சிஇஓ பதவியை விட்டாலும், டிவிட்டரை விட மாட்டேன்.. எலான் மஸ்க் அதிரடி..!

எலான் மஸ்க் டிவிட்டர் நிறுவனத்தை வாங்கியதில் இருந்து அதிகப்படியான எதிர்ப்புகளை எதிர்கொண்டு வந்த நிலையில் எலான் மஸ்க் கடுப்பாகி டிவிட்டரில் "தான் தலைமை பொறுப்பில் இருந்து விலக வேண்டுமா..?" என்பதற்கான முடிவை மக்களிடம் கேட்க முடிவு செய்து டிவிட்டர் வாக்கெடுப்பு நடத்தினார்.

அமெரிக்காவில் தேர்தல் குறித்துப் பல விமர்சனங்களைப் பதிவு செய்த எலான் மஸ்க்-ன் டிவிட்டர் சிஇஓ பதவியை இந்தப் பொது வாக்கெடுப்பு முடிவு செய்துள்ளது என்பது குறிப்பிடத்தக்கது.

பலரும் நினைத்ததை படியே டிவிட்டர் மாற்றங்களை விரும்பாத மக்கள் அதிகமாக இருந்த காரணத்தால் எலான் மஸ்க் சிஇஓ பதவியை விட்டு வெளியேற மக்கள் வாக்களித்து உள்ளனர். இதைத் தொடர் எலான் மஸ்க் தற்போது தனது முடிவை அறிவித்துள்ளார்.

எலான் மஸ்க்

எலான் மஸ்க் "தான் தலைமை பொறுப்பில் இருந்து விலக வேண்டுமா..? என்ற கேள்விக்காக வாக்கெடுப்பில் சுமார் 1.7 கோடி பேர் வாக்குகளைப் பதிவு செய்தனர். இதில் 57.5 சதவீதம் பேர் வெளியேற வேண்டும் என்று, 42.5 சதவீதம் பேர் இருக்க வேண்டாம் என்றும் பதில் அளித்துள்ளனர்.

சிஇஓ பதவி

எலான் மஸ்க் டிவிட்டர் நிறுவனத்தின் சிஇஓ பதவியில் இருந்து கட்டாயம் வெளியேற வேண்டும் என வாக்களித்த நிலையில், எலான் மஸ்க் முடிவு என்ன என்ற எதிர்பார்ப்பு மக்கள் மத்தியில் அதிகமாக இருந்த நிலையில் தற்போது பதில் அளித்துள்ளார்.

டிவிட்டர் சிஇஓ பதவி

இந்த வாக்கெடுப்பு பதிவுக்குக் கீழ் எலான் மஸ்க், டிவிட்டர் சிஇஓ பதவியை ஏற்கும் அளவிற்கு யாரேனும் முட்டாள்தனமான நபரை தேர்வு செய்த உடனேயே இப்பதவியில் இருந்து விலகுகிறேன் எனத் தெரிவித்துள்ளார். இதன் மூலம் இப்பதவிக்குத் தன்னைவிடச் சிறந்த ஆள் யாரும் இல்லை என்பது போலும், வேறு யாராவது வந்தால் அவருக்கான அதிகாரம் மிகவும் குறைவாக இருக்கும் என்பதைச் சொல்லாமல் சொல்லியுள்ளார் எலான் மஸ்க்.

சாப்ட்வேர் மற்றும் சர்வர் அணி

டிவிட்டர் நிறுவனத்தின் சிஇஓ பதவியை ராஜினாமா செய்த பின்பு நிறுவனத்தை விட்டு வெளியேறுவாரா என்றால் கட்டாயம் இல்லை, இதே பதிவில் எலான் மஸ்க் சிஇஓ பதவியை ராஜினாமா செய்த பின்பு நான் சாப்ட்வேர் மற்றும் சர்வர் அணிகளை மட்டும் வழி நடத்துவேன் எனத் தெரிவித்துள்ளார்.

எலான் மஸ்க் ஆதிக்கம்

டிவிட்டர் நிறுவனத்தின் 100 சதவீத பங்குகளையும் எலான் மஸ்க் வைத்திருக்கும் நிலையில் நிர்வாக முடிவில் எலான் மஸ்க் ஆதிக்கம் செலுத்துவார். இதேபோல் டிவிட்டர் நிறுவனத்தில் எவ்விதமான மாற்றங்களைக் கொண்டு வர வேண்டும் என்பதற்கான திட்டமிடலை டெக் பிரிவில் இருந்து எலான் மஸ்க் கொண்டு வர வாய்ப்புகள் அதிகம்.

ரப்பர் ஸ்டாப் பதவியா??

இந்த நிலையில் இதற்கு ஒப்புதல் அளிக்கவும், மறுப்பு (அதற்கு வாய்ப்பு இல்லை) தெரிவிக்கும் பணி மட்டுமே சிஇஓ-க்கு இருக்கும். இது கிட்டதட்ட ரப்பர் ஸ்டாப் பதவியாக இருக்கும். இப்போ சொல்லுங்க எலான் மஸ்க் டிவிட்டர் சிஇஓ பதவியை ஏற்க தயாராக இருக்கும் முட்டாள்தனமான நபர் கண்டுபிடிக்கும் வரையில் தான் சிஇஓ-வாக இருப்பார் எனச் சொல்வது சரியா தவறா என்று.

யார் அடுத்த சிஇஓ?

இல்லையெனில் எலான் மஸ்க் போலவே ஒரு திறமையான, அதேநேரம் கிறுக்குத்தனமான நபர் சிஇஓ-வாக நியமிக்கப்பட்டால் இன்னும் பல அதிரடிகளை டிவிட்டரில் பார்க்க முடியும். டிவிட்டரில் அடுத்த பெரிய கேள்வி யார் அடுத்த சிஇஓ என்பது தான்.