பணம் கேட்க இப்படி ஒரு ட்ரிக்கா? புதுமையான ஐடியாவை கற்றுத் தரும் கூகுள் இந்தியா!

கூகுள் இந்தியா ஒரு தனித்துவமான தீபாவளி ரங்கோலியை பகிர்ந்து, சமூக ஊடகங்களில் ஆச்சர்யத்தை ஏற்படுத்தியுள்ளது. எப்படி எல்லாம் விளம்பரப் படுத்துறாங்கன்னு பார்க்கும் அளவிற்கு ஒரு வீடியோ பலராலும் பகிரப்பட்டு வருகிறது. அந்த வீடியோவில், தரையில் வரையப்பட்டிருக்கும் ரங்கோலியில் ஒரு QR கோட் கொடுக்கப்பட்டுள்ளது. இதன் மூலம் தீபாவளிக்கு பரிசு வழங்குபவர்கள் கூகுள் பே மூலம் எளிதாக பணம் செலுத்தலாம் என்று கூறப்பட்டுள்ளது.

வெளியான வீடியோ கிளிப்பில், கூகுள் லோகோ வண்ணங்களில் ரங்கோலி வடிவமைக்கப்பட்டுள்ளது. நடுவில் ஒரு QR கோடு கொடுக்கப்பட்டுள்ளது. வீடியோவில், ஒரு விருந்தினர், எத்னிக் உடையில், ரங்கோலியை ரசிக்கிறார். அதன் பின் ரங்கோலியில் இருக்கும் கூகுள் பே QR கோட் மூலம் ரூ. 500 செலுத்துகிறார்.

இந்த வீடியோ 23,000-க்கும் மேற்பட்ட லைக்ஸ்களையும், கிட்டத்தட்ட 1 மில்லியன் வியூஸ்களையும் பெற்றுள்ளது. இந்த கருத்து இன்ஸ்டாகிராம் பயனர்களை கவர்ந்தது மற்றும் சிலர் தொழில்நுட்ப நிறுவனத்திடம் தங்கள் சொந்த ஆக்கப்பூர்வமான, பணம் வசூலிக்கும் தீபாவளி ரங்கோலியை எவ்வாறு உருவாக்குவது என்று கேட்டனர்.

இந்த வீடியோ பல இன்ஸ்டாகிராம் பயனர்களையும் கவர்ந்தது. சிலர் கூகுள் நிறுவனத்திடம் தங்கள் சொந்த QR கோடை வைத்து தீபாவளி ரங்கோலியை எப்படி உருவாக்குவது? என்று கேள்வி எழுப்பினர்.

ஒரு இன்ஸ்டாகிராம் பயனர்.. இதே போன்ற ரங்கோலியை எப்படி வரைவது என்று கேள்வி கேட்டுள்ளார்? அதற்கு கூகுள் இந்தியா இந்த கேள்வியையும் கூகுள் செய்யுங்கள் என்று பதிலளித்திருந்தது. மற்றொரு இன்ஸ்டாகிராம் பயனர் QR கோடில் உள்ள "R" என்பது ரங்கோலியை குறிக்கிறது என்று கமெண்ட் செய்திருந்தார். அதற்கும் கூகுள் இந்தியா கிண்டலாக Q என்பது "Quick Scan"-ஐ குறிக்கிறது என்று கமெண்ட் செய்திருந்தார்.

இதே போல வாசலில் கோலம் போட்டால் யாரும் என் வீட்டிற்குள் நுழையவே மாட்டார்கள் என்று இன்னொரு நபர் கருத்து தெரிவித்திருந்தார்.

கூகுள் நிறுவனத்தின் எண்ணற்ற சேவைகளை நாம் தினசரி பயன்படுத்தி வருகிறோம். அதில் கூகுள் பே அப்ளிகேஷனும் ஒன்று. கூகுள் இந்தியாவின் google pay தொடர்பான புதுமையான விளம்பரம் நவீன தொழில்நுட்பத்தின் வசதியை எளிமையான முறையில் மக்களுக்கு எடுத்துக்காட்டுகிறது. தினசரி முறையில் பணமில்லா பரிவர்த்தனையை ஊக்குவிப்பதன் மூலம் நேரத்தை மிச்சப்படுத்துகிறது. பாதுகாப்பான மற்றும் வசதியான பரிவர்த்தனைகளை மேற்கொள்ள வலியுறுத்துகிறது. கூகுள் இந்தியாவின் இந்த புதுமையான வீடியோ "இது கூட நல்ல ஐடியாவா இருக்கே" என்று யோசிக்கும் அளவுக்கு உள்ளது.