சர்வதேச சந்தையில் கச்சா எண்ணெய் விலையானது கடந்த மாத தொடக்கத்தில் இருந்தே பெரும்பாலும் சரிவினைக் கண்டு வரும் நிலையில், இந்தியாவில் பெட்ரோல் டீசல் விலையும் குறைந்து வருகின்றது.
இது அவ்வப்போது ஏற்ற இறக்கத்திற்கு ஏற்றாற்போல் விலை மாறி வருகின்றது. இந்த மாதத்தில் பெட்ரோல் விலையானது 7 முறையும், டீசல் விலையானது 13 முறையும் குறைந்துள்ளது.
அதிலும் டெல்லியில் டீசல் விலையானது தொடர்ச்சியாக ஆறாவது நாளாக இன்று குறைக்கப்பட்டுள்ளது குறிப்பிடத்தக்கது. செப்டம்பர் மாதத்தில் மட்டும் செப்டம்பர் 3, 5, 7, 10, 12, 14, 15, 17,18,19,20,21 மற்றும் 22 தேதிகளில் குறைந்துள்ளது. இதே பெட்ரோல் விலையானது செப்டம்பர் 10,12,14,15,17,18 மற்றும் 22 ஆகிய 7 நாட்களும் குறைக்கப்பட்டுள்ளது. ஆக ஒட்டுமொத்தமாக டெல்லியில் பெட்ரோல் விலையானது, செப்டம்பர் மாதத்தில் இதுவரையில் 1.02 ரூபாய் குறைந்துள்ளது. இதுவே டீசல் விலையானது 2 ரூபாயும் குறைந்துள்ளது.
இதே மற்ற மெட்ரோ நகரங்களிலும் பெட்ரோல், டீசல் விலையானது சரிவினைக் கண்டுள்ளது. இன்று மும்பையில் பெட்ரோல் விலையானது 8 பைசா குறைந்து, 87.74 ரூபாயாகவும், இதே டீசல் விலையானது 14 பைசா குறைந்து, 77.73 ரூபாயாகவும் குறைந்துள்ளது.
இதே பெட்ரோல் விலையானது சென்னையில் 84.21 ரூபாயாகவும், இதே மும்பையில் 87.74 ரூபாயாகவும், டெல்லியில் 81.06 ரூபாயாகவும், பெங்களூவில் 84.21 ரூபாயாகவும், ஹைதராபாத்தில் 84.25 ரூபாயாகவும், கொல்கத்தாவில் 82.59 ரூபாயாகவும் விற்பனை செய்யப்பட்டு வருகின்றது.
இதுவே டீசல் விலையானது சென்னையில் 76.78 ரூபாயாகவும், இதே மும்பையில் 77.73 ரூபாயாகவும், டெல்லியில் 71.28 ரூபாயாகவும், பெங்களூவில் 75.50 ரூபாயாகவும், ஹைதராபாத்தில் 77.72 ரூபாயாகவும், கொல்கத்தாவில் 74.80 ரூபாயாகவும் விற்பனை செய்யப்பட்டு வருகின்றது.
இந்த விலை விகிதமானது மாநிலத்திற்கு மாநிலம் சற்று வேறுபடும். ஏனெனில் அந்தந்த மாநிலங்களில் விதிக்கப்பட்டுள்ள வரியினை பொறுத்து மாறுபட்டுள்ளது.
தற்போது இந்தியா முழுவதும் லாக்டவுனில் சற்று தளர்வுகள் அளிக்கப்பட்டிருந்தாலும், எரிபொருள் தேவையே சற்று அதிகரித்திருந்தாலும், சர்வதேச சந்தையில் விலை குறைந்து வருவதனையடுத்து, இங்கு பெட்ரோல், டீசல் விலையும் குறைந்து வருகிறது.