எலான் மஸ்க் TikTok-ஐ வாங்கபோகிறாரா? அப்போ இந்த 4 விஷயம் நடந்தே தீரும்..!!

உலக கோடீஸ்வரர் என்ற பட்டத்தை தற்போது வைத்துள்ள டெஸ்லாவின் சிஇஓ எலான் மஸ்க், X என அழைக்கப்படும் சமூக ஊடக தளமான Twitter ஐ வாங்குவதற்கு எடுத்த அதிரடியான நகர்வுகளை நீங்கள் மறந்திருக்க மாட்டீர்கள் இல்லையா? அந்தவகையில் தற்போது அமெரிக்காவில் தடை அச்சுறுத்தலில் உள்ள முன்னணி சீன குறும்பட வீடியோ செயலியான டிக்டாக்கை மஸ்க் வாங்க உள்ளதாக தகவல் வெளியாகியுள்ளது. டிக்டாக் செயலியை தேசிய பாதுகாப்பை கருத்தில் கொண்டு இந்தியா உட்பட பல நாடுகள் டிக்டாக்கை தடை செய்துள்ளன.

டிக்டாக் என்பது மிகக் குறுகிய காலத்தில் உலகளாவிய ட்ரெண்டிங்காக மாறிய ஒரு செயலியாகும். கோவிட் காலத்தில் இந்த ஆப் பொதுமக்களின் கவனத்தை ஈர்த்தது. தற்போது அமெரிக்காவும் டிக்டாக்கை தடை செய்ய திட்டமிட்டுள்ளது. இதை தொடர்ந்து டிக்டாக்கை வாங்க எலான் மஸ்க் விருப்பம் தெரிவித்துள்ளதாக கூறப்படுகிறது.

இந்த செயலியின் பின்னணியில் உள்ள சீன நிறுவனமான பைட் டான்ட், மஸ்க்கின் சலுகையை தீவிரமாக பரிசீலித்து வருவதாக தகவல் வெளியாகியுள்ளது. குளோபல் செய்தி நிறுவனமான ப்ளூம்பெர்க் இந்த செய்தியை வெளியிட்டுள்ளது. ஆனால், பேச்சுவார்த்தை ஆரம்ப கட்டத்தில் இருப்பதாகவும், இறுதி முடிவு எடுக்கப்படவில்லை என்றும் தகவல் வெளியாகியுள்ளது.

மஸ்கின் சமூக ஊடக தளமான எக்ஸ், டிக்டோக்கின் அமெரிக்க செயல்பாடுகளை கட்டுப்பாட்டிற்குள் கொண்டுவந்து, கூட்டாக வணிகத்தை நடத்துவதற்கான நகர்வுகளை மேற்கொண்டு வருகிறது. இதற்கிடையில், சீன அதிகாரிகள் டிக்டாக்கின் தாய் நிறுவனமான பைட் டான்ஸின் கட்டுப்பாட்டில் இருக்க விரும்புவதாகவும் தகவல்கள் தெரிவிக்கின்றன.

டிக்டாக் தற்போது தடையை தவிர்க்க அமெரிக்க உச்ச நீதிமன்றத்தை அணுகியுள்ளது. சீனாவுடனான டிக்டாக்கின் உறவுகள் குறித்த தேசிய பாதுகாப்பு கவலைகள் தடைக்கான அழைப்புகளை தூண்டியுள்ளன. டொனால்ட் டிரம்ப் அதிபராக வருவதால் சீன நிறுவனங்களுக்கு பெரும் பின்னடைவு ஏற்படும் என மதிப்பிடப்பட்டுள்ளது. டிரம்ப் இம்மாதம் 20ஆம் தேதி பதவியேற்கிறார். இம்மாதம் 19ஆம் தேதிக்குள் டிக்டாக் விற்பனை செய்ய அல்லது தடைசெய்யும் சட்டத்தை உச்சநீதிமன்றம் ஆதரிக்கிறது என்பதுதான் தகவல்.

டிக்டாக் தனது பயனர்களின் தகவல்களை சீனாவுக்கு ஏற்றுமதி செய்வதாக குற்றம் சாட்டப்பட்டுள்ளது. இதனால் தான் இந்தியா உள்ளிட்ட நாடுகள் இந்த செயலியை தடை செய்துள்ளன. நிறுவனத்தின் தரவு நடைமுறைகள் தேசிய பாதுகாப்புக்கு அச்சுறுத்தலாக இருக்கலாம் என்ற கவலைகளுக்கு மத்தியில் அமெரிக்காவில் அதிக ஆய்வுக்கு உட்பட்டுள்ளன.

இந்த விவகாரத்தில் விரைவில் முடிவு எடுக்கப்படும் என எதிர்பார்க்கப்படுகிறது. அமெரிக்க உச்ச நீதிமன்றத்தின் நிலைப்பாட்டை கருத்தில் கொண்டு, டிக்டாக் மஸ்க்கின் சலுகையை ஏற்க வேண்டும். இல்லையெனில் அமெரிக்க சந்தைகள் விடைபெற வேண்டும். இது மஸ்கின் கீழ் வந்தால், டிக்டாக் இந்தியா உட்பட கனவு நிலத்திற்கு திரும்ப முடியும். ஆனால், டிக்டோக்கிற்கான மஸ்க்கின் சலுகை குறித்து அதிகாரப்பூர்வ அறிவிப்பு ஏதும் இல்லை.

எலான் மஸ்க் டிக்டாக்-ஐ வாங்கினால் என்ன நடக்கும்?: ஒருவேளை எலான் மஸ்க் டிக்டாக்-ஐ வாங்கினால் சீனாவிற்கு செல்லும் தனிமனித டேட்டா கசிவுகள் தடுக்கப்படும். இதனால் அமெரிக்காவில் டிக்டாக் பயன்படுத்துபவர்கள் டேட்டா பிரைவேசிகளில் நன்மை உண்டாகும்.

அதேபோல், தற்போது எலான் மஸ்க் வைத்துள்ள எக்ஸ் தளத்திற்கு கூடுதல் பலம் சேர்க்கும். விளம்பரங்களில் கூடுதல் வருவாயை ஈட்ட முடியும்

இந்தியா போன்ற நாடுகளில் தடைசெய்யப்பட்டுள்ள டிக்டாக் மீண்டும் வருவதற்கான வாய்ப்புகள் ஏற்படும்.

தற்போது எலான் மஸ்க் வைத்துள்ள எக்ஸ் தளத்தில் வீடியோ பதிவுகள் ஏதும் இல்லை. டிக்டாக்-ஐ வாங்கிய பின் வீடியோ ஃபீட்களை இணைக்கும்.