற்றும் மூன்று சக்கர வாகனப் பிரிவில் முன்னணி நிறுவனமான டிவிஎஸ் மோட்டார் , மின்சார சரக்கு வாகனத் துறையில் களமிறங்கத் திட்டமிட்டுள்ளது.

டிவிஎஸ் மோட்டார் தனது மின்சார பயணிகள் மூன்று சக்கர வாகனத்தை அறிமுகப்படுத்தி இந்த நிதியாண்டின் இறுதிக்குள் மின்சார சரக்கு வாகன சந்தையில் நுழைய உள்ளது. தற்போது மூன்று சக்கர வாகன மாற்று எரிபொருள் பிரிவில் 10% சந்தைப் பங்கைக் கொண்டுள்ள இந்நிறுவனம், இந்த வாகனங்களை தமிழ்நாட்டில் உற்பத்தி செய்து கொரியாவில் இருந்து பேட்டரி செல்களை இறக்குமதி செய்யவுள்ளது.

கிழக்குப் பெருநகரில் தனது மின்சார மூன்று சக்கர வண்டியை அறிமுகப்படுத்திய நிறுவனம் அடுத்த 2025-2026ம் நிதியாண்டின் அக்டோபர்-டிசம்பர் காலாண்டில் சரக்கு மாறுபாட்டை வெளியிடும் என்று கூறப்பட்டுள்ளது. உத்திரபிரதேசம், பீகார், ஜே&கே மற்றும் டெல்லியுடன் கொல்கத்தாவில் மின்சார மூன்று சக்கர வாகனத்தை பயணிகள் பிரிவில் அறிமுகப்படுத்திய நிலையில், நிறுவனம் அடுத்த நிதியாண்டின் டிசம்பர் காலாண்டில் மின்சார சரக்கு மூன்று சக்கர வாகனப் பிரிவில் நுழைவதை நோக்கமாகக் கொண்டுள்ளது.

அதாவது நடப்பு காலண்டர் ஆண்டின் இறுதிக்குள் நுழையலாம் என்று TVS மோட்டாரின் வணிகத் தலைவர் ரஜத் குப்தா கூறியுள்ளார். மூன்று சக்கர வண்டிகள் பிரிவில் மின்சார வாகனங்களை ஏற்றுக்கொள்வது அதிகரித்து வருவதாகவும், மூன்று சக்கர வாகன மாற்று எரிபொருள் பிரிவில் (சிஎன்ஜி, எல்பிஜி மற்றும் மின்சாரம்) டிவிஎஸ் இன் சந்தைப் பங்கு தற்போது பத்து சதவீதத்தில் உள்ளது மற்றும் வளர்ந்து வருகிறது என்று கூறியுள்ளார்.

நிறுவனம் தனது தமிழ்நாட்டில் உள்ள ஓசூர் ஆலையில் மாதம் 5,000 திறன் கொண்ட மூன்று சக்கர வாகனங்களை உற்பத்தி செய்கிறது. நிறுவனம் கொரியாவில் இருந்து பேட்டரிகளின் செல்களை இறக்குமதி செய்கிறது. இவை இந்திய பங்குதாரரால் தயாரிக்கப்படுகின்றன என்று கூறப்படுகிறது.