பட்டையைக் கிளப்பும் டெஸ்லா மாடல் எஸ் பிளைட் கார்.. செம டிசைன்.. செம வேகம்..!

டெஸ்லா கார்களுக்கு நிகர் டெஸ்லா மட்டுமே என்று கூறும் அளவிற்கு இந்நிறுவன கார்கள் தொடர்ந்து முன்னேற்றம் அடைந்து வருகிறது. ஆட்டோமொபைல் தயாரிப்புகளில் டெக் பயன்பாடுகள் அதிகப்படியாக 20 சதவீதம் மட்டுமே இருந்த நிலையில், எலான் மஸ்க்-ன் டெஸ்லா கார்களின் டெக் பயன்பாடுகள் 80 சதவீதம் வரையில் உயர்ந்துள்ளது.

இதன் மூலம் டெக் நிறுவனங்கள் ஆட்டோமொபைல் துறையில் எளிதாக ஆதிக்கம் செலுத்தும் நிலைக்கு உயர்ந்துள்ளது.

மாடல் எஸ் பிளைட் கார்

இந்நிலையில் சமீபத்தில் டெஸ்லா அறிமுகம் செய்யப்பட்டு உள்ள மாடல் எஸ் பிளைட் கார் தற்போது முழுமையாகத் தயாராகி வாடிக்கையாளர்களுக்கு டெலிவரி செய்யப்பட்டு வருகிறது.

டெஸ்லா அசத்தல்

டெஸ்லா நிறுவனத்தின் செடான் பிரிவில் முதல் முறையாக அறிமுகம் செய்யப்பட்ட மாடஸ் எஸ் கார் தற்போது வெர்சன் 2.0வாக மேம்படுத்தப்பட்டு மாட்ல் எஸ் பிளைட் காராக அறிமுகம் செய்யப்பட்டு உள்ளது.

தற்போது இந்தக் காரின் டிசைன் மற்றும் வடிவம் குறித்த வீடியோவை டெஸ்லா வெளியிட்டு அசத்தியுள்ளது.

புதிய கார்

எந்த நிறுவனத்தின் காராக இருந்தாலும், மக்கள் மத்தியில் முதல் முறையாக அறிமுகம் செய்யும் காருக்கும், வாடிக்கையாளர்களுக்கு டெலிவரி அல்லது பயன்பாட்டுக்கு வரும் காருக்கும் பெரிய அளவிலான வித்தியாசம் இருக்கும், பல முறை இது அறிமுக மாடலை விடவும் குறைவாகவே இருக்கும்.

வேகம், திறன் அசத்தல்

ஆனால் மாடல் எஸ் ப்ளைய்டு இதற்கு விதிவிலக்கு என்று தான் சொல்ல வேண்டும், அறிமுகம் செய்யப்பட்ட காரை விடவும் பல புதுமைகள் இதில் புகுத்தப்பட்டு உள்ளது. சுருக்கமாகச் சொல்ல வேண்டும் என்றால் விமானத்தில் இருக்கும் காக்பிட் ஆங்கர் போலவே டிரைவிங் வீல் இதில் உள்ளது.

2 நொடியில் 0-60 KMPH

இதுமட்டும் அல்லாமல் மாடல் எஸ் ப்ளைய்டு கார் வெறும் 2 நொடியில் 0-60 KMPH வேகத்தை அடையும் திறன் கொண்டது. இதுவரை உலகில் எந்த ஒரு காரும் இந்த அளவிற்கு ஒரு வேகத்தைக் காட்டியது இல்லை. ஒவ்வொரு முறையிலும் பல புதுமைகளை டெஸ்லா காரில் புகுத்தி வரும் எலான் மஸ்க் இந்த முறை மாடல் எஸ் ப்ளைய்டு காரில் என்ன செய்துள்ளார்