குட் நியூஸ் மக்கள் கோரிக்கை நிறைவேறியது.. கரூர் மாவட்டத்திற்கு விரைவில் வருகிறது D-Mart..!!

கரூர் மாவட்டம் தமிழ்நாட்டின் மத்திய பகுதியில் அமைந்துள்ள ஒரு முக்கிய மாவட்டமாகும். இது வர்த்தகம், தொழில் மற்றும் வேளாண் பங்களிப்புகளுக்கு பிரபலமானது. இந்த மாவட்டம் விவசாயத்திலும் முன்னணி வகிக்கிறது. இங்கு பல்வேறு தொழிற்சாலை மற்றும் வர்த்தக நிறுவனங்கள் உள்ளன. அதனால் பல வேலைவாய்ப்புகளும் உருவாகியுள்ளன. மேலும், கரூர் மாவட்டம் பாரம்பரிய கலை மற்றும் பண்பாட்டிலும் சிறப்பு பெற்ற இடமாகும். சுற்றுலா தளங்களாகவும் பல கோயில்கள் மற்றும் இயற்கை அழகான இடங்கள் இங்கு உள்ளன.

கரூரில் டி-மார்ட்: ஆனால், கரூர் மாவட்டத்தில் இதுவரை மால்கள் மற்றும் டிமார்ட் போன்ற பெரிய ஷாப்பிங் நிறுவனங்கள் ஏதுவும் இல்லை. இதனால், இவ்வாறான வசதிகள் உள்ள மால்கள் மற்றும் பெரிய ஷாப்பிங் மையங்களை மாவட்டத்தில் விரைவில் அமைக்க வேண்டும் என நீண்ட நாட்களாக மக்கள் கோரிக்கை விடுத்து வந்தனர்.

தமிழகம் முழுவதும் டிமார்ட் கிளைகள் பல்வேறு இடங்களில் திறக்கப்பட்டு, சென்னை, கோவை உள்ளிட்ட பெரிய நகரங்களில் 5-க்கும் மேற்பட்ட கிளைகள் வெற்றிகரமாக செயல்படுகின்றன. இதேபோல், மதுரை, திருச்சி, திருப்பூர், சேலம் போன்ற மாவட்டங்களிலும் டிமார்ட் கிளைகள் தொடங்கிவருகின்றன. இந்நிலையில் தான், கரூர்-ஈரோடு சாலையில் புதிய டிமார்ட் நிறுவனம் விரைவில் திறக்கப்படவுள்ளதாக தகவல்கள் வெளியாகி உள்ளது. இதற்கான அனுமதி விரைவில் வழங்கப்பட உள்ளது.

மதுரை மாவட்டத்தில் சமீபத்தில் டிமார்ட் நிறுவனம், மூன்று கிளைகளை திறந்து செயல்படுத்தி வருகிறது. அதேபோல், திருநெல்வேலி மாவட்டத்திலும் புதிய கிளை விரைவில் திறக்கப்பட்டு பணிகள் தீவிரமாக நடைபெற்று வருகிறது. இதன் பின்னணியில் கரூர் மாவட்டத்திலும் டிமார்ட் கிளை ஆரம்பித்தால், பொதுமக்களுக்கு மிகப்பெரிய நன்மை வழங்கும் என்று நம்பப்படுகிறது. தற்போது, கரூர் மாவட்டத்தில் பல்வேறு கட்டுமான மற்றும் வளர்ச்சி பணிகள் முன்னெடுக்கப்படுகின்றன. மேலும், இந்த மாவட்டத்தில் டைடல் பார்க் திட்டம் செயல்படுத்தப்பட வாய்ப்புள்ளது. அதற்கான அதிகாரப்பூர்வ அறிவிப்பு விரைவில் வெளியிடப்படுமென எதிர்பார்க்கப்படுகிறது.

டி மார்ட் (D-Mart): டி மார்ட் என்பது பெரிய அளவில் செயல்படும் ரீட்டெயில் சூப்பர் மார்க்கெட் ஆகும். இதில் வாடிக்கையாளர்களுக்காக பலவகை பொருட்கள் மற்றும் சேவைகள் கிடைக்கின்றன. அதாவது தானியங்கள், காய்கறிகள், பழங்கள் உள்ளிட்ட அத்தியாவசிய உணவுப்பொருட்களும், பால் மற்றும் பால் தயாரிப்புகளும், சமையல் மற்றும் குடிநீர் பொருட்களும், அழகு மற்றும் தனிப்பட்ட பராமரிப்பு சாதனங்களும், மின்சாதனங்கள், வீட்டு உபகரணங்களும், ஆடைகள், காலணிகள், பரிசுப் பொருட்களும், குழந்தைகள் மற்றும் பெண்கள் தேவைக்கான பொருட்களும், மருத்துவப் பொருட்கள் மற்றும் சுகாதாரப் பொருட்களும் இங்கு கிடைக்கும்.

விலை எப்படி இருக்கும்..?: டி மார்ட் சூப்பர் மார்ட்டில் பொருட்களின் விலை பொதுவாக மத்திய தரத்திலேயே இருக்கும். வாடிக்கையாளர்களுக்கு சலுகைகள், தள்ளுபடிகள் மற்றும் பிரத்தியேக பேக்கேஜ்கள் வழங்கப்படுவதால், விலை நியாயமானதாக இருக்கும். இதனால், தரமான பொருட்களை குறைந்த விலைக்கு வாங்கும் வாய்ப்பு கிடைக்கும் என்பதே டிமார்ட் விலை கொள்கையின் முக்கிய அம்சம் ஆகும்.