ரூ. 30,000 மின்சார கட்டணம்.. பில்லை பார்த்து ஷாக் ஆன நபர்.. இனி AC-க்கு பதிலா விசிறி தான் போலயே!

டெல்லி: கொளுத்தும் வெயில் காரணமாக டெல்லி போன்ற பல நகரங்களில் ஏர் கண்டிஷனர்கள் (AC) இல்லாமல் மனிதர்களால் இருக்கவே முடிவதில்லை. இது போன்ற சூழல் இருப்பதாலோ என்னவோ, மின்சார கட்டணமும் விண்ணை எட்டத் தொடங்கியுள்ளது. சமீப காலமாக பலரும் தங்களின் அதிக அளவிலான மின்சார கட்டணத்தை சோசியல் மீடியா பக்கங்களில் பகிர்ந்து வருகின்றனர். அந்த வகையில் தனது 30,280 ரூபாய் மின்சார கட்டணத்தை, ஒருவர் ரெட்டிடில் பகிர்ந்து உள்ளார்.

BSES மின்சார வாரியம், ஜூன் மாதத்திற்கான மின்சாரக் கட்டணத்தை டெல்லியில் உள்ள அமன் என்பவருக்கு அனுப்பியுள்ளது. அவர் அந்த கட்டணத்தை பார்த்தவுடன் திகைத்துப் போனார். ஏனெனில் அவருக்கு கட்டணமாக 30,280 ரூபாய் வந்துள்ளது.

2 நாட்களுக்கு முன்பு, இந்த கட்டணத்தை தனது Reddit பக்கத்தில் அமன் பகிர்ந்துள்ளார். இது சக குடியிருப்பாளர்களிடையே ஆச்சரியத்தையும் அனுதாபத்தையும் ஏற்படுத்தியுள்ளது.

வேதனை அளிக்கிறது! இது எப்படி சாத்தியம்? என்ற வரிகளுடன் அமன் தனது மின்சார கட்டணத்தைப் போஸ்ட் செய்துள்ளார். அதில் அமன் BSES-இல் இருந்து அனுப்பப்பட்ட மின்சார கட்டணத்தை ஸ்கிரீன்ஷாட் எடுத்து இணைத்துள்ளார், ஜூலை 9 ஆம் தேதிக்குள் ரூ. 30,280 செலுத்த வேண்டும் என்று அதில் குறிப்பிடபட்டுள்ளது.

அவர் சமீபத்தில் தனது 16 வருட பழைய ஏர் கண்டிஷனருக்கு ( Air conditioner) பதிலாக புதிய ஐந்து ஸ்டார் AC-யை வாங்கியதாக கூறியுள்ளார், அவை தனது மின்சார செலவை குறைக்கும் என்று எண்ணியதாகவும், ஆனால் அவை நான் எதிர்பார்த்த சேமிப்பை வழங்கவில்லை என்றும் அமன் கூறியுள்ளார்.

பணத்தை மிச்சப்படுத்தலாம் என்று நினைத்து புதிய ஏசிகளை வாங்கினேன். ஆனால், பணம் மிச்சமாகவில்லை. மொத்தம் 4 ஏசிகள் இருக்கின்றன, அவற்றில் குறைந்தது 2 ஏசிகள் எப்போதும் இயங்கிக் கொண்டிருக்கும், என்று அமன் தனது ஏமாற்றத்தை வெளிப்படுத்தியுள்ளார்.

அவருடைய பதிவு விரைவில் பலராலும் கவனிக்கப்பட்டது. அவருடைய பதிவுக்கு பல பயனர்கள், 4 ஏர் கண்டிஷனர்களுக்கு மின்சார கட்டணம் ஒன்றும் அதிகமாக இல்லை என்று சுட்டிக்காட்டி உள்ளனர்.

நீங்கள் 4 ஏசிகளைப் பயன்படுத்துகிறீர்கள், அவற்றில் ஒரே நேரத்தில் இரண்டு ஏசிகள் இயங்குகின்றன. அவை 5 ஸ்டார் ரேட்டிங் கொண்ட ஏர் கண்டிஷனர்களா? என்று எங்களுக்கு தெரியவில்லை. ஆனால் நீங்கள் ஒரே நேரத்தில் இரண்டு 2 ஸ்டார் ஏசிகளைப் பயன்படுத்தினால், இது சாதாரண கட்டணமே. அவற்றோடு, நீங்கள் வேறு சாதனங்களையும் இயக்குகிறீர்கள் என்றால் இவ்வளவு அதிக கட்டணம் வருவது சாத்தியமே, என்று ஒரு பயனர் கருத்து தெரிவித்தார்.

ஜூன் மாதத்தில் மின்சாரக் கட்டணம் எல்லா இடங்களிலும் உயர்ந்துள்ளது. என்னிடம் 2 ஏசிகள் உள்ளன, மே மாதத்தை ஒப்பிடும் பொழுது ஜூன் மாதத்தில் ஏசியை அதிகம் பயன்படுத்தவில்லை. ஆனால் மே மாதத்திற்கான மின்சார கட்டணம் ரூ. 7,000-ஆக இருந்தது. அனால், ஜூன் மாதம் ரூ. 20,000-ஆக அதிகரித்துள்ளது என்று மற்றொருவர் கூறியுள்ளார்.

இந்த மாத தொடக்கத்தில், ஜாயின் ஹூட் செயலியின் இணை நிறுவனர் ஜஸ்வீர் சிங், மாதம் ரூ.45,491 மின்கட்டணத்தைப் பெற்றதை பகிர்ந்த பின்னர், சமூக ஊடகங்களில் இதேபோன்று பலரும் பகிர்ந்து வருகின்றனர்.