இந்தியாவை தேடி வரும் வெளி நாட்டவர்கள்... வளர்ச்சி பாதையில் இந்தியா.. எப்படி தெரியுமா?

Economic survey 2023: கொரோனாவின் வருகையால் மிக மோசமாக பாதிக்கப்பட்ட துறைகளில் சுற்றுலா துறையும் ஒன்று. உலகம் முழுக்க எந்த நேரத்தில் என்னவாகுமோ என்ற அச்சத்தின் மத்தியில், மக்கள் வீட்டினை பூட்டிக் கொண்டு வீட்டிற்குள்ளேயே இருந்த காலமும் உண்டு.

இந்த காலக்கட்டத்தில் மக்கள் பெரும்பாலும் அத்தியாவசிய தேவைக்கு தவிர, வீடுகளுக்குள்ளேயே முடங்கினர்.

மேலும் சர்வதேச அளவிலான விமான சேவை, உள்நாட்டிலும் விமான சேவை தொடங்கி, அனைத்து வகையான போக்குவரத்து சேவைகளும் முடங்கின. இதன் காரணமாக ஹாஸ்பிட்டாலிட்டி, போக்குவரத்து, சுற்றுலா என பல துறைகளும் மோசமான சரிவினைக் கண்டன.

சுற்றுலா துறை வளர்ச்சி

எனினும் தற்போது இந்தியாவில் சுற்றுலா துறையானது படிப்படியாக மீண்டு வந்து கொண்டுள்ளது. தற்போது கொரோனா கட்டுப்பாடுகள் நீக்கப்பட்டுள்ளன. இதன் காரணமாக சுற்றுலா துறையானது மீண்டும் வளர்ச்சி காணத் தொடங்கியுள்ளது. 2021ல் பொருளாதார ஆய்வறிக்கையின் படி, மருத்துவ சுற்றுலாவின் உலகின் 64 நாடுகளில் 10வது இடத்தினை இந்தியா பிடித்துள்ளது.

மருத்துவ சுற்றுலா அதிகரிப்பு

மருத்துவ சுற்றுலா பயணிகளுக்கு ஆயுஷ் விசா, சுதேசி தர்ஷன் 2.0 திட்டம் மற்றும் ஹீல் இன் இந்தியா திட்டம் என பலவும் மருத்துவ சுற்றுலாவினை ஊக்குவித்துள்ளன.

மேலும் சர்வதேச அளவிலான விமான சேவையானது நாட்டில் முடங்கியிருந்த நிலையில், தற்போது விமான சேவையும் தொடங்கப்பட்டுள்ள நிலையில், இதுவும் சுற்றுலா பயணிகளை ஊக்குவித்துள்ளது. இது மேற்கொண்டு சுற்றுலா துறையின் வளர்ச்சியினை ஊக்குவித்துள்ளது.

ஹோட்டல் துறையில் வளர்ச்சி

நடப்பு ஆண்டில் மீண்டு வந்து கொண்டுள்ள சுற்றுலா துறையானது, மாதத்திற்கு மாதம் வளர்ச்சி கண்டு வருகின்றது.

இதற்கிடையில் ஹோட்டல் ஆகிரமிப்பு விகிதம் 33%ல் இருந்து, 36% ஆக அதிகரித்துள்ளது. கொரோனாவால் பாதிக்கப்பட்ட துறைகளில் ஹோட்டல் துறையும் ஒன்று.

வளர்ச்சி அதிகரிக்கலாம்

எனினும் கடந்த மூன்றாவது காலாண்டிலும் வளர்ச்சி அதிகரித்துள்ளது. இது இனி வரவிருக்கும் காலாண்டுகளிலும் வளர்ச்சி அதிகரிக்கலாம் என எதிர்பார்க்கப்படுகின்றது.

இத்துறையினை மீட்டு எடுக்க சுற்றுலா துறையினை சார்ந்துள்ள ஹோட்டல்களுக்கு, ஜிஎஸ்டி விகிதம் குறைப்பு, விசாவில் கட்டுப்பாடுகள் தளர்வுகள் அளிக்கப்பட வேண்டும் என்ற எதிர்பார்க்கப்படுகின்றது. மேலும் சுற்றுலா மையங்களை மேற்கொண்டு மக்களை கவரும் வகையில் மேம்படுத்த வேண்டும் என்றும் எதிர்பார்க்கப்படுகின்றது.