வீட்டுக் கடன்களுக்கு குறைந்த வட்டியை வழங்கும் வங்கிகள்.. லோன் பையர்களுக்கு செம சான்ஸ்..!

சென்னை: அனைவருக்கும் தங்களின் கனவு வீட்டை வாங்க வேண்டும் என்ற எண்ணம் இருக்கும். ஆனால் சிலரிடம் அதற்கான பட்ஜெட் இல்லாததால் வீட்டுக் கடன் வாங்க முடிவெடுத்து இருப்பீர்கள். எனவே, வீட்டுக் கடனை வாங்கும் முன்பு வட்டி விகிதங்களை ஒப்பிட்டுப் பார்ப்பது நல்லது. இந்தப் பதிவில் பல்வேறு வங்கிகள், வீட்டுக் கடன்களுக்கு வழங்கும் வட்டி விகிதங்களைப் பார்ப்போம்.

எல்லோருடைய வாழ்விலும் வீட்டுக் கடன் வாங்குவது என்பது ஒரு முக்கியமான மைல்கல் ஆகும். அதனை சட்டென்று முடிவெடுத்து கடனை வாங்கி விட முடியாது. ஏனென்றால், வீட்டுக்கடன் ஒரு தனி நபர் எடுக்கும் மிகப்பெரிய கடனாகும். வட்டி விகிதத்தில் ஒரு சிறிய வித்தியாசம் ஏற்பட்டாலும் நீங்கள் அதற்குப் பிறகு EMI செலுத்த வேண்டிய 10 முதல் 15 ஆண்டுகள் வரை அது பாதிக்கலாம். எனவே வீட்டுக் கடனை வாங்கும் முன்பு வட்டி விகிதங்களை ஒப்பிட்டுப் பார்ப்பது நல்லது.

சில வங்கிகள் மற்றும் வங்கி சாரா நிதி நிறுவனங்கள், சிறந்த வட்டி விகிதங்களை வீட்டுக் கடன்களுக்கு வழங்கி வருகிறது. அவை கீழே கொடுக்கப்பட்டுள்ளது. இதன் மூலம் நீங்கள் ஒன்றுக்கு இரண்டு முறை யோசித்து சிறந்த வட்டி விகிதத்துடன் கடன் வழங்கும் வங்கியைத் தேர்ந்தெடுக்கலாம்.

பொதுத்துறை வங்கிகள் வீட்டுக் கடன்களுக்கு வழங்கும் வட்டி விகிதங்கள்:

1. யூனியன் பேங்க் ஆஃப் இந்தியா: 8.35 சதவீதம் - 10.90 சதவீதம்.
2. பாங்க் ஆஃப் பரோடா: 8.40 சதவீதம் முதல் 10.90 சதவீதம்.
3. ஸ்டேட் பேங்க் ஆஃப் இந்தியா: 8.50 சதவீதம் முதல் 9.85 சதவீதம்.
4. பஞ்சாப் நேஷனல் பேங்க்: 8.40 சதவீதம் முதல் 10.85 சதவீதம்.
5. பேங்க் ஆஃப் இந்தியா: 8.40 சதவீதம் முதல் 10.85 சதவீதம்.
6. கனரா பேங்க்: 8.50 சதவீதம் முதல் 11.25 சதவீதம்.
7. UCO பேங்க்: 8.45 சதவீதம் முதல் 10.30 சதவீதம்.
8. பேங்க் ஆஃப் மகாராஷ்டிரா: 8.35 சதவீதம் முதல் 11.15 சதவீதம்.
9. இந்தியன் ஓவர்சீஸ் பேங்க்: 8.40 சதவீதம் முதல் 10.6 சதவீதம்.
10. சென்ட்ரல் பேங்க் ஆஃப் இந்தியா: 8.45 சதவீதம் முதல் 9.80 சதவீதம்.

தனியார் துறை வங்கிகள் வீட்டுக் கடன்களுக்கு வழங்கும் வட்டி விகிதங்கள்:

1. சிட்டி யூனியன் பேங்க்: 8.25 சதவீதம் முதல் 10.50 சதவீதம்.
2. HSBC பேங்க்: 8.45 சதவீதத்தில் இருந்து வட்டி விகிதங்களை வழங்குகிறது.
3. கர்நாடகா பேங்க்: 8.50 சதவீதம் முதல் 10.62 சதவீதம்.
4. தமிழ்நாடு மெர்கன்டைல் பேங்க்: 8.60 சதவீதம் முதல் 9.95 சதவீதம்.
5. கோடக் மஹிந்திரா பேங்க்: 8.70 சதவீதம் முதல் வட்டி விகிதங்களை வழங்குகின்றன.
6. சவுத் இந்தியன் பேங்க்: 8.70 சதவீதத்தில் இருந்து வட்டி விகிதங்களை வழங்குகிறது.
7. பந்தன் பேங்க்: 9.16 சதவீதம் முதல் 15.00 சதவீதம்.
8. RBL பேங்க்: 8.90 சதவீதத்திலிருந்து வட்டி விகிதங்களை வழங்குகிறது.
9. ஹச்டிஎஃப்சி பேங்க்: 9.40 சதவீதம் முதல் வட்டி விகிதங்களை வழங்குகின்றன.
10. CSB பேங்க்: 10.73 சதவீதம் முதல் 12.58 சதவீதம்.

நிதி நிறுவனங்கள் வீட்டுக் கடன்களுக்கு வழங்கும் வட்டி விகிதங்கள்:
1. எல்ஐசி ஹவுசிங் ஃபைனான்ஸ்: 8.35 சதவீதம் முதல் 10.75 சதவீதம்.
2. பஜாஜ் ஹவுசிங் ஃபைனான்ஸ்: 8.50 சதவீதத்தில் இருந்து வட்டி விகிதத்தை வழங்குகிறது.
3. PNB ஹவுசிங் ஃபைனான்ஸ்: 8.50 சதவீதம் முதல் 14.50 சதவீதம்.
4. SMFG இந்தியா ஹோம் ஃபைனான்ஸ்: 10.00 சதவீதம் முதல் வட்டி விகிதங்களை வழங்குகிறது.
5. ஐசிஐசிஐ ஹோம் ஃபைனான்ஸ்: 9.20 சதவீதத்தில் இருந்து வட்டி விகிதங்களை வழங்குகிறது.