எலான் மஸ்க் ஒரு நிமிடத்துக்கு எவ்வளவு சம்பாதிக்கிறார் தெரியுமா? கேட்டால் தலைசுற்றிவிடும்!

ஒரு மனிதர் ஒரு மாதத்தில் கோடிக்கணக்கான ரூபாய்களை சம்பாதிக்கிறார் என்றால் அவரை பெரிய சாதனையாளர் என்று பாராட்டலாம். ஆனால் ஒரு மணிநேரத்துக்குள் பல கோடிகளை சம்பாதிப்பவரை என்னவென்று சொல்வது!

அப்படி ஒரு அசாதாரணமான மனிதர் தான் எலான் மஸ்க். டெஸ்லா, எக்ஸ்.காம், ஸ்பேஸ் எக்ஸ் ஆகிய நிறுவனங்களின் சிஇஓ இவர்.
எலான் மஸ்க் தொடர்ந்து உலக பணக்காரர்கள் பட்டியலில் இடம் பெற்று வருகிறார். 198.9 பில்லியன் டாலர்களுக்குச் சொந்தக்காரர். இந்திய மதிப்பில் ரூ.1,64,85,23,97,45,000 ஆகும்.

ஃபின்போல்டு கணிப்பின்படி எலான் மஸ்க் டெஸ்லாவில் 20.5 சதவீதம், ஸ்டார்லிங்கில் 54 சதவீதம், ஸ்பேஸ்எக்ஸில் 42 சதவீதம், எக்ஸில் 74 சதவீதம் (முன்னர் ட்விட்டர்), தி போரிங் நிறுவனத்தில் 90 சதவீதம், எக்ஸ்ஏஐயில் 25 சதவீதம் மற்றும் பல வணிகங்களில் மஸ்க்கின் பங்குகள் உள்ளன. நியூராலிங்கில் உள்ள 50 சதவீதத்துக்கும் மேலாக, அவரது நிகர மதிப்பைக் கணக்கிடப் பயன்படுத்தப்படுகிறது.

எலோன் மஸ்க் 1971 இல் தென்னாப்பிரிக்காவின் தலைநகரான பிரிட்டோரியாவில் பிறந்தார். அவர் ஒரு பணக்கார குடும்பத்தில் இருந்து வந்தவர். கம்ப்யூட்டர் மற்றும் டிசைனிங்களில் நிறைந்த ஆர்வம் கொண்டவர்.

17 வயதில், அவர் கனடாவில் உள்ள குயின்ஸ் பல்கலைக்கழகத்தில் சேர்ந்தார். வணிகம் மற்றும் இயற்பியல் படிப்பதற்காக பென்சில்வேனியா பல்கலைக்கழகத்துக்கு சென்றார். எலான் மஸ்க் மற்றும் அவரது சகோதரர் கிம்பல் ஆகியோர் Zip2 என்ற ஆன்லைன் டிரேடு பியூரோவை நிறுவினர். 1999 இல், சகோதரர்கள் Zip2 ஐ காம்பேக்குக்கு $307 மில்லியனுக்கு விற்றனர்.

ஜிப்2 விற்பனையின் மூலம் எலான் மஸ்க் $22 மில்லியனைச் சம்பாதித்தார். பின்னர் ஒரு McLaren F1 சூப்பர் காரில் $1 மில்லியனைச் செலவழித்தார். எலான் மஸ்க் ஒரு வங்கி ஸ்டார்ட்அப்பை நிறுவினார், அது இறுதியில் மற்றொரு வணிகத்துடன் இணைக்கப்பட்டு பேபால் என பெயரிடப்பட்டது. எலான் மஸ்க் பேபால் நிறுவனத்தின் சிஇஓ ஆனார். அத்துடன் eBay 2002 இல் $1.5 பில்லியனுக்கு PayPal ஐ வாங்கியபோது $180 மில்லியன் சம்பாதித்தார்.

பில்லியனர்களின் உலகில் மஸ்க்கின் நிகர மதிப்பு நிச்சயமாக அசரவைக்கக் கூடியது, ஆனால் அவர் 192.5 பில்லியன் டாலர் நிகர மதிப்பைக் கொண்ட அமேசான் நிறுவனர் ஜெஃப் பெசோஸ் மற்றும் மெட்டாவின் நிறுவனர் மற்றும் பேஸ்புக் தலைமை நிர்வாக அதிகாரி மார்க் ஜுக்கர்பெர்க் போன்ற நபர்களிடமிருந்து கடுமையான போட்டியை எதிர்கொள்கிறார். மார்க் ஜுக்கர்பெர்க்கின் நிகர மதிப்பு $166.6 பில்லியன்.

சமீபத்திய ஃபின்போல்டு அறிக்கையின்படி, பில்லியனர் எலான் மஸ்க் ஒரு நிமிடத்துக்கு சுமார் $6,887 சம்பாதிக்கிறார். இந்திய மதிப்பில் சுமார் ரூ. 5 லட்சம். இது ஒரு மணி நேரத்துக்கு $413,220 (சுமார் ரூ. 3 கோடி). ஒரு நாளைக்கு $9,917,280. ஒரு வாரத்துக்கு $69,420,960.

Story Written by: I. Jayachandran