மதுபானம் விற்க துவங்கியது Coca Cola.. பெயரே வித்தியாசமா இருக்கே.. 'குடி'மக்களுக்கு குட்நியூஸ்..!

இந்தியாவில் குளிர்பான விற்பனையில் நுழைந்து, தின்பண்டத்தில் பெரும் ஆதிக்கத்தைச் செலுத்தி வரும் கோகோ கோலா அடுத்ததாக மதுபான விற்பனையில் இறங்க உள்ளது கோகோ கோலா. மதுபானம் என்பது புதிய வர்த்தகமாக இருந்தாலும் கோகோ கோலா-வின் சப்ளை செயின் மிகவும் வலிமையாக இருக்கும் காரணத்தால் சிறப்பாகச் செயல்பட முடியும் எனப் பெரிய அளவில் நம்புகிறது.

இந்திய வர்த்தகத்தில் கோகோ கோலா பிற நாட்டில் இருப்பது போலவே பெப்சி உடன் போட்டிப்போட்டு வரும் வேளையில், ரிலையன்ஸ் இண்டஸ்ட்ரீஸ் சமீபத்தில் அறிமுகம் செய்த கேம்பா பிராண்ட் குளிர்பானத்தை விலை குறைப்பு மூலம் அடக்கியது. இந்த நிலையில் அடுத்தகட்ட வளர்ச்சிக்குத் திட்டம் போட்டு கோகோ கோலா தற்போது மதுபான விற்பனையில் இறங்கியுள்ளது.

Coca-Cola பிராண்ட் இந்தியாவில் அதனுடைய உலகளாவிய மதுபான விற்பனை பிரிவில் ரெடி-டு ட்ரிங்க் பானமான Lemon-Dou அறிமுகம் செய்துள்ளது. ஆல்கஹால் பிரிவில் கோகோ கோலா தனது முதல் அறிமுகத்தைத் தற்போது கோவா மற்றும் மகாராஷ்டிராவின் சில பகுதிகளில் சோதனை முயற்சியைத் தொடங்கியுள்ளது.

இந்தியாவில் ஒரு சில மாநிலங்களில் மட்டும் Lemon-Dou மதுபானத்தைப் பைலட் சோதனை செய்து வருவதாக Coca-Cola இந்தியாவின் செய்தித் தொடர்பாளர் உறுதிப்படுத்தியுள்ளார். லெமன்-டூ என்பது ஷோச்சு (shochu) மற்றும் எலுமிச்சை சாறு கலந்த மதுபானம், ஷோச்சு என்பது ஜப்பான் நாட்டின் மதுபான வகையைச் சேர்ந்தது.

Lemon-Dou மதுபானத்தின் தயாரிப்பு மற்றும் விநியோகம் இந்தியாவில் உள்ள பிரத்தியேகமான மற்றும் தனிப்பட்ட தளத்தில் செய்யப்படுகிறது எனக் கோகோ கோலா இந்திய வர்த்தகத்தின் செய்தித் தொடர்பாளர் தெரிவித்துள்ளார்.

ஜப்பான் நாட்டில் chuhai எனப்படும் மதுபானம் Lemon-Dou என்ற பெயரில் கோகோ கோலா உலக நாடுகளில் விற்பனையாகி வருகிறது. தற்போது நடந்து வரும் சோதனை திட்டத்தில் 250 மில்லி மதுபானம் 230 ரூபாய்க்கு விற்கப்பட்டு வருகிறது. Lemon-Dou தான் கோகோ கோலா-வின் முதல் மதுபானம், இது முதல் முறையாக 2018ல் அறிமுகம் செய்யப்பட்டது குறிப்பிடத்தக்கது.