DLF கொடுத்த சூப்பர் அப்டேட்.. 2வது காலாண்டில் தூள்.. லாபம் எவ்வளவு தெரியுமா?

வணிகம் சார்ந்த ரியல் எஸ்டேட் டெவலப்பரான டிஎல்எஃப் நிறுவனம், கடந்த செப்டம்பர் காலாண்டில் அதன் ஒருங்கிணைந்த நிகரலாபம் 25.89% வளர்ச்சியினை கண்டு, 477.04 கோடி ரூபாயாக வளர்ச்சி கண்டுள்ளது.

இதே கடந்த ஆண்டில் இதன் லாபம் 378.73 கோடி ரூபாயாக இருந்தது குறிப்பிடத்தக்கது.

இதன் வரிக்கு பிந்தைய லாபமானது 1.59% அதிகரித்துள்ளது. இது முந்தைய காலாண்டில் 469.57 கோடி ரூபாயாக இருந்தது.

நிதி திரட்ட திட்டம்

இந்த நிறுவனத்தின் இயக்குனர் குழு மாற்ற முடியாத கடனீட்டு பத்திரங்கள் மூலம் 1500 கோடி ரூபாய் நிதி திரட்ட ஒப்புதல் வழங்கியுள்ளது.

இந்த நிறுவனத்தின் டாப் லைன் முன்பகுதி 12.06% குறைந்து, 1480.90 கோடி ரூபாயில் இருந்து, 1302.34 கோடி ரூபாயாக சரிவினைக் கண்டுள்ளது. இதே முதல் காலாண்டில் வெளியிடப்பட்ட 1441.63 கோடி ரூபாயில் இருந்து, 9.66% சரிவினைக் கண்டுள்ளது.

 

எபிட்டா விகிதம்

இதன் எபிட்டா விகிதம் 436.7 கோடி ரூபாயாக சரிவினைக் கண்டுள்ளது (இது ஆய்வில் உள்ளது). இது முந்தைய ஆண்டில் 458.3 கோடி ரூபாயாக இருந்த நிலையில், 4.7% சரிவினைக் கண்டுள்ளது. இதே மார்ஜின் 33.5% ஆக விரிவடைந்துள்ளது. இது கடந்த ஆண்டில் 30.9% ஆக உள்ளது.

செலவினமும் சரிவு

டிஎல்எஃப்-ன் செலவினம் 1009.27 கோடி ரூபாயாக குறைந்துள்ளது. இது கடந்த ஆணில் 1235.79 கோடி ரூபாயாக இருந்தது. இதே முதல் காலாண்டில் 1170.52 கோடி ரூபாயாக இருந்தது.

முதல் பாதி நிலவரம்

இதே ஆறு மாத காலத்தில் டிஎல்எஃப்-ன் ஒருங்கிணைந்த நிகரலாபம் 946.61 கோடி ரூபாயாக அதிகரித்துள்ளது. இது கடந்த ஆண்டில் 716.05 கோடி ரூபாயாக இருந்தது. இதன் வருவாய் விகிதம் முதல் பாதியில் 2743.97 கோடி ரூபாயாக உச்சம் எட்டியுள்ளது. இதே கடந்த ஆண்டில் 2620.43 கோடி ரூபாயாக இருந்தது குறிப்பிடத்தக்கது.

இன்றைய பங்கு நிலவரம்?

என்.எஸ்.இ-யில் இப்பங்கின் விலையானது 0.96% குறைந்து, 369.80 ரூபாயாக வர்த்தகமாகி வருகின்றது. இதன் உச்ச விலை 375 ரூபாயாகும். இன்றைய குறைந்தபட்ச விலை 364.60 ரூபாயாகவும் உள்ளது.

இதே பி.எஸ்.இ-யில் இதன் பங்கு விலையானது 0.91% குறைந்து, 370.05 ரூபாயாக வர்த்தகமாகி வருகின்றது. இதன் இன்றைய உச்ச விலை 374.85 ரூபாயாகும். இன்றைய குறைந்தபட்ச விலை 364.80 ரூபாயாகவும் உள்ளது. இதன் 52 வார உச்ச விலை 444 ரூபாயாகவும், இதன் 52 வார குறைந்த விலை 294.75 ரூபாயாகவும் உள்ளது.