2024-ஆம் ஆண்டில் 4300 இந்தியப் பணக்காரர்கள் துபாய் செல்ல திட்டம்.. இதுதான் காரணமா?

துபாய், வெளிநாடு செல்ல நினைக்கும் இந்தியப் பணக்காரர்களுக்கு பிடித்தமான இடமாக மாறியுள்ளது. ஃபோர்ப்ஸ் பத்திரிகையின்படி, துபாய், நியூயார்க், மியாமி மற்றும் பாரிஸ் போன்ற நகரங்களை விஞ்சி, வெளிநாட்டவர்களுக்கு பிடித்த இடமாக துபாய் மாறியுள்ளது. சர்வதேச முதலீட்டு இடம்பெயர்வு ஆலோசனை நிறுவனமான ஹென்லி & பார்ட்னர்ஸின் அறிக்கை, UAE செல்வந்தர்களுக்கு மிகவும் விருப்பமான இடமாக மாறியுள்ளது என்பதைக் சுட்டிக் காட்டுகிறது.

2024-ஆம் ஆண்டில் ஏறத்தாழ 4,300 மில்லியனர்கள் இந்தியாவை விட்டு வெளியேறுவார்கள் என்று எதிர்பார்க்கப்படுவதாக அறிக்கை சுட்டிக்காட்டுகிறது.

துபாய் இந்திய பணக்காரர்களை கவர்ந்திழுப்பதற்கான காரணம் என்ன?: துபாய், வானுயர்ந்த கட்டிடங்கள் மற்றும் ஆடம்பர ஷாப்பிங் மால்களுக்கு மட்டும் பெயர் போனது அல்ல. இது வணிகம் மற்றும் சிறந்த வாழ்க்கைத் தரத்திற்கு ஏற்ற இடமாகவும் திகழ்கிறது.

DUDigital Global-இன் CEO மனோஜ் தர்மணி கூறுகையில், துபாய் உயர் வாழ்க்கைத் தரம், உலகத் தரம் வாய்ந்த கட்டமைப்பு மற்றும் பல்வேறு வகையான பொழுதுபோக்கு அம்சங்களைக் கொண்டுள்ளது. இது விடுமுறைக்கு மட்டுமல்லாமல், நிரந்தரமாக குடியேற விரும்புவோருக்கும் ஈர்க்கக்கூடிய இடமாக அமைகிறது.

இந்திய தொழில் வல்லுநர்கள் நீண்ட காலமாக துபாயை பல தொழில் வாய்ப்புகளை அள்ளி வழங்கும் நகரமாகவே பார்க்கின்றனர். ஆரம்பத்தில், வங்கி, சில்லறை வணிகம் மற்றும் கட்டுமானம் போன்ற தொழில்கள் இருக்கும் காரணங்களால் தொழிலாளர்களை துபாய் நகரம் ஈர்த்தது.

இந்தியா பணக்காரர்களை துபாய்க்கு ஈர்க்கும் மற்றொரு முக்கிய காரணி பாதுகாப்பு அம்சங்கள். துபாய் பாதுகாப்பான இடமாக அங்கீகரிக்கப்பட்டுள்ளது, இது தங்கள் குழந்தைகளுக்கு நல்ல சூழலை அளிக்க விரும்பும் பணக்கார குடும்பங்களுக்கு ஏற்ற ஒன்றாக மாறியுள்ளது.

UAE இன் கோல்டன் விசா: துபாயை நோக்கி பலரும் ஈர்க்கப்படுவதற்கு 2019-ஆம் ஆண்டில் அறிமுகப்படுத்தப்பட்ட UAE-இன் கோல்டன் விசாவும் மற்றொரு காரணம். இந்த நீண்ட கால விசா திட்டம் உலகளாவிய முதலீட்டாளர்களை ஈர்த்துத் தக்கவைக்கும் வகையில் வடிவமைக்கப்பட்டுள்ளது.

UAE கோல்டன் விசாவின் முக்கிய அம்சங்கள்:

நீண்ட கால தங்குமிடம்: கோல்டன் விசா 5 முதல் 10 ஆண்டுகள் வரை வசிப்பிட அனுமதி வழங்குகிறது.

வசதி: விசா வைத்திருப்பவர்கள் குறைந்த கட்டுப்பாடுகளுடன் UAE-இல் உள்ளேயும் வெளியேயும் சுதந்திரமாக பயணிக்க முடியும்.

தொழில் மற்றும் வணிக சுதந்திரம்: விசா 100% வணிக உரிமையையும் வழங்குகிறது.

UAE-இல் குடியேறுவதற்கான தகுதித் தேவைகள்:
மருத்துவர்கள் மற்றும் விஞ்ஞானிகள்: சுகாதார அமைச்சகம் அல்லது அது தொடர்புடைய அறிவியல் கவுன்சில்களிடம் அனுமதி பெற வேண்டும்.

எக்ஸிகியூட்டிவ் டைரக்டர்கள்: ஏதேனும் ஒரு பட்டம் பெற்றிருக்க வேண்டும், குறைந்தபட்சம் 5 வருட அனுபவம் பெற்றிருக்க வேண்டும் மற்றும் AED 50,000 (இந்திய மதிப்புக்கு தோராயமாக ரூ. 11,42,808) சம்பளம் பெற வேண்டும்.

'ஒன்-டச்' கோல்டன் விசா சேவையின் மூலம் கோல்டன் விசா பெற ஆன்லைனில் விண்ணப்பிக்கலாம்.

செயலாக்க நேரம்: ஐக்கிய அரபு எமிரேட்ஸின் கோல்டன் விசா விண்ணப்பம் அதன் வேகமான செயல்முறைக்காக அறியப்படுகிறது.

இதுவரை UAE-இல் வழங்கிய கோல்டன் விசாக்களின் எண்ணிக்கை: மே 2019-ஆம் ஆண்டில் துபாய் கோல்டன் விசா திட்டம் தொடங்கப்பட்டதிலிருந்து, 100,000-க்கும் மேற்பட்ட நபர்கள் விசா பெற்றுள்ளனர்.

குறிப்பிடத்தக்க வகையில், 2023-இல் மட்டும், GDRFA 158,000 கோல்டன் விசாக்களை வழங்கியுள்ளது. இது 2022-இல் வழங்கப்பட்ட 79,617 கோல்டன் விசாக்களுடன் ஒப்பிடும்போது குறிப்பிடத்தக்க அதிகரிப்பு மற்றும் 2021-இல் வழங்கப்பட்ட 47,150 விசாக்களை விட 3 மடங்கு அதிகமாகும்.